CEIP PLURILINGÜE A LAXE

Ola familias!!

Xa estamos de volta e comezando o segundo trimestre cheos de enerxía. O luns, nada máis chegar á clase, nos atopamos cuns agasallos que nos deixaron os Reis Magos e Papá Noel: un quebracabezas, unha nave espacial e un cohete estilo Lego para construir, todo da temática do Universo (pronto saberedes o motivo).

O primeiro que fixemos ese día foi rexistrar o tempo atmosférico do mes de decembro que nos quedou pendente, traballando o conteo, a asociación grafía - cantidade e a grafía dos números.

No recreo algunhas compañeiras atoparon caracois e lles fixeron unha casiña. 

Esta semana, como xa estamos en inverno, tamén puidemos manipular neve creada na clase, traballando a estimulación sensorial.

Algún compañeiro viu que había moita neve no chan e decidiu recollela (vida práctica en estado puro).

Coa axuda da profe Sareva traballamos a conciencia fonolóxica coa caixa dos sons: tiñamos que coller un obxecto dunha caixa, dicir o seu nome, identificar o seu sonido incicial e metela no caixón que tiña a letra que representaba ese son. Os peques de 3 anos vanse iniciando pouco a pouco neste tipo de actividades.

Como proposta de lóxica matemática tiñamos que ponerlle aos pingüíns tantos peixes como indicaba o seu número.

Os peques de 5 anos traballaron coa táboa do 100: a mestra colocaba uns pingüíns na táboa e tiñamos que saber en qué número estaban, buscalo e colocalo.

Esta semana tamén puidemos disfrutar do mini mundo do inverno.

Outra das propostas de iniciación á lectoescritura foi formar palabras do vocabulario do inverno. Así observamos a imaxe, a formamos coas letras de madeira e logo escribimos a palabra. Os maiores tamén a formaron en minúscula e os peques de 3 anos só a formaban.

E para traballar as nosas mans e a nosa creatividade tivemos que decorar un copo de de neve enorme con distintos elementos coas cores do inverno.

Tivemos outra actividade de lectoescritura. Nesta ocasión consistía en identificar o son inicial dunha palabra relacionada co inverno e buscar a letra que o representaba. Os máis peques tiñan o nome como referencia.

Os máis maiores intentamos ler unha palabra na pizarra (sempre respectando o nivel psicomadurativo de cada un/unha) e buscabamos a imaxe.

E para rematar a semana limos o conto de "La ballena en invierno" e fixemos un debuxo del, traballando desta forma a comprensión lectora, a creatividade, o emprego do espazo no papel...

Ola familias!!

Aquí vos deixamos un resumo do que aconteceu a última semana do trimestre.

Como non Elfito seguiu facendo das súas, pero o xoves tiñamos unha carta de despedida, pois tiña que marchar ao Polo Norte para axudar a Papá Noel a rematar todos os agasallos e que estiveran listos para a noite do 24.

Tamén rematamos de abrir o noso calendario de advento.

E rematamos as postais de Nadal escribindo a felicitación (os máis peques pegaron gomets coas letras).

E lle escribimos/ debuxamos a carta a Papá Noel que fixo a ANPA.

Tamén tivemos tempo a traballar a nosa atención buscando nunha lámina as imaxes que nos indicaba a profe.

Houbo sesión de cine con gusanitos. Vimos "Rescatando a Santa Claus".

E o xoves recibimos a visita de Papá Noel que veu acompañado dunha das súas elfas. Estivemos falando con eles (lles preguntamos a súa idade, jeje) e nos deron uns agasallos. Moitas grazas!!!

E despois houbo unha merenda moi especial: chocolate con churros. Así collemos forzas para o festival de Nadal que tivo lugar despois na Asociación de Veciños e que poderedes ver pronto na páxina web.

FELICES FESTAS!!! Vémonos á volta!! 

Esta semana tivemos de novo a sorte de contar coas nosas familias para pasar un ratiño xuntos xogando a xogos de mesa.

Os peques de 3 anos xogaron ao "Un", modificando un pouco as regras para adaptarnos ao ritmo madurativo dos nenos e nenas, e a "Catch it! Butterflies", onde tiñaN que atopar a bolboreta que tiña as características que indicaban os dados (tamaño e cores).

Os peques de 4 anos xogaron a "Adivina en 10" do mundo animal, onde tiñan que adiviñar un animal segundo as pistas que lle daba o compañeiro/a, e "Postman", no que o obxectivo é entregar o correo nas casas correctas.

E os peques de 5 anos xogaron a "Taco, gato, cabra, queso, pizza" no cal hai que estar moi atento e concentrado, e "Emotio", xogo no que se traballa  a  identificación de emocións.

MOITAS GRAZAS POR VIR FAMILIAS!!!!

Ola familias!!

Esta semana continuamos coas propostas de Nadal!! Tamén contamos coa visita de Gemola que nos contou o seu conto "Klad, o papagaio adhesivo". Podedes ver a publicación na sección de biblioteca.

O elfo estes días tamén estivo moi activo. Seguiu coas súas trasnadas.

E tamén continuamos co calendario de advento, que como sabedes en cada saquiño temos unha proba (adiviña, pregunta...). Nun deles o reto era facer unha árbore de Nadal!!! Que bonito quedou!!

