E chegou o segundo "contacontos" por parte das familias!!!!!!
Desta volta foi Vanessa, a mamá de Adrián a que compartiu con nós o conto de Pablo Nogueira " A banda de Raimunda" ( se premedes no título levaravos á ficha técnica do mesmo)
Aquí vos queda, agardamos que vos guste tanto coma a nós. E moitísimas grazas a Vanessa polo seu tempo e creatividade.
A terceira actividade que se propuxo para conmemorar o DÍA DAS BIBLIOTECAS (e tendo en conta que o lema deste ano é A BIBLIOTECA TEN A PALABRA) foi para o alumnado de 6º de ED. Primaria, que xunto coa súa titora colleron a nosa proposta e transformárona en 3 "clips" de radio no que nos contan o que lles gusta da nosa B.E, curiosidades sobre as bibliotecas e mesmo nos explican os distintos libros que podemos atopar.
Fixeron 3 equipos de traballo, organizáronse, guionizaron, e este foi o magnífico resultado.
Mañá comezan a súa andaina as nosas "mochilas viaxeiras" , que conteñen libros ( de lectura, de receitas, de consulta...) contos, CDs ou DVDs adaptados a cada unha das aulas ( seleccionados polos seus titores e titoras) .
Para conmemorar o día das Bibliotecas, a segunda das actividades propostas para esta data foi a elaboración dun marcapáxinas para intercambiar co alumnado doutra aula.
Así:
O alumnado da aula de 3/4 anosde ED. Infantil, fixo un intercambio coa clase de 5º de ED. Primaria.
O alumnado da aula de 5 anos de ED. Infantil , fixo un intercambio coa aula de 3ºde ED. Primaria.
O alumnado de 1º de ED. Primaria fixo un intercambio co alumnado de 6º de ED. Primaria.
O alumnado de 2º de ED. Primaria , fixo un intercambio co alumnado de 4ºde ED. Primaria.
Despois de poñer en marcha a súa creatividade durante a semana, o venres cada aula fixo o seu intercambio (aleatorio e anónimo).
De xeito telemático ( prescindimos por segundo ano do modo presencial)
E hoxe chegounos a primeira aportación, moi acorde coas próximas datas do Samaín, e tamén próxima á data de inicio da Bibiloteca Escolar: O día das Bibliotecas escolares.
Queremos agradecer a Xermán e á súa nai Beatriz , que compartan con nós esta magnífica representación do conto
Dende o equipo de Biblioteca estamos planificando as actividades que imos desenvolver este curso.
Unha delas é o xa "tradicional" , "Contacontos para alumnado de ED. Infantil".
Debido á época que estamos a vivir, prescindiremos por segundo ano consecutivo do modo "presencial", pero o que non queremos é abandonar esta actividade que tanto lles gusta.
Recordámosvos que para participar con ser familiares dun alumno ou alumna do centro é suficiente ( non vai dirixido exclusivamente ás familias de ED. Infantil.)
Aquí están os gañadores e gañadoras do concurso, dende ED. Infantil ata sexto de primaria.
( Na clase de 5º a calidade dos traballos foi tan boa, que foi imposible elexir a un único/a gañador, polo que o xurado otorgou un premio comunitario a toda a aula)
Aparecen aquí os gañadores e gañadoras , tanto na categoría de galego coma na de inglés.
Moitos parabéns aos gañadores e gañadoras!!!!! E moitísimas grazas a todo o alumnado por participar ( coa colaboración dos titores e titoras e o profe Javi na área de inglés ) xa que custou moito chegar a un acordo pola calidade das achegas.
A principios de mes, dende o equipo de biblioteca lanzamos a proposta para traballar este 21 de Marzo, día da Poesía e da Árbore, e por proximidade tamén o da auga.
Propuxémoslle ás familias o seguinte:
Agás en ED. Infantil que as fotos quitáronse co alumnado no patio do colexio. Os demais aportaron as súas fotografías ( grazas ás familias pola súa colaboración)
A segunda parte da actividade desenvolveuse nas aulas, coa axuda das titoras e titores, para dar lugar a uns " FOTO HAIKU" moi orixinais.
Aquí vos quedan as recopilacións, fixemos 2 pequenos vídeos coas imaxes, o primeiro coas creacións do alumnado de ED. Infantil ata 3º de ED. Primaria e o segundo das creacións do alumnado de 4º, 5º e 6º de ED. Primaria.
Dende o equipo de biblioteca queremos agradecer a colaboración e participación das familias e a implicación dos titores e titoras.
E aquí temos a estrea do noso RAP de mulleres científicas galegas.
Comezamos esta andaina preparando os nosos "LAPS BOOKS" para o mes da ciencia en galego, novembro.
De cara ao 11 F: Día da muller e a nena na ciencia, e en vista de que a maioría das nosas eleccións foran mulleres, pensamos en facer un rap con todas elas.
E despois dun mes de duro traballo, de elexir a letra, de ensaiar , por fin chegou o momento da gravación.
Queremos agradecerlle ao noso mestre de música, David o seu esforzo e traballo para organizar esta actividade, ensaiar e facer este magnífico vídeo que vos presentamos a continuación.
Grazas tamén a todo o profesorado e alumnado que participaron con gran entusiasmo nesta actividade.
Xuntamos 3 conmemoracións: auga, árbore e poesía, e dende o equipo de biblioteca pareceunos que a través dos HAIKU ( neste caso FOTO-HAIKU) sería o mellor xeito de facelo.
Traballermos nas aulas o concepto, que é un HAIKU e coa colaboración das familias ( unha foto para ilustrar o seu foto-haiku) posteriormente rematarán a creación nas aulas.
En ED. Infantil farase todo o traballo no centro, e as fotografías tirarémolas no noso patio.
Finalmente elaboraremos un pequeno vídeo con todas as creacións para compartir con toda a comunidade educativa.
Moitas grazas ás familias pola súa colaboración nesta actividade.
