Ed. infantil

Para conmemorar o Día da Paz o profesorado representou a obra "Por catro esquiniñas de nada" de Jérôme Ruillier. Caracterizados coma os personaxes do conto puxeron en valor o respecto ás diferencias e a integración desde dito respecto, sen pretender que todas as persoas sexamos iguais e entendendo que o traballo en equipo sempre é a mellor canle para solucionar os problemas.

Como este ano O SUEIRIÑO A DIVERSIDADE RESPECTA, TRABALLEMOS XUNTOS A PROL DO PLANETA! dende a biblioteca fixemos unha  pequena homenaxe ao premio Nobel da Paz,  Wangari Maathai, polo labor que fixo en defensa da natureza e a loita polos dereitos e melloras da situación das mulleres do seu país. Contamos un conto (no que queremos agradecer a participación do alumnado de 6º) sobre a verdadeira historia de Wangari e aprendemos unha bonita canción sobre a súa vida.

Para rematar, realizamos un mural (todo con material reciclado) no que quixemos reflictir  o "Movemento Cinturón verde" que fundou Wangari  en 1977 e que na actualidade en Kenia conta con 4000 grupos comunitarios  que plantan árbores e protexen o medio ambiente. Cada neno/a fixo unha folla co seu mensaxe de paz que posteriormete foi colocada no mural.

Asemade, nestes tempos escuros que estamos a vivir, no noso cole prendemos candeas pola PAZ. Candeas que alumeen o camiño cara ao respecto, igualdade e comprensión.

Comezamos a nosa colaboración con UNICEF o curso pasado, cando grazas á súa campaña de vacinas para a paz, convertémonos en axudantes dunha vacinación tan necesaria.

Este curso, de novo, desenvolvemos algunhas actividades a prol do medio ambiente, con materiais facilitados por UNICEF.

Do 25 de outubro ao 5 de novembro, temos no cole a disposición da comunidade educativa unha exposición de 10 paneis que axuden a tomar conciencia da necesidade de  non malgastar auga, e entender que a mesma é fonte de vida.

Cada curso debateu sobre o que a exposición lles facía sentir e reflexionou sobre a mensaxe.

Ao longo da semana, cada un dos nenos e nenas escribirá nunha pinga de auga as súas reflexións sobre a exposición, co fin de elaborar un libro colaborativo sobre o tema. Enviaremos a actividade ao comité de UNICEF en Galicia ao remate da mesma, agradecéndolles que nos faciliten os materiais dos que dispoñen, no nome de Marta Andrade Blanco.

Ao longo do mes de setembro, o alumnado de educación infantil e de segundo de primaria pescudou información sobre os volcáns e realizaron varias actividades sobre a dinámica do seu funcionamento, entre as que destacamos o emprego de apps realidade virtual para velos en acción en 3D. Pero a actividade que máis lles chamou a atención foi a realización de forma experimental dunha pequena maqueta dun volcán en erupción.

Pasárono xenial!!

 Alumnado de segundo traballando

Creacíóns do alumnado de infantil

As aulas de 4º e 5º de Educación Infantil foron de vendima!!!

Aprendemos a esmagar as uvas, a facer o bagazo, merendamos uvas brancas e tintas, e bebemos o zume de uva....

Que ricoooo!!!!

Un día marabilloso, moi divertido e aprendemos un montón!!!

A piques de entrar no verán e cando vai moita calor, os peques de E.I. e os nenos/as de 1º e 2º E.P., pasaron un rato estupendo na nosa swimming pool.

Os peques de E.I. calzaron as flip-flop máis divertidas para lucilas na swimming pool. E que mellor remate do día que tomar unhas doces strawberries do noso garden con saboroso chocolate. Ben boas que estaban! Ata rechupeteamos os fingers.

E os compañeiros/as de 1º e 2º E.P. co espírito de coidadores do noso planeta, decidiron lanzar á swimming pool a message in a bottle, porque non imos contaminar ríos e mares con botellas de plástico.

Nesa message, lanzamos un SOS to the world porque non podemos seguir contaminando o noso planeta, non hai planet B.

ENJOY YOUR TIME!