Este martes, 20 de decembro de 2022, o colexio do Fogar participou na carreira de campo a través organizada polo concello de Carballo e Deporte Escolar.
Foron preto de 90 rapaces e rapazas que correron nunhas condicións moi complicadas tanto polas condicións climatolóxicas como polo estado da pista. Foi realmente un día de “campo a través” total e todo un espectáculo.
Dende o colexio queremos agradecervos o enorme esforzo realizado . Noraboa atletas.
Atletas clasificaodos para a seguinte fase:
Cayetana de sexto C quedou en segunda posición na categoría infantil feminino. Aquí a vemos celebrándoo cos seus amigos e amigas
Continuamos falando do equipo feminino posto que quedou en segunda posición na carreira. Con este resultado clasifícanse as 6 atletas para a seguinte fase.
Equipo feminino formado por, de esquerda a dereita:Salma, África, Daniela, Alba, María e Cayetana
Tamén pasa para a fase intercormarcal o alumno de sexto A e na categoría infantil: Pablo. Rematou a carreira nunha excelente quinta posición.
O equipo infantil masculino quedou en terceira posición a un só punto de poder disputar a seguinte fase. Gran traballo rapaces.
Os equipos alevín masculino e feminino quedaron en quinta posición nas súas carreiras que fixeron chovendo e co campo xa moi esvaradizo e enlamado.
Parabéns a todos os que participastes na carreira e dende o colexio esperamos que vos quedara tan bo recordo como o que nos quedou aos mestres que tivemos o pracer de acompañarvos.
Subiremos as fotos nos vindeiros días.
