Contido popular
Título | Resumo |
---|---|
Formación de usuarios |
No curso 2018/2019, a formación de usuarios volveu a estar presente ao longo de todo o curso, sobre todo as actividades referentes ao alumnado. O profesorado titor encargouse de realizar esta tarefa co seu alumnado ao longo do curso con indicacións puntuais ou en sesións programadas de formación. En educación Infantil visitaron a Biblioteca unha vez por semana. Os mais pequenos custoulle un pouco subir e dirixirse ao recanto en orde e silencio, pero pouco a pouco foise conseguindo.
Ao remate das sesións, en orden e silencio, deixan o recantocomo o encontramos , en orden e silencio dirixímonos á aula.
En Educación Primaria, encargouse o profesorado titor da formación de usuarios con indicacións puntuais ou en sesións programadas de formación realizando as seguintes actividades:
|
A folla azul |
O Clube de lectura de 5º de curso de Educación Primaria do CEIP Plurilingüe Manuel Sueiro, elixiu como segundo libro “A folla azul” de Andrea Maceiras da editorial Xerais. LIBRO 2º: A folla azul de Andrea Maceiras da editorial Xerais. O libro foi traballado nos meses decembro, xaneiro e febreiro do curso escolar 2021/2022 e conta a historia da Amazonia que é un mundo verde e único. Tamén é o fogar de moitas tribos indíxenas que viviron alí desde o inicio dos tempos. Algunhas delas manteñen relación coa civilización, mentres que outras decidiron permanecer voluntariamente ocultas no corazón da selva contando a historia de de Husu Aké, membro da tribo dos Tacaré, filla da Nai Terra e habitante do mundo verde. Na selva amazónica do Brasil vive a nena da tribo Tacaré, Husu Aké. A avoa de Husu Aké ten poderes adiviñatorios. Intúe que o home branco chegará ás terras dos Tacaré causando grandes problemas, por iso decide compartir coa neta todos os seus coñece- mentos, incluídos aqueles que adquiriu de nena cando viviu entre os brancos como a lingua portuguesa. O día que os brancos chegan á aldea, a avoa de Husu Aké pídelle á nena que abandone o poboado. Os brancos, portadores de virus descoñecidos para os Tacaré, contaxian a poboación. Todos menos a avoa caen enfermos. Cando Husu Aké regresa á aldea, o xefe noméaa guerreira para que parta en busca de axuda aos habitantes do poboado. A nena, tras ter a enigmática visión dunha folla azul, percorre os confíns da selva ata dar co home branco. O que alí atopa espántaa. O home branco está a destruír a natureza para conseguir ouro. Por sorte, tamén hai brancos bos. Husu Aké coñece unha familia que a axuda. O pai é médico e canda a nai, que é avoga- da, forman parte dunha ONG cuxo símbolo é unha folla azul. A familia viaxa coa nena á aldea e, grazas aos coñecementos médicos do pai, consegue curar a enfermidade que decimaba a poboación. Husu Aké salvou a súa xente, pero algo nela cambiou para sempre. A nena acabará deixando a aldea para vivir coa familia branca. Alí converterase en avogada e nunha activista polos dereitos dos pobos indíxenas. Despois da lectura do libro o alumnado traballou a súa comprensión a través de diferentes preguntas e temática:
Actividades Antes da lectura
Despois da lectura
As actividades realizadas durante o 11 de decembro de 2021 e o 3 de febreiro de 2022 concluíron coa realización dos debuxos sobre o conto así como a visita da autora, Andrea Maceiras. No mes de febreiro tivemos un encontro con Andrea Maceiras, autora deste libro.Na seguinte ligazón recollemos esta actividade: |
Pase de grandes lectores |
Entrega do Pase de grandes lectores O 25 de outubro, con motivo da celebración do Día das Bibliotecas Escolares, o noso centro educativo levou a cabo diversas actividades para fomentar o amor pola lectura entre o alumnado. Un dos momentos máis destacados foi a entrega do Pase de lectura. Este pase ten como obxectivo que os estudantes plasmen as súas impresións sobre os libros que van lendo durante o curso. Desta maneira, anímase á reflexión crítica e promóvese o intercambio de opinións entre compañeiros. Do mesmo xeito, aproveitamos a ocasión para entregar os carnés de biblioteca ao alumnado novo que se incorporou este ano ao centro. Deste xeito, poderán acceder á ampla colección de libros que ofrece a nosa biblioteca e gozar dunha infinidade de historias e coñecementos. Carné da bibloteca Pase de lectura da bibloteca |
