biblioteca

Hoxe día 3 de decembro é o día Internacional da Discapacidade, dende o equipo de Biblioteca e en coordinación  co Departamento de Orientación propúxose unha tarefa de investigación ( ALFIN, AMI) para o alumnado de primaria: investigar sobre unha discapacidade, para despois transmitirllo ao resto das aulas.

Despois estar traballando a nivel titorial durante estas dúas semanas, hoxe foi o momento de compartilo co resto do alumnado do centro. O noso punto de retransmisión foi a nosa Biblioteca Escolar, en "rigoroso directo".

Moitísimas grazas polo traballo desenvolvido dende as titorías, o esforzo, a motivación e o bo facer. 

Tamén salientar que dende a área de ED. Física,  o profe Rubén traballou co alumnado de ED. Primaria a temática nestas últimas semanas , para concienciar e sensibilizar.

Acó vos queda un pequeno resumo realizado pola mestra de A.L ,Carolina.

( Premede no adxunto PDF) 

 Iremos engandindo parte das presentacións, lapbooks, infografías e diversos vídeos e materiais que se elaboraron e compartiron na xornada de hoxe. 

O mes de novembro é o mes da CIENCIA EN GALEGO , dende o Equipo de Biblioteca propúxose que ao longo do mes, cada aula fixese un experimento. 

Nesta "entrada" iremos agregando os pequenos vídeos ou montaxes fotográficas que nos vaian achegando dende cada unha das aulas , na próxima semana. 

( moitas grazas polo gran  traballo desenvolvido dende as titorías!! ) 

As primeiras achegas:

AULA MIXTA DE 3/4 ANOS ( ED. INFANTIL)

  AULA DE 5 ANOS

AULA DE 1º DE ED. PRIMARIA  

AULA DE 2º DE ED. PRIMARIA  

 AULA DE 3º DE ED. PRIMARIA

       AULA DE 4º DE ED. PRIMARIA

AULA DE 5º DE ED. PRIMARIA

AULA DE 6º  DE ED. PRIMARIA 

MOITAS GRAZAS A TODOS E TODAS POLA VOSA COLABORACIÓN!!!

Chega novembro, o MES DA CIENCIA EN GALEGO ( premede para ir aos contidos que nos recomendan dende a Asesoría de Bibliotecas Escolares)

Dende o equipo de biblioteca e para conmemorar esta data propuxemos que cada unha das titorías fixese, ao longo do mes un "experimento" ou actividade relacionada co STEAM ( escornabots, programación en bloques, etc..) e o graven , explicando o proceso e o porqué para despois poder compartilo co resto das aulas.

Tamén temos a disposición do alumnado e do profesorado libros relacionados coa temática no noso ESPAZO MAKER no primeiro andar, e na entrada da nosa Biblioteca escolar.

A terceira actividade que se propuxo para conmemorar o DÍA DAS BIBLIOTECAS  (e tendo en conta que o lema deste ano é A BIBLIOTECA TEN A PALABRA) foi para o alumnado de 6º de ED. Primaria, que xunto coa súa titora colleron a nosa proposta e transformárona en 3 "clips" de radio no que nos contan o que lles gusta da nosa B.E, curiosidades sobre as bibliotecas e mesmo nos explican os distintos libros que podemos atopar.

Fixeron 3 equipos de traballo, organizáronse,  guionizaron, e este foi o magnífico resultado.

Moitas grazas á clase de 6º e á súa titora!!!