Web do CEIP Xuvencos | Escola pública: de todos e para todos.

Restablecemento do servizo de pediatría na comarca de O Carballiño

Ven, 23/02/2024 - 15:47 — admin

Segue a loita polo restablecemento do servizo de pediatría na comarca, por parte da plataforma para a defensa da Sanidade Pública de O Carballiño.

Esta vez, a través dun hospital informativo, na Praza Maior do Carballiño, de 11.30 a 13.30 horas, este domingo 25 de febreiro.

Desde a comunidade educativa do CEIP Xuvencos, seguimos apoiando e animando á plataforma na súa entrega e demanda. Por unha sociedade digna! Por unha comarca cun grado mínimo de calidade de vida, saúde e benestar social!!

Na seguinte infografía, poderás ver un resumo de todo o traballo realizado.

Concentración polo restablecemento da atención pediátrica

Ven, 16/02/2024 - 12:33 — admin

Lembramos que a plataforma para a defensa da Sanidade Pública de O Carballiño convoca, de novo, unha concentración para hoxe 16 de febreiro ás 18.30 horas na Praza Maior do Carballiño, polo restablecemento do servizo de pediatría na comarca.

Neste caso, a esta concentración únense as plataformas de Xinzo e Verín, que están a sufrir igualmente recortes na atención pediátrica.

O servizo de pediatría é un servizo esencial e necesario en toda comunidade ou sociedade que se prece actual e comprometida coa conciliación familiar así como coa procura dun grado mínimo de calidade de vida, saúde e benestar social.

Desde a comunidade educativa do CEIP Xuvencos sumámonos á concentración de hoxe e á solicitude de restablecemento deste dereito básico e tan necesario para a nosa comarca.

blogue de admin

30 XANEIRO: DÍA DA PAZ

Mar, 30/01/2024 - 20:00 — admin

Para celebrar o Día da Paz fixemos distintos xogos cooperativos no patio e despois cada ciclo colgou as banderolas decoradas polo alumnado do colexio nun cordel que decoraron os corredores do colexio.

blogue de admin

RESERVA DE PRAZA PARA O CURSO 24-25

Lun, 15/01/2024 - 06:12 — admin

Desde o 16 de xaneiro, e ata o 6 de febreiro, está aberto o prazo de Reserva de praza para o alumnado de 6º curso que desexe continuar os seus estudos no IES Manuel Chamoso Lamas. Dito alumnado, deberá presentar no noso centro:

ANEXO I, debidamente cumprimentado. Ou ben en liña accedendo a este enlace a través da sede electrónica : https://www.edu.xunta.gal/admisionalumnado/

A reserva adquirirá carácter vinculante e será incompatible coa presentación de solicitude noutro centro, salvo renuncia expresa e por escrito presentada no centro antes do inicio do prazo de presentación de solicitudes de admisión.

Se non desexa solicitar praza en dito instituto, pero presentou o ANEXO I, deberá facelo constar por escrito no IES Manuel Chamoso Lamas antes do inicio do proceso de Admisión. Posteriormente deberá solicitar praza noutro centro entre o 1 e o 20 de marzo.

O resto do alumnado, desde Ed. Infantil ata 5º Ed. Primaria, que este ano estivo matriculado no noso centro, ten Reservada praza de oficio no centro polo dereito de Permanencia. Se decide solicitar praza noutro centro ten que achegarnos unha copia da solicitude de admisión entregada nese novo centro.

blogue de admin

MOBILIZACIÓN POLO RESTABLECEMENTO DO SERVIZO DE PEDIATRÍA EN O CARBALLIÑO

Mar, 09/01/2024 - 15:02 — admin

A plataforma para a defensa da Sanidade Pública de O Carballiño, convoca de novo unha mobilización, "cacerolada" incluída, o vindeiro domingo 14 de xaneiro en O Carballiño, polo restablecemento do servizo de pediatría na comarca.

Neste caso, a saída será ás 12.30 horas na Praza do Emigrante (xunto á pista vermella) e rematará no centro de saúde.

A atención pediátrica é un servizo esencial e necesario en toda comunidade ou sociedade que se prece actual e comprometida coa conciliación familiar así como coa procura dun grado mínimo de calidade de vida, saúde e benestar social.

A dirección

Coreografía de cordas

Sáb, 23/12/2023 - 14:54 — admin

Na asignatura de Educación Física, o alumnado de 5º e 6º de primaria prepararon unha coreografía usando diferentes elementos como as combas. Esta é a presentación que fixeron o mércores 20 de decembro no colexio ante todos os seus compañeiros e compañeiras. Noraboa polo traballo!!!!

blogue de admin

Chega o Nadal ao Xuvencos....

Xov, 21/12/2023 - 07:04 — admin

Noraboa ao equipo de actividades complementarias e en especial a coordinadora Natalia

blogue de admin

DÍA DA DISCAPACIDADE

Lun, 04/12/2023 - 20:00 — admin

O 5 de decembro celebramos no centro o DÍA DA DISCAPACIDADE. Viñeron da asociación ASPADISI a contarnos o conto "Mi hermana Lola" para o alumnado de segundo e terceiro ciclo de educación primaria. O alumnado fíxolle preguntas sobre a discapacidade e as actividades que se facían na asociación.

Despois trouxeron xogos populares feitos polas persoas que acoden á asociación e xogaron co alumnado do colexio.