Mochilas viaxeiras |
No curso escolar 2021/2022 o alumnado de 5º curso utilizaron dúas mochilas viaxeiras que foron intercambiadas cada quince días durante todo o curso. O traballo de alumnado queda reflectido nos debuxos que se acompañan nos libros configurados para elo. As mochilas viaxeiras permiten ao alumnado un préstamo por un período de quince días, para compartir coas familias o contido da mesma. O contido do material foi escollido polo titor de 5º curso, supervisado pola biblioteca e procurando que teña a maior variedade de textos e formatos para que o alumando poida elixir. Acompañan a estes materiais “O diario da mochila” no que, tanto os nenos/as como as súas familias, aportan a súa opinión, novas creacións, debuxos, achegas, …, sobre o contido da mochila. O material que acompaña a mochila do alumando de 5º curso de Educación Primaria foi o seguinte. 1º mochila:
2º mochila:
Como conclusión, destacar que ler en familia é unha actividade moi divertida que axuda a entrelazar lazos entre os pais e nais e os seus fillos e fillas enriquécenos a todos. Ademais, a lectura enriquece intelectualmente aos nenos e nenas, estimulando a súa imaxinación, a capacidade para resolver problemas, a memoria e a linguaxe, axúdalle a coñecer o mundo no que vive e impúlsalle a querer saber máis. Comentando as lecturas que facemos todos xuntos podemos reflexionar sobre o lido, os valores do libro infantil e xuvenil que escollésemos, explorando nosos propios sentimentos. É, en definitiva, unha axuda na educación dos nosos fillos, polo que é importante proporcionarlle ao alumnado lecturas estimulantes, acompañalos no descubrimento do pracer da lectura, sendo un hábito moi saudable e cheo de beneficios. |
MOCHILA VIAXEIRA.5º ED. PRIMARIA. |
MOCHILAS VIAXEIRAS: O curso escolar 2023/2024 o alumnado de 5º Educación Primaria curso utilizaron dúas mochilas viaxeiras que foron intercambiadas cada quince días durante todo o curso. O traballo do alumnado queda reflectido nos debuxos que se acompañan nos libros configurados para elo. As mochilas viaxeiras permiten ao alumnado un préstamo por un período de quince días, para compartir coas familias o contido da mesma. O contido do material foi escollido polo titor de 5º curso de Educación Primaria, supervisado pola biblioteca e procurando que teña a maior variedade de textos e formatos para que o alumando poida elixir. Acompañan a estes materiais “O diario da mochila” no que, tanto os nenos/as como as súas familias, aportan a súa opinión, novas creacións, debuxos, achegas, …, sobre o contido da mochila. O material que acompaña a mochila do alumando de 6º curso de Educación Primaria foi o seguinte. • Lingua Galega. Megatoxos e o aprendiz de druída. Ed. Xerais. |
Fomentando o gusto pola lectura en primeiro de educación primaria |
A implantación da “Hora de ler”, e unha actividade diaria que realizamos todos os días entre as 12:00 e as 12:20 horas. O obxectivo desta iniciativa é fomentar o amor pola lectura e desenvolver no alumnado as competencias literarias. A "Hora de ler" foi unha actividade estruturada na que o alumnado tiña un tempo dedicado exclusivamente á lectura. Neste período promoveuse a lectura autónoma e achegáronse diversos materiais de lectura adecuados á idade e ao nivel do alumnado xa que este, nun principio, era moi heteroxéneo. Obxectivos:
Metodoloxía:
Resultados:
