Ao longo deste curso o alumnado de Ed. Infantil traballou a coeducación e a igualdade de xénero a través do conto "Rosa caramelo" no cal a elefanta Margarita reivindica a igualdade de xénero para os nenos e nenas.
Partimos da lectura adaptada do libro para as distintas idades do grupo de clase, pois na mesma aula están escolarizados nenos e nenas de cuarto, quinto e sexto de Educación Infantil. Das actividades realizadas, destacamos as seguintes:
Coñeceron as súas personaxes , describíronas e os maiores axudaron aos máis pequenos, tanto para contar o conto, como para describir as distintas personaxes.
Debuxaron as personaxes principais, os de cuarto de educación infantil pintáronos e a medida que avanzou o curso, tamén as debuxaron.
Os nenos e nenas de sexto de infantil fixeron un puzzle sobre o conto e axudaron aos máis pequenos a unir as pezas.
Mesturaron con pintura de dedos para conseguir o rosa e o gris, que son as cores das personaxes do conto.
Rotular o lema do noso conto “Todos somos diferentes pero non desiguais”
Facer un debuxo para acompañar o lema e poñelo no mural do Colexio.
Utilizamos tamén libros da colección “ZOO” para coñecer un pouco a da vida e hábitat doutros animais salvaxes.
Proxectamos na aula imaxes de animais salvaxes, o medio onde vivían , e coñecemos algunhas das súas características.
Ao longo do curso 2019/2020 e ata a declaración do estado de alarma realizamos a Hora de ler co alumnado de Ed. Infantil todos os días da semana en sesións de 20 minutos. Con esta actividade perseguimos alcanzar os seguintes obxectivos:
Estimular o interese pola lectura.
Favorecer o desenrolo da creatividades, atención e linguaxe.
Para consiguilo, realizamos distintas actividades lectoras, entre as que destacamos:
Comezamos lendo o conto o mesmo tempo que verán e tocarán as ilustracións con moito coidado.
Inventar outro títulos relacionados co conto.
Imaxinar como é o protagonista e outras personaxes do conto.
Debuxos relacionados cos contos.
Describir as personaxes do conto.
Contar o conto coas súas propias palabras
Inventar historias diferentes con esas personaxes
Memorizar o conto “O casamento do piollo e a pulga”.
Representalo na aula.
Elaborar o vestiario implicándoos a eles, picando, recortando, pintando….
Representalo o día do Festival de Nadal do Colexio.
O alumnado de Ed. Infantil continuou levando para as súas casas as bolsas do programa "Libros que van e veñen" todos os venres do curso ata a chegada do estado de alarma.
Como en cursos anteriores, estas permanecen no seu domicilio unha semana, facéndose a renovación dos libros os venres de cada semana. Cada unha delas inclúe un libro en galego ou castelán escollidos polo alumnado e un caderno para que, coa axuda dos seus familiares, debuxen e/ou escriban o que lles "digan" os libros.
Agradecemos ás familias dos máis caivos a súa imlicación nesta actividade destinada a que acompañen aos seus fillos e fillas no proceso lector e lles sirvan de modelo e guía nos momentos de lecer.
No seguinte documento podemos ver algúns exemplos dos seus traballos na casa:
Os máis peques da escola aprenderon as partes do corpo e foron quen de asocialas as cores correspondentes, grazas a Nelly e o Gruffalo.
Lemos en voz alta o conto “Nelly paints a monster”,escoitamos de que cor era cada parte do body e puxémonos mans a obra. A expresión vainos moi ben, porque como vedes nas fotos, as nosas mans foron o noso instrumento de traballo.
Preparamos o noso recuncho dos monsters, pero pola situación que todos/as estamos a vivir, quedounos por facer a foto dos artists coas súas obras.
E que dicirvos do Gruffalo? A súa historia deunos para facer drawings, puzzles and puppets.
Non fomos quen de rematar todo o traballo, pero aínda así queremos amosar parte do realizado polos máis peques.
Leo proponvos un reto para a semana do libro. Entre todas as persoas da nosa comunidade educativa, nenos, nenas, pais, nais, avós, avoas... imos a facer un libro virtual de cores no que poñades de manifesto como vos sentides estes días tan distintos e especiais.
Para elo, propoñémosvos que vexades, en primeiro lugar, este vídeoconto de catro minutos de duración e que leva por título "El monstruodecolores" da autora Anna Llenas.
Unha vez visionado o videolibro, mirade as propostas que vos fai Leona seguinte presentación:
CONCRETANDO O RETO:
Visionaro videoconto.
Facerun debuxo, vídeo, cómic, cartaz, historia... no que reflictades o voso estado de ánimo nestes días.
Achegádeoao correo do cole ceipmsueiro@gmail.com para facer un vídeolibro cos vosos traballos.
Con todos os traballos recibidos, editaremos un video-libro para a vosa biblioteca.
Animámosvos a participar, en compañia das vosas familias, na seguinte pescuda que realizaremos ao longo de toda a semana do día do libro, cada día un reto...
Nas seguintes ligazóns achégovos unha serie de tarefas que podedes traballar cos vosos fillas e fillos, mentres dure o estado de alerta, ao voso ritmo para que non lles supoña ningunha traba nin trauma.
Se precisas poñerte en contacto co profesorado podes facelo a través do seguinte correo ceipmsueiro@gmail.com