3.2.1 Estrutura dos módulos.
Hai moitas formas de construír o coñecemento que se pretende abordar nun curso. Non todos os contidos teñen que estar presentes desde o inicio nin partir do/a titor/a; máis información non significa máis aprendizaxe nin máis comprensión dos contidos. Tamén se poden xerar en comunidade a través de foros, wikis, estudos de casos e procesos de busca libre ou dirixida de información na Rede para a construción individual ou colaborativa de coñecemento.
- Os coñecementos ordenaranse en módulos ou tema con títulos representativos e cuns obxectivos e contidos claramente definidos que permitan a súa avaliación.
- A progresión na secuencia de contidos debe ser equilibrada e lóxica e os módulos deben ter unha distribución e duración compensada. É conveniente organizar os módulos nivelados en canto a tempo requirido e nivel de dificultade, así como distribuír os contidos, actividades, tarefas etc con coherencia didáctica de xeito que cada bloque ou tema sexa unha "unidade" coherente.
- Pensa sempre en que o curso poida adaptarse a diferentes niveis (atención á diversidade), para o cal axuda incluír conceptos previos, glosarios ou información de ampliación (do tipo “Para ampliar / Para saber máis”). Coméntase máis abaixo.
- No caso de traballar con contidos expositivos, presentaranse empaquetados mediante os recursos propios de Moodle (Páxina, Libro, Lección...) ou elaboralos noutros soportes (eXelearning, obxectos multimedia, videotitoriais...) integrándoos dalgún xeito na plataforma. De existir material deste tipo, dentro ou fóra da plataforma, incluiranse todos os arquivos editables na carpeta
Arquivos fonte do bloque Zona de coordinación e mantemento. - En calquera caso, débese lograr que a presentación de contidos sexa o máis interactiva e navegable posible e utilizar linguaxes multimedia variadas (infografías, videotitoriais, glosarios...) evitando a presentación de contidos en PDFs
- Non esquezas respectar sempre os dereitos de propiedade intelectual dos materiais utilizados.
De seguido podes ver capturas de pantalla desta estrutura do curso e dos módulos tal como están no Modelo ou plantilla inicial para crear un curso Platega e ese mesmo módulo dun curso xa creado, en concreto do curso Crear cursos Platega:
Cabeceira do curso
- Logotipos Do CAFI e de Platega
- Descrición da/s competencia/s e subcompetencia/s
- Imaxe identificativa do curso
Na cabeceira do curso deben constar as competencias profesionais docentes que desenvolve o curso. No Modelo de cursos Platega atoparás:
Unha vez creado o curso amosará este aspecto:
Presentación da Aula, do curso e dos participantes
Os cursos Platega incorporarán un módulo titulado: Presentación do curso, da aula e dos participantes. Este módulo incluirá, tal como recolle o Modelo de cursos Platega:
Comunicarse e compartir:
- Foro de novas, noticias e anuncios. Foro de subscrición forzada para todos os participantes no que a titoría lanza novas e anuncios. Os participantes non poden participar nel.
- Foro de consultas específico deste módulo
- Ligazón ao Cancelo do curso en Twitter. Debe configurarse adecuadamente.
Traballar e avaliar:
- Participa nun curso virtual en Platega. Actividade destinada a familiarizar aos participantes coas operacións básicas que usarán durante o curso.
- Foro de presentacións, configurado cas instrucións precisas para os participantes.
- Que dominio tes das subcompetencias e da temática deste curso? Enquisa para analizar a situación inicial dos participantes tanto no referente á temática do curso como ás subcompetencias traballadas no curso. Esta información debe usarse para constituír os subgrupos para os traballos colaborativos, avaliacións inter pares etc. Esta enquisa debe elaborala os creadores do curso e/ou a titoría.
- Escolle subgrupo para os traballos colaborativos.
- Opcionalmente, pódese engadir unha tarefa máis sobre a temática específica do curso, que obrigue aos participantes a poñer en xogo os seus coñecementos iniciais sobre a temática do curso e sobre os desempeños que se traballarán posteriormente.
Informarse e aprender:
- Guía do curso
- Información de apoio. Presentación do bloque lateral "Mediateca".
Este módulo debe incluír a tarefa Participar nun curso virtual Platega na que se practican / repasan os desempeños básicos que debe ter un participante nun curso Platega: actualizar o perfil, intervir nun foro, enviar unha mensaxe, responder a un cuestionario, enviar unha tarefa, ler o feedback da titoría e consultar o libro de cualificacións. Amais de familiarizar aos participantes coa plataforma, especialmente aos primeirizos en Platega, esta actividade pretende forzar que os participantes se informen sobre o curso e decidan na primeira semana se van continuar, é dicir evitar que se despache a primeira semana de curso (equivalente a 5 horas de formación) cunha presentación breve e anodina feita en 5 minutos para, unha vez pasadas 2 ou 3 semanas, decidan abandonar o curso, perdéndose deste xeito unha praza.
No Modelo de cursos atoparás:
Unha vez creado o curso amosará este aspecto:
Módulos de Tarefas e Contidos
Os temas ou módulos do curso amosaranse estruturados do mesmo xeito, organizándoos en catro seccións:
- Cabeceira do tema. Amosará un título e unha imaxe representativos e un comentario breve dos obxectivos, temática, tarefas... presentando o tema. Estará sempre visible, desde a apertura do curso para que os participantes teñan información suficiente, a través da Guía do curso, para decidir se o curso é do seu interese e, no caso contrario, se den de baixa nesa primeira semana para poder ofertar a praza a persoas en reserva
- Folla de ruta ou similar.
- Comunicarse e compartir. Neste apartado incluiranse os espazos destinados á comunicación e interacción. En cada tema haberá: un Foro de consultas do Módulo X ou tema respectivo que se chamará deste xeito e si o deseño do módulo así o demandara calquera outro foro que fora preciso (para formación de grupos, para discusión sobre un tema concreto ou para organizar o traballo colaborativo).
- Traballar e avaliar. Neste espazo incluiremos todas as actividades do curso: as Actividades voluntarias non avaliadas e que non puntúan e as Tarefas avaliables, que puntúan na cualificación final. A avaliación das tarefas levarase a cabo de acordo coas directrices do apartado 2.4. Avaliación e cualificación. A construción do coñecemento nun curso en rede deberá ser, na medida do posible, colaborativa para o que deberán incluírse actividades colaborativas do tipo Foro, Wiki, Glosario, Base de datos, Taller, etc. Estas actividades deberán desenvolverse en pequenos grupos ou en gran grupo e intentando respectar as regras do traballo colaborativo.
- Informarse e aprender. Espazo adicado a