Conclusións: “A hora de ler” resultou ser unha actividade exitosa para fomentar o amor pola lectura e desenvolver as competencias literarias no alumnado de primeiro de educación primaria. O aumento do interese pola lectura, a mellora da comprensión lectora e a ampliación do vocabulario evidenciaron os beneficios desta iniciativa. Recoméndase seguir fomentando a lectura como práctica habitual na aula, xa que contribúe ao desenvolvemento integral do alumnado e ao enriquecemento da súa formación cultural e lingüística. |
Producións de materiais na biblioteca no curso 2023/2024 |
Todo o traballo realizado ao longo do curso está reflectido na nosa aula virtual nun curso que creamos para o Seminario "Tecnoloxías da aprendizaxe e o coñecemento, currículo, biblioteca e recursos web. 23/24". https://www.edu.xunta.gal/centros/ceipmanuelsueiro/aulavirtual/course/view.php?id=183 Material en papel:
Ligazóns a traballos elaborados na rede: DRUPAL:
Libros actualizados:
Presentacións:
Genially:
Kahoot:
Vídeos: Galería de imaxes: SOUNDCLOUD: H5P:
MOODLE. Cursos. |
Segundo Premio Nacional dos Clubs de Lectura |
O noso centro ven de destacar como un dos referentes principais para o fomento da lectura en todo o país ao recibir o segundo Premio Nacional Escolar de Clubs de Lectura. Este prestixioso recoñecemento, outorgado polo Ministerio de Educación, Cultura e Deporte, distingue as institucións educativas que demostraron un destacado compromiso co fomento da lectura e a formación de novos lectores críticos e apaixonados. O CEIP Plurilingüe Manuel Sueiro destacou entre centos de centros educativos de toda España grazas ás súas estratexias innovadoras e ao entusiasmo da súa comunidade educativa. O proxecto do club de lectura do CEIP Plurilingüe Manuel Sueiro conseguiu implicar activamente ao seu alumnado na exploración do mundo da literatura dende pequenos. Fomentando a lectura como actividade lúdica e enriquecedora, este centro educativo demostrou ser un faro de inspiración para outros centros educativos de toda España. Apostamos pola idea de que a lectura non só enriquece a mente, senón que tamén une ás persoas. Esperamos seguir inspirando ás xeracións vindeiras a través da maxia dos libros. O Premio Nacional Escolar de Clubs de Lectura é unha mostra da aposta do centro pola educación de calidade e o fomento da lectura como ferramenta fundamental no desenvolvemento das habilidades cognitivas e na formación de cidadáns críticos. Ademais do recoñecemento, o CEIP Plurilingüe Manuel Sueiro recibirá unha boa dotación económica que contribuirá a seguir reforzando os seus programas de lectura. Este logro demostra unha vez máis que a educación pública en Galicia está en constante evolución e que as institucións educativas, como o CEIP Plurilingüe Manuel Sueiro, están á vangarda na promoción da lectura e na formación das futuras xeracións de líderes e cidadáns comprometidos coa cultura e o coñecemento. Sentímonos orgullosos de compartir noticias sobre logros educativos destacados coma este e agardamos seguir sendo un modelo a seguir no fomento da lectura en todo o país. Parabéns a toda a comunidade educativa polo seu merecido premio e a súa dedicación á educación. O martes, 10 de outubro, a Consellería de Educación celebrou un acto na cidade da cultura de Santiago co fin de dar publicidade e recoñecemento ao traballo desevolvido desde as bibliotecas escolares galegas que resultaron premiadas a nivel nacional. No acto, as seccións dos nosos clubs de lectu¡ra estiveron representados pola coordinadora do club de lectura e o director do centro. |
Concurso "Xornal escolar" de "La Región" |
O alumnado de 5º curso participou no concurso de elaboración dun "Xornal escolar" de catro páxinas que convocou o xornal "La Región". Ao longo do primeiro e segundo trimestre o equipo de redacción foi recollendo novas relativas ás diversas actividades que tiveron como protagonista ao noso centro e que ilustraron con imaxes e debuxos que realizou todo o alumnado do cole. Nas próximas semanas, as mellores edicións serán publicadas os mércores no Xornal escolar de "La Región"... Esperamos que o noso sexa un deles!!!
