CURSO 3ºA 3ºB
LETRAS GALEGAS 2023
Enviado por Amalia Omil o Mér, 17/05/2023 - 19:32Este ano o autor homenaxeado é:
Francisco Fernández del Riego.
Dende hai xa un tempo comezou o concurso QUE SABES DE? consistente en cada semana fannos unha pregunta sobre o autor e nós temos que meter a resposta nunha urna.
No cole fixemos un precioso mural no que todo alumnado do colexio puxemos o noso gran de area.
O alumnado de terceiro fixemos unhas artísticas caricaturas, e como nos quedaron tan chulas queremos compartilas con todos vós.
GAMIFICANO ECOSISTEMAS
Enviado por Amalia Omil o Xov, 11/05/2023 - 16:23Como xa contamos en anteriores entradas, o alumnado de terceiro estamos desenvolvendo un proxecto sobre ecosistemas.
Encántanos os proxectos, pero este foi moi especial porque investigamos xogando por equipos.
As nosas mestras propuxéronnos 5 probas. Se acadábamos a información suxerida, dábannos unha sílaba dunha palabra secreta.
Sabedes cal era a palabra?
ECOSISTEMA
Pero aínda nos quedaba o mellor: Unha proba de localización co mestre de E. Física.
Tivemos que buscar polo patio as letras dunha mensaxe oculta que resultou ser un premio.
CINE NA AULA
A verdade é que xogando aprendemos máis e mellor.
OBRADOIRO "QUEN VIVE AÍ"?
Enviado por Ainhoa Suarez o Xov, 04/05/2023 - 14:54Como sabedes, este trimestre estamos levando a cabo un proxecto sobre ECOSISTEMAS. Con tal motivo, tivemos un obradoiro relacionado cun dos niveis máis importantes das cadeas tróficas: OS DESCOMPOÑEDORES.
Na primeira sesión nos falaron sobre a reciclaxe, e especialmente sobre a compostaxe, xa que no cole contamos cun composteiro, e alí é onde viven os bichiños e microorganismos que se encargan de descompoñer todo o que atopan.
Xa na segunda sesión do obradoiro, veu a parte máis interesante… Fomos ao composteiro a recoller unha mostra de compost, e a repartimos nas caixas que tiñamos en cada un dos equipos da aula.
A continuación, axudándonos dos pinceis e lupas que nos deron e comezamos a buscar seres vivos. Atopamos moitos bichos bola, ovos de insectos, sementes, vermes… e os observamos a través do microoscopio.
Nas fotos podedes ver o moito que traballamos!
OBRADOIRO DE NÓS MARIÑEIROS
Enviado por Ainhoa Suarez o Lun, 24/04/2023 - 21:44Como sabedes, este curso o noso centro volve participar no festival solidario ART FOR CHANGE, que terá lugar o vindeiro sábado 29 de abril. Con tal motivo, colaboramos coas familias para elaborar un dos produtos que se van vender neste día no noso stand: chaveiros de nós mariñeiros.
As mestras non tiñamos nin idea de cómo facer isto, pero sabíamos que nun pobo mariñeiro como Bueu habería moitos expertos e expertas no tema, e decidimos pedirlles axuda. A resposta foi moi positiva, xa que acudiron ao obradoiro avós, pais, nais, tíos…
A actividade foi todo un éxito, e tanto o alumnado coma as familias quedaron satisfeitos co traballo realizado. Agradecemos a vosa implicación, e agardamos vervos mercar moitos chaveiros o sábado na Praza Massó!
CHARLA SOBRE ANIMAIS CON FRAN, PABLO E HUGO
Enviado por Ainhoa Suarez o Ven, 31/03/2023 - 15:05Hoxe tivemos unha visita moi especial, un papá con dous nenos que foron alumnos do cole e que seguro coñecedes: Pablo e Hugo.
Como sabedes, este trimestre estivemos levando a cabo un proxecto sobre animais. Por este motivo, Fran veu darnos unha pequena charla sobre o tema.
Comezou explicándonos a relación entre os seres humanos e os animais, e a continuación falounos dun montón de curiosidades moi graciosas e sorprendentes. Algunhas xa as sabíamos, pero con outras alucinamos.
Despois, veu a mellor parte: ensinounos as fotografías da súa viaxe a Kenia. Nelas puidemos ver animais salvaxes incribles! Explicounos como se sentiu ao velos, tocalos…
Noutras observamos a forma de vida dunha tribu africana, e finalmente tróuxonos un aparello que estas persoas empregan para cazar.
