Articles

O pasado 25 de novembro, Día internacional contra a violencia cara a muller. o alumnado de 5º de primaria representou unha adaptación da obra de Fina Casalderrey "Xela volveuse vampira". A adaptación da obra foi realizada pola mestra e o alumnado de sexto de primaria.

Tedes as fotos e vídeos da xornada nas respectivas galerías:  FOTOS     VÍDEOS

O pasado mércores 16 de novembro o alumnado de 5º e 6º de primaria, realizou unha visita a Comarca de Ortegal (Porto de Espasante e Ortigueira).

Viaxamos en tren ata Porto de Espasante, onde visitamos o castro "Punta dos Prados", pequeno castro marítimo, onde destaca o "manumento con forno". Podedes ter máis información deste castro no seguinte enlace: Castro Punta dos Prados.

Posteriormente visitamos a cetarea e os percebeiros responderon as preguntas dos nosos alumnos e explicaron como é o seu traballo.

Ao rematar collimos de novo o tren para desprazarnos ata Ortigueira onde visitamos un muiño de vento. Despois de comer realizamos unha ruta polo bordo litoral dende Ortigueira ata a praia dos morouzos. Ao finalizar a ruta visitamos o museo "Ortegalia", onde o alumnado poido ver diferentes elementos da cultura prehistórica galega e da cultura castrexa.

Podedes ver as fotos na galería de imaxes: FOTOS

O pasado venres 28 de outubro, celebramos no centro a IX Festa da Froita, aproveitamos para celebrar o magosto e o samaín.

Nesta ocasión traballamos sobre  o tema do noso PDI "hábitos saudables".

O alumnado de sexto foi o encargado de presentar aos seus compañeiros e de presentarnos as bondades das diferentes froitas traballadas por cada curso:

• O alumnado de infantil traballaron sobre a "mazá". Comezaron cantando e bailando "El baile de la fruta". Para logo cantar "Mazás por aquí" ao ritmo da canción popular "Los esqueletos", mentres ían recitando pareados creados por eles mesmos.
• O alumnado de primeiro de primaria, traballaron sobre o "figo". Recitaron o refrán "Polo San Miguel os figos saben a mel" e cantaron a canción de "toma moita froita", versión en galego dun tema de "Bom Bom Chip".
• Os de segundo, traballaron sobre a "pera". Cantaron e bailaron "Que rica é a pera", adaptación da canción "Os pitiños dicen pio, ... pio, ... pio...".
  
• O alumnado de terceiro traballou sobre "o marmelo". Crearon un conto en poesía "O marmelo cogomelo", adaptación dun poema portugués.
• Os de cuarto traballaron "a castaña" e cantaron e bailaron "O rap das castañas".
• O alumnado de quinto traballou sobre "a noz" e, con moita enerxía, cantaron e bailaron "para medrar", canción de hábitos saudables.
• O alumnado de sexto traballou sobre "a uva". Comezaron presentando unhas adiviñas sobre a froita e representou o relato da uva no "Lazarillo de tormes" e a fábula "A raposa e as uvas". Cantaron cancións de taberna "Cantigas do viño". Remataron presentando as diferentes variedades de viño de Galicia: Ribeiro, Ribeira Sacra, Rías Baixas, Valdeorras, Monterrei.
  

Samaín

Este ano, como en anos anteriores, houbo exposición de cabazas con agasallo, por parte do ANPA, para todos os participantes.

Magosto

Ao igual que outros anos houbo concurso de cestas de froitas, organizado pola AGFA, tamén houbo agasallos para todos os participantes (unha árbore para cada un) e premios para os tres primeiros (dúas árbores).

Rematamos a xornada coa degustación das larperiradas elaboradas polas familias e polo alumnado.

Moitísimas grazas a todos e agardámosvos o vindeiro ano.

Podedes ver as imaxes e os vídeos  nas súas respectivas galerías e clicando nos enlaces que tedes a continuación:  FOTOS        VIDEOS

A continuación tedes unha breve presentación da xornada.

Los alumnos de 3º, 4º, 5º e 6º de primaria del C.E.I.P. Plurilingüe de Andrade, participamos este curso en el programa "Las escuelas de la milla". Se trata de un programa que pretende ayudar a reducir un grave problema de nuestra sociedad, "la obesidad infantil".

Para conseguir este obejtivo los alumnos tendrán que correr una milla diaria durante al menos los 5 meses que dura el programa. Para ayudar a conseguir este objetivo lo haremos de forma progresiva, siguiendo el siguiente calendario:

• En el mes de octubre los alumnos correrán un día a la semana, al principio de una de las clases de educación física.
• En el mes de noviembre lo haremos 2 días a la semana, al comenzar las clases de educación física.
• En el mes de diciembre, con la colaboración de los tutores correrán 3 días a la semana.
• En el mes de enero lo harán 4 días a la semana.
• En el mes de febrero correrán los 5 días lectivos de la semana.

Con esta inciativa, enmarcada en el PDI del centro "Alimentación saludable", pretendemos conseguir una importante mejora en los hábitos saludables de nuestro alumnado.

Si quereis más información podeis visitar la página del programa: Las escuelas de la milla

O pasado 22 de xuño, celebramos o festival de fin de curso.