|
HORA DE LER. PLURILINGÜISMO. |
MEMORIA PAL 2023-2024. ÁREA LINGUA ESTRANXEIRA. As liñas de acción programadas ao inicio do curso tomaron forma tal e como se describe a continuación: II.1.- Promover a lectura. |
Biblioteca escolar: viveiro de cidadanía. |
A Dirección Xeral de Centros e Recursos Humanos, seguindo a súa dinámica de difusión das posibilidades que ofrece a biblioteca escolar ao conxunto da comunidade educativa, dá a coñecer o lema que propón ás bibliotecas escolares galegas para o presente curso 2019/2020: "Biblioteca escolar, viveiro de cidadanía". Nesta ocasión é o ilustrador Óscar Villán quen interpreta o lema e nos ofrece unha imaxe múltiple e evocadora de diversas situacións que unha biblioteca escolar pode facilitar. |
Hora de ler en Ed. Infantil |
Ao longo do curso 2019/2020 e ata a declaración do estado de alarma realizamos a Hora de ler co alumnado de Ed. Infantil todos os días da semana en sesións de 20 minutos. Con esta actividade perseguimos alcanzar os seguintes obxectivos:
Para consiguilo, realizamos distintas actividades lectoras, entre as que destacamos:
|
Visita á biblioteca da Ponte |
O 20 de abril o alumnado de 1º e 2º visitou a biblioteca do barrio de A Ponte para realizar unha sesion de animación á lectura e de formación de usuarios. Por medio dun contacontos realizado cun kamishibai a responsable da biblioteca foinos presentando os diferentes recantos que pode ter unha biblioteca e os diversos tipos de fondos bibliográficos cos que nos podemos encontar nela. Tivemos un tempo para a lectura individual onde cada un de nós disfrutou coas lecturas dos libros que máis lles gustaban. Para rematar, realizamos unha actividade de creación de historias na que por medio de diversas técnicas iamos improvisando pequenas historias que lles contamos ao resto dos compañeiros e compañeiras.
|
La rana mudita |
O poeta Carlos Ruvalcaba, na visita que nos fixo no mes de outubro, deixounos unha poesía inacabada titulada "La ranita mudita". Durante a semana previa ao Día da poesía todo o alumnado do centro participou na elaboración de estrofas para completar dito poema. De forma encadenada, cada curso foi engadindo estrofas ao poema, comezado por Carlos Ruvalcaba. Con todas as estrofas do poema, elaboramos un libro que achegaremos ao poeta mexicano. O Día da poesía, cada curso recitou as súas estrofas diante da fantástica exposición de traballos relacionados coas rás que realizaron os alumnos coa axuda das súas familias. Galería de imaxes Vídeo do poema Para rematar esta festa da poesía, toda a comunidade educativa participou na interpretación da canción popular infantil "La rana cantaba debajo del agua". |
Hora de ler de 4º de Ed. Primaria |
Durante a Hora de ler, ao longo do curso o alumnado realizou lecturas sobre libros que eles mesmos escolleron na biblioteca para favorecer a lectura en tempo de lecer. Das actividades, realizadas durante a Hora de ler, destacamos as seguintes nas que traballamos con distintas ferramentas da web 2.0 empregando novas metodoloxías onde o alumnado era o verdadeiro artífice do seu propio aprendizaxe:
Asemade, tamén pescudamos información sobre os seguintes temas que reflectimos nas seguintes presentacións de Google:
|
Samaín 2020 |
O 30 de outubro celebramos no centro a Festa do Samaín dun xeito distinto ao de anos anteriores. A posta en escena das actividades realizadas logrou que o alumnado voltase a disfrutar de momentos de felicidade no tempo de lecer, demostrando, así, que é posible compaxinar actividades colaborativas e participativas co protocolo COVID. A xornada comezou coa representación dun contacontos polos dos nenos e nenas de sexto curso titulado "Violeta quere ser vampiro", para todo o alumnado do centro. Para que esta actividade resultase segura, fixéronse tres pases ao longo da mañán, na sala de psicomotricidade. Despois do teatro, realizamos unha merenda terrorífica a base de doces coa forma dos protagonistas desta festa: pantasmas, morcegos, casas do terror... Aproveitamos o recreo para realizar un desfile de moda fantasmagórica amenizada por unha parella moi especial de speakers. Como colofón ao desfile, toda a comunidade educativa participou en varias coreografías de cancións propias desta celebración. Pasámolo xenial!!
|
Premiados no Concurso da Constitución |
Cinco alumnos e alumnas de Ed. Infantil, do noso centro, resultaron premiados no concurso da Constitución deste ano. O día 6 de decembro, recolleron o seu galardón na Festa da Constitución que se celebrou no Auditorio provincial, ante as autoridades de Ourense. Parabéns para todos os premiados!!!