Nas fotos podedes ver o felices que quedaron os nenos e nenas. Grazas pola vosa visita chicos, agardamos atoparvos pronto!!!
CHAMADA DE SOCORRRO DE PAPIRUS!
Enviado por Amalia Omil o Xov, 30/03/2023 - 21:32O alumnado de terceiro, recibio este xoves esta misteriosa carta de Papirus:
Por correo tamén chegou esta con pictos:
Así que estas vacacións moitxs imos investigar coas nosas familias. Todo o que faga falta para axudar a nosa benquerida mascota.
Queremos ademais saber máis cousas sobre ECOSISTEMAS, así que decidimos que despois de vacacións faremos un proxecto sobre este tema.
DÍA DA METEOROLOXÍA
Enviado por Amalia Omil o Xov, 23/03/2023 - 20:40No día da meteoroloxía o alumnado de terceiro queremos compartir nesta páxina algunha das cousiñas que fixemos no proxecto que levamos a cabo sobre este tema no segundo trimestre.
Empezamos por un podcast que fixemos sobre refráns meteorolóxicos.
Construímos algúns aparellos meteorolóxicos como un anemómetro e un cataventos. Aquí están as protagonistas:
Investigamos tamén sobre todos estes aparellos meteorolóxicos, sobre cambio climático, buratos da capa de ozono, quecemento global, efecto invernadoiro. Tamén sobre a activista Greta Tungberg, ou sobre fenómenos meteorolóxicos adversos como furacáns, ciclóns, secas, inundacións. Interesantísimas as investigacións sobre fenómenos curiosos como a aura boreal, nubes luminiscentes, neve rosa...
Confeccionamos un libro que agora circula por todos os fogares e que logo formará parte da nosa biblioteca de aula, e que podedes ver facendo clic a continuación:
DÍA DA ÁRBORE
Enviado por Amalia Omil o Mér, 22/03/2023 - 19:58A chegada da primavera tróuxonos tamén a celebración do día da árbore.
O alumnado de terceiro aproveitamos a ocasión para facer un roteiro polo río Bispo e ver como van medrando as nosas árbores.
A verdade é que nos enfadamos moito ao comprobar que moitas foran arrincadas.
Tamén nos emocionamos cando encontramos árbores que plantáramos nós mesmas e que estaban medrando sás e fortes.
Encantaríanos que vos animarades a dar paseos paseos pola beira do río bueués e nos axudárades a protexer estas arboriñas porque todo o que nos aportan é bo.
Esperamos que desfrutedes co seguinte vídeo coas imaxes deste inesquecible día.
FELIZ COMEZO DE PRIMAVERA!
DÍA DA POESÍA
Enviado por Amalia Omil o Mar, 21/03/2023 - 21:32A chegada da primavera coincide coa celebración do día do libro. O alumnado de terceiro aproveitamos para empezar a ler o libro ANIMALARIO DE LER A DIARIO de Eduard Velasco.
E a mellor maneira de comezalo foi a recitación conxunta do primeiro poema. Mirade que ben o fixemos!
VISITA DE ANA ALONSO
Enviado por Ainhoa Suarez o Dom, 19/03/2023 - 11:38A pasada semana veu visitarnos alguén moi especial… a coñecida escritora Ana Alonso. O motivo da visita débese a que ao longo deste trimestre, estivemos lendo e traballando sobre un dos seus libros “LA OSA BLANCA”, en relación ao proxecto sobre animais que estamos a levar a cabo dende as ciencias.
Primeiramente, Ana falounos un pouco sobre a súa vida: cando e por qué comezou a escribir, de qué traballaba antes e ahora, que tipo de libros escribe e para quen van dirixidos…
Despois centrouse en explicar un pouco a historia de “LA OSA BLANCA”. Preguntounos moitas cousas pero amosámoslle que estivemos ben atentos e atentas ao seu libro!
Por último puidemos facerlle un montón de preguntas que previamente prepararamos nas aulas coas mestras. Ana estivo encantada de respondernos e ata nos recomendou outra das súas creacións “LA MOMIA DESPISTADA”, protagonizada polos mesmos personaxes do libro que lemos.
Nas fotos podedes ver o desenvolvemento da charla.
- « primeira
- ‹ anterior
- …
- 3
- 4
- 5
- 6
- 7
- 8
- 9
- 10
- 11
- …
- seguinte ›
- última »
