O alumnado de educación primaria participa no conto musicado "A nena e o avó" no Conservatorio de Ourense.
O pasado 28 de maio, o alumnado de educación primaria do noso centro tivo a oportunidade de asistir a unha enriquecedora actividade cultural no salón de actos do Conservatorio de Ourense organizada en colaboración co CFR de Ourense. Nesta ocasión, os nenos e nenas participaron no conto musicado "A nena e o avó", de Carmen Calleja, unha obra contada pola propia autora e interpretada maxistralmente polo coro xuvenil Cantiga de Ourense.
A representación, que xa acadara un notable éxito nas xornadas de Ourencanto, volveu deleitar ao público coa súa emotiva combinación de música e narración. "A nena e o avó" é un conto que explora a relación especial entre unha nena e o seu avó, e como a través da música se forxan recordos e ensinanzas que perduran toda a vida.
O coro xuvenil, coñecido polo seu talento e dedicación, logrou unha vez máis entusiasmar á audiencia coa súa interpretación. A música, coidadosamente seleccionada e executada, serviu como un vehículo perfecto para transmitir os sentimentos e as ensinanzas do conto, deixando unha impresión duradeira nos novos espectadores.
Esta actividade non só brindou aos estudantes unha experiencia artística única, senón que tamén fomentou neles o amor pola música e a literatura. A integración destas disciplinas no ámbito educativo é fundamental para o desenvolvemento integral dos nenos e nenas, xa que lles permite explorar novas formas de expresión e comprensión do mundo que os rodea.
O éxito desta xornada reafirma a importancia de seguir promovendo actividades culturais no currículo escolar, e agradecemos ao Conservatorio de Ourense, ao coro xuvenil Cantiga de Ourense e ao CFR de Ourense por facer posible esta marabillosa experiencia.
Sen dúbida, eventos coma este contribúen a enriquecer a formación do noso alumnado, achegándoo ao mundo da arte e a música dun xeito lúdico e educativo.
Este ano, a celebración do Día de Rosalía, no noso cole, foi un pouco distinta á de anos anteriores por mor do Covid. Por iso, o alumnado estivo estudando, ao longo desta semana, sobre a vida e obra da nosa galega ilustre.
Uns foron detectives, outros buscaron tesouros escondidos e outros intentaron ser millonarios con Rosalía, dende logo todos aprenderon moitísimo da escritora. Para demostrar os seus coñecementos, o último día da semana, celebramos un concurso no que houbo premios.
NORABOA A TODOS!!!
O alumnado de Ed. Infantil traballou o poema de "Adiós ríos, adiós fontes" e decorou unha máscara de Rosalía co poema:
Ao longo da semana do Día contra a Violencia de Xénero traballamos no aula varios recursos educativos que foran compilados polo Equipo de biblioteca do noso centro.
O 25 de novembro, para conmemorar esta data, o alumnado de terceiro de Ed. Primaria agasallounos coa interpretación en lingua de signos a canción de “A porta violeta” de Rozalén.
Escollemos dita canción para traballar esta temática xa que fai unha clara descrición da violencia de xénero aludindo a algunhas das emocións que senten as vítimas como o medo, a tristeza, a culpabilidade, ou a algún dos feitos que forman parte desta violencia como son os berros ou os golpes.
A porta violeta podémola identificar como a loita pola igualdade que vai axudar ás mulleres que son vítimas de violencia a saír desa situación se abren a porta. O noso alumnado aportou, a través de bolboretas e flores, mensaxes e desexos cheos de esperanza e boas intencións que axudarán ás vítimas a saír desa situación de soidade e desamparo.
Os nenos e nenas de 2º de Ed. Primaria disfrazáronse de superheroes e superheroínas para defender as mulleres e crear así un mundo moito máis xusto.
O alumnado de 4º de Ed. Primaria realizaron na súa aula carteis contra a violencia de xénero para visibilizar este problema.
Na Aula de Inglés traballouse esta temática a partir do visionado do vídeo We are one woman.
SUPERHEROES SAY NO!!
Na semana das bibliotecas escolares puxemos a funcionar, un ano máis, a actividade de animación á lectura: "Libros que van e veñen". Empregamos as novas bolsas/mochila que nos achegaron desde a asesoría de bibliotecas da Consellería de Cultura, educación e universidade.
Todos os venres, o equipo de biblioteca prepara as bosas para que os nenos e nenas difruten da lectura en tempo de lecer coas súas familias.
BOA LECTURA PARA TODAS E TODOS!!!
O alumnado de Ed. Infantil continuou levando para as súas casas as bolsas do programa "Libros que van e veñen" todos os venres do curso ata a chegada do estado de alarma.
Como en cursos anteriores, estas permanecen no seu domicilio unha semana, facéndose a renovación dos libros os venres de cada semana. Cada unha delas inclúe un libro en galego ou castelán escollidos polo alumnado e un caderno para que, coa axuda dos seus familiares, debuxen e/ou escriban o que lles "digan" os libros.
Agradecemos ás familias dos máis caivos a súa imlicación nesta actividade destinada a que acompañen aos seus fillos e fillas no proceso lector e lles sirvan de modelo e guía nos momentos de lecer.
No seguinte documento podemos ver algúns exemplos dos seus traballos na casa:
No curso 2019/2020 estiveron en funcionamento 7 mochilas viaxeiras, e dicir, unha por cada classe do cole.
Como en anos anteriores, as mochilas viaxeiras permiten ao alumnado un préstamo por un período dunha semana, para compartir coas familias o contido da mesma. O contido do material foi escollido pola persoa titora, supervisado pola biblioteca e procurando que teña a maior variedade de textos e formatos, tanto en galego como castelán, para que o alumando poida elixir.
Todas as mochilas inclúen “O diario da mochila” no que, tanto os nenos/as como as súas familias, aportan a súa opinión, novas creacións, debuxos, suxerencias, …, sobre o contido da mochila o dos libros lidos.
Achegamos unha mostra do traballo realizado polo alumnado nas súas casas.
Para a maioría das familias resulta ser unha actividade moi divertida que axuda a entrelazar lazos entre pais e fillos e enriquécenos a todos. Foi unha mágoa que a partir de mediados do mes de marzo non puideron funcionar.
Lorenzo de 1º de Ed. Primaria quere compartir cos lectores da nosa biblioteca este fabuloso libro de preguntas do que el é autor.
Convidámoste a que o abras e nos contes cantas preguntas acertas antes de mirar a resposta... ADIANTE!!
O Libro de cores xa está en marcha...anímate a participar...
Estás a tempo!!
Podes achegar as túas creacións mentres dure o estado de alarma
Animámosvos a participar, en compañia das vosas familias, na seguinte pescuda que realizaremos ao longo de toda a semana do día do libro, cada día un reto...
Xa podedes comezar o do luns!!!