Entrega de premios |
Visita ao supermercado Eroski |
O 15 de xaneiro o alumnado de 3º e 4º curso visitou as instalacións do supermercado Eroski, situado no barrio das Lagoas, para ver en situ as diferentes seccións das que se compón un supermercado e cambiar impresións con diferentes empregados do mesmo. Descubriron curiosidades do seu traballo que descoñecían totalmente, como por exemplo os aparellos de seguridade que se empregan na carnicecía. Previamente, unha empregada da cadea Eroski, chamada Dª. Eva, e acompañada polo responsable do centro das Lagoas, D. Manuel, ensinounos de xeito moi didáctico e ameno a estrutura e organigrama do super. Asemade, con ela repasamos os diferentes tipos de nutrientes que son imprescindibles para levar unha dieta equilibrada e san. Posteriormente, no super, vimos as diferentes seccións onde podemos atopar estes produtos alimenticios. Unha vez finalizada a visita, fomos agasallados cunha exquisita degustación de pinchos elaborados a partir de froita fresca polos empregados do super. Durante os petiscos, realizáronnos varios xogos moi divertidos nos que tiñamos que adiviñar, por medio dos sentidos do tacto ou do gusto, de que alimentos se trataban. Algunha das froitas que probamos era a primeira vez que as víamos. Ao remate da actividade recibimos outro agasallo consistente nunha mochila con produtos alimenticios do super. Desde aquí queremos agradecer a todos os membros do supermercado Eroski do barrio das Lagoas a atención e paciencia que nos prestaron durante a visita e especialmente a Dª Eva e D. Manuel polo ben que tiñan organizada a actividade. |
Sementando igualdade |
A semana do 8 de marzo, o noso colexio encheuse de cor violeta e esperanza para conmemorar o Día Internacional da Muller. Baixo o lema "Sementando igualdade", a comunidade educativa uniuse nunha serie de actividades para celebrar os logros das mulleres e reivindicar a igualdade de xénero. O día da muller non é algo que se deba celebrar un día en concreto e olvidar o resto do ano, por eso, xa o día 23 de Febreiro celebramos o día de Rosalía de Castro, unha muller reivindicativa, que proclama a liberdade das mulleres. Esa liberdade da que falamos a expón no artigo “Lieders” escrito por ela mesma, co cal as alumnas de 6º de Primaria celebraron o día lendo un pequeno fragmento. Hoxe, o día da muller, resaltamos unha frase deste mesmo fragmento, reivindicando o mesmo que Rosalía, a liberdade de alma, corazón e pensamento das mulleres: “…libre es mi corazón, libre mi alma y libre mi pensamieto…” Ademais deiso, para celebrar o día 8 de marzo, no CEIP Plurilingüe Manuel Sueiro lembramos ás mulleres importantes das nosas vidas recorrendo a elas pedíndolles un zapato. Ese zapato, que representa a importancia que esas mulleres teñen na nosa vida, pintámolo de morado, representando así a liberdade das mesmas, e plantamos un pensamento, para evocar as lembranzas que nos levan a elas. Esta actividade fíxonos reflexionar a todos, alumnos e profesores, sobre as nosas propias vidas, as mulleres que nos deixaron pegada, e a importancia que estas teñen na nosa existencia, e seguiremos reflexionando, xa que todos os días debemos pensar nas mulleres, xa que sen elas, o mundo non sería mundo. Botas lilas: un símbolo de esperanza Durante a semana, cada alumno/a decorou unha bota ou zapato das súas nais , irmás, tías, avoas... en cor lila. Estas botas, convertidas en orixinais testos, foron o símbolo das "sementes de esperanza" que plantamos a prol da igualdade. Cada planta representa o noso compromiso cun futuro onde homes e mulleres teñan as mesmas oportunidades. Un manifesto pola igualdade O 8 de marzo, o alumnado de 6º de Educación Primaria leu un emotivo manifesto sobre a igualdade de xénero, escrito pola icónica poeta galega Rosalía de Castro. As súas palabras, cheas de forza e significado, resoaron no colexio, recordándonos a importancia de seguir loitando por un mundo máis xusto e igualitario despois de case 200 anos de ser escritas. Posteriormente, o alumnado de 5º e 6º curso interpretaron la canción "Flowers" de Miley Cyrus, un himno ao empoderamento feminino que encheu de