Unha das propostas de motricidade fina foi decorar unha árbore de Nadal feita de oveiras con boliñas, pero había que usar as pinzas e iso conleva un maior  traballo das nosas mans para que collan forza, sen esquecer a parte creativa.

Tamén traballamos a pinza, pero esta vez coas pipetas para poder darlle cor a barba de Papá Noel.

Como proposta de lecto os maiores decoraron unha árbore con gomets asociando as maiúsculas coas minúsculas.

Os peques de 4 anos tiñan un saquiño cunha goma de Nadal e as letras para formar o seu nome. E así, coa axuda da tarxeta, completaron todo!!

E os peques de 3 fixeron o mesmo, pero as letras estaban algo mesturadas.

E xa temos elaboradas as bolsas para os traballos deste trimestre. E como queremos fomentar a autonomía eles/elas mesmos/as se pintaron as mans que estamparon na bolsa. Despois marcaban a forma dun triángulo e o cortaban, o pegaban e o decoraban con gomets de cores. Que orgullosa estou deles e delas!!

Tamén houbo unha proposta con plastilina, esta vez con moldes e selos de Nadal.

E tamén elaboramos a portada dos traballos: decoramos unha luva de inverno con grafismos creativos adaptados a cada idade e ritmo madurativo, as pegamos na cartolina e decoramos o fondo con copiños de neve: os peques de 3 anos fixéronos cos seus dediños e pintura branca, e os maiores con rotulador azul.

E por suposto tamén houbo propostas de lóxica matemática. Os maiores  completaron unha árbore de sumas: partiron dun número de base e foron sumándoos ata chegar arriba de todo.

Os de 4 anos contaron os elementos que había iguais e apuntaron o número, traballando así a grafía.

E os de 3 anos contaban os obxectos de Nadal dunha tarxeta e cunha pinza marcaban o número correspondente.

Outras das propostas de aproximación á lecto escritura foi para os maiores a de ler unha tarxeta con vocabulario destas datas, buscar o debuxo corresponente e despois formalo en minúscula.

Os máis peques da clase buscaron a inicial de obxectos de Nadal.

E os peques de 4 anos completaban os nomes con vogais ou consoantes.

E xa comezamos a elaborar as postais de Nadal!! Primeiro decoramos a man do Grinch e picamos unha boliña. A semana que ven as rematamos.

Outra das propostas de motricidade fina foi decorar con contas pequenas unha árbore especial feita con limpapipas (esta actividade foi para os maiores).

Os de 4 anos decoraron a barba do Papá Noel e os de 3 anos fixeron un bastón de caramelo cunhas boliñas máis grandes.

A semana que ven é a última do trimestre, pero está chea de sorpresas!!

Ola familias!!!

Esta semana foi moi curta, pero deu para moito.

Comezamos coas trasnadas que fixo o elfo. Cando chegamos á aula o luns o noso elfo metérase nun rolo de papel hixiénico moi de nadal e o esparcira por toda a clase. 

E o martes estaba vendo unha película comendo palomitas!!!

Tamén continuamos abrindo o noso calendario de advento e resolvendo o pequeno reto que atopamos en cada saquiño.

Unha das propostas foi desfrutar do minimundo de Nadal: un pobo con neve, casiñas, árbores, trineo e ata un boneco de neve.

E con árbores seguimos porque como proposta artística tivemos que decorar unha árbore de Nadal con pompóns e pedriñas de cores. Somos uns artistas!!! Os maiores, á hora de recoller, fixérono clasificando todo por cores de forma espontánea.

E como actividade de lóxicamatemática tivemos que poñer tantas galletas nun bote como nos indicaba o dado (reforzando a subitización) ou o número.

O domingo 3 de decembro celebrouse o Día das persoas con discapacidade e nós contamos este conto onde a súa protagonista, Álex, nos presenta aos seus compañeiros/as coas súas características, entre os cales estaba un que necesita unha cadeira de rodas, outro que emprega a lingua de signos para comunicarse ou outra que necesita un bastón porque non ve moi ben.

Ademais houbo unha sesión de creatividade preparando adornos de Nadal empregando materiais de refugallo como cds ou cartón.

Ata lle demos de comer a Papá Noel, ó seu reno e a un dos seus elfos unha sopa de Nadal moi rica, pero cantas culleres lle damos? Pois as que no indica o dado, traballando desta forma o conteo, sen esquecer a coordinación óculo-manual nos trasvases.

E como non, cado recollemos temos que barrer o que caeu ao chan, actividades propias da vida práctica.

Unha das propostas foi de lectoescritura e para iso os maiores tiveron que ver que había nunha bóla, escribir o seu nome e debuxalo. 

Os máis peques traballaron vocabulario destas datas formando o nome con letras, avanzando na conciencia fonolóxica.

E seguimos coa coordinación óculo- manual, a pinza e a concentración ao decorar unha árbore ou bóla de Nadal con pompóns na mesa de luz empregando as pinzas.

Para traballar o esquema corporal debuxamos a un elfo, respectando o ritmo de cada un/unha.

E tamén rematamos a actividade de outono que tiñamos pendente porque necesitábamos que secara. Nesta ocasión realizamos diferentes grafismos creativos que nos axudan na lectoescritura (direccionalidade de trazos).

E rematamos xogando ao bingo. Que concentrados estivemos para ver se tiñamos os elementos mencionados.

Boa ponte!! Vémonos o luns!!