Coma sempre o alumnado de seto de infantil e o de ssexto de primaria, celebrou a súa graduación. Unha xornada moi emotiva, sobretodo para o alumnado de 6º de primaria, que despois de nove anos no noso centro, o deixapara comezar unha nova etapa no IES.

Desexámoslles a todos moita sorte na súa nova andaina.

Ao rematar o festival a ANPA organizou unha xornada de convivencia, con xogos para todo o alumnado, hinchables e unha festa da espuma. Rematamos cunha comida de convivencia, tamén organizada polo ANPA, para toda a comunidade educativa, alumnos, familias e mestres.

FELIZ VERÁN.

Tedes a vosa disposicións as fotos e os vídeos da xornada nas súas respectivas galerías:

fotos

vídeos

Coma sempre deixámosvos cunha pequena presentación da xornada.

Este curso, ao igual que en cursos anteriores, rematamos a celebración do día das Letras Gaelgas cun certame musical. Contamos para a realización desta actividade cos profesores da escola musical "Xarío", Fran e Isabel.

Na primeira parte do certame o alumnado da escola Xarío,baixo a dirección de Fran e Isabel, interpretou, co piano, guitarra e metalófonos, diferentes pezas musicais.

A continuación o alumnado do centro, baixo a dirección de Isabel Galán, interpretou diferentes poemas musicados de Manuel María.

Como sempre tedes todas as fotos e os vídeos nas súas respectivas galerías.

• FOTOS
• VÍDEOS

Deixámosvos cunha pequena presentación da xornada.

FELIZ VERÁN.

Como todos sabedes, este ano adícase o día das Letras Galegas a Manuel María, nado en Outeiro de Rey (Lugo). No centro realizamos diversas actividades para coñecer mellor a vida e obra do autor homenaxeado:

Comezamos as celebracións o día 20 de maio onde o alumnado de 5º de primaria explicou a vida do autor e recitou poemas da "Terra Chá".

O luns 23 de maio o alumnado de primeiro recitou poemas sobre a "Natureza" os de segundo "O paso do tempo" e os de terceiro "Sonetos  a casa de Manuel María".

O xoves 26 o alumnado de Infantil representou unha adaptación teatral de Manuel María : "Unha sombra vai polo camiño: como desapareceu a Atlántida e apareceron os lagartos", a continuación os de cuarto presentaron a "Biografía da muiñeira" e os poemas "O home" e "O afiador".

Rematamos o venres 27 coa representación por parte do alumnado de 6 da obra "Aventuras e desventuras dunha espiña de toxo chamada Berenguela" e "Manuel María: reivindicativo en defensa da Lingua Galega".

Pechamos os actos, polo momento, a espera do concerto didáctico, cantando todos xuntos o Himno Galego.

Tedes máis información no blogue da biblioteca, no seguinte enlace: "Maio mes das letras"

Tedes as fotos e os vídeos nas súas respectivas galerías:

FOTOS

VÍDEOS

Coma sempre rematamos cunha pequena presentación da xornada.

Un ano máis no CEIP Plurilingüe de Andrade, celebramos a festa dos "maios". Nesta ocasión, coa participación de todo o alumnado do centro, elaboramosun maio tradicional da nosa zona: "OS ARCOS FLORIDOS".

Ao igual que en anos anteriores o alumnado de 6º de primaria, participou no concurso organizado polo Concello.

Grazas a todos pola vosa colaboración e especialmente as familias que aportaron o verde e as flores para a elaboración do maio.

Tedes o reportaxe gráfico nos seguintes enlaces:

FOTOS

VÍDEO

Coma sempre despdímonos cunha pequena presentación da xornada.

No pasado mes de decembro de 2015, o alumnado de 5º e 6º de primaria do noso centro, participou nunha xornada de campo a través, organizada polo colexio "Castro Baxoi" de Miño.

Unha xornada de convivencia, onde ademais obtivemos varias medallas.

Podedes ver as fotos da xornada no seguinte enlace: Campo a través

Deixámosvos cunha pequena presentación da xornada.

Este ano, ao igual que en anos anteriores, o alumnado do noso centro participou nas "Eumeolimpiadas", organizadas polo Concello de Pontedeume. Isto representa unha boa ocasión para interactuar e convivir co resto do alumnado do concello, pois nestas xornadas deportivas participan todos os centros públicos e concertados de Pontedeume.

O calendario de actividades é o seguinte:

• Luns 11 de abril: terceiro de primaria.
• Martes 12 de abril: cuarto de primaria.
• Mércores 13 de abril: quinto de primaria.
• Xoves 14 de abril: sexto de primaria.

Todo o alumnado participa nun xogo colectivo, que varía en función do curso participante (3º balontorre, 4º fútbol, 5º balonmán e 6º baloncesto) e varios individuais: pentasalto, circuito de habilidade, lanzamento de balón e carreira de relevos.

Rematamos a xornada cun "macroaeróbic".

Tedes as fotos das xornadas nos seguintes enlaces:

TERCEIRO

CUARTO

QUINTO

SEXTO

Coma sempre deixámosvos cunha pequena presentación das xornadas.