enerxía a aula de psicomotricidade do noso cole. Un xardín pola igualdade Por mor do tempo, non nos foi posible decorar o noso xardín cos testos elaborados para a ocasión o día 8 de marzo. Esta actividade quedou adiada para a semana seguinte, na que cada alumno/a depositou a súa "semente de esperanza" nun lugar do patio do colexio. Este xardín, cheo de flores, moitas delas lilas, moradas e violetas, converteuse nun símbolo visible do noso compromiso coa igualdade de xénero. Unha mensaxe para o futuro A semana "Sementando igualdade" foi unha experiencia enriquecedora para toda a comunidade educativa. A través das actividades realizadas, reflexionamos sobre a importancia da igualdade de xénero e plantamos as sementes para un futuro máis xusto e igualitario. Seguimos traballando por un futuro onde as nenas e as mulleres poidan alcanzar o seu máximo potencial! OUTRAS ACTIVIDADES NA SEMANA DO DÍA DA MULLER |
Sete reporteiros e un periódico |
O Clube de lectura de 6º de curso de Educación Primaria do CEIP Plurilingüe Manuel Sueiro, elixiu como primeiro libro “Siete reporteros y un periódico” de Pilar Lozano Carballo da editorial SM. O libro foi traballado na última semana do mes de setembro e nas dúas primeiras do mes de outubro. Sete reporteiros e un xornal conta a historia de Alejandro que quere ser director dun xornal. O primeiro dos problemas que se atopa Alejandro é que non ten reporteiros, nin diñeiro, nin a menor idea de como se redacta un artigo. Alejandro decide por un anuncio no patio do colexio: ‘‘Director de xornal busca xornalistas...’‘ e pronto chegan as primeiras fichaxes: unha nena que só se preocupa polas chuches, un tailandés que foi adoptado hai pouco tempo e case non coñece o idioma, un mozo de nivel social máis baixo... Con todo, os sete mozos loitan polo que cren e conseguen co seu xornal acabar co proxecto de venda que tiña entre mans o padroado do colexio. Actividade 1: Lectura Actividade 2: Análise das personaxes Actividade 3: Traballo de contidos da área de lingua Actividade 4: Ilustración Actividade 5: Conclusión/valores Material de traballo |
Pensando a través de mitos |
Ao longo do presente curso traballamos dentro do aula de apoio o máxico e fascinante mundo da mitoloxía grega. Da man dos deuses do olimpo acercámonos á mitoloxía e coñecemos diferentes historias de heroes e heroinas que foron transmitidos de pais a fillos desde a antigüidade. O proxecto realizado titulouse "Aprendendo a pensar a través de mitos". Os mitos amplían as fronteiras da nosa imaxinación e o noso pensamento. Inspírannos e anímannos a loitar para alcanzar os nosos sonos. Os principais traballos realizados foron os seguintes:
Presentación do PDI.
"Pescudando e fedellando con Dédalo e Ícaro".
Libro web na que compilamos todos os recursos.
|
Coidando o Horto escolar |
Durante o mes de abril de 2022 o alumnado de 5º de Educación Primaria afondou no estudo da eficiencia enerxética centrándose na redución da produción de dióxido de carbono e a redución do consumo para o cal nos centramos na plantación de produtos agrícolas na horta do CIFP Portovello.
|
Novo recanto de lectura |
No mes de outubre creamos un novo recanto de lectura para o alumnado máis cativo co material que solicitamos á Consellería de Educación e que nesta ocasión nos foi facilitado. Agora, o alumnado dispón de novo mobiliario preto dos andeis onde se atopan os fondos destinados aos primeiros lectores.
|
Club de lectura de 4º de Ed. Primaria |
Ao longo do curso 2023/2024 o club de lectura de 4º de educación primaria formado por 12 nenos e nenas que traballaron os seguintes libros:
|
Libros que van e veñen 2020/2021 |
Na semana das bibliotecas escolares puxemos a funcionar, un ano máis, a actividade de animación á lectura: "Libros que van e veñen". Empregamos as novas bolsas/mochila que nos achegaron desde a asesoría de bibliotecas da Consellería de Cultura, educación e universidade. Todos os venres, o equipo de biblioteca prepara as bosas para que os nenos e nenas difruten da lectura en tempo de lecer coas súas familias. BOA LECTURA PARA TODAS E TODOS!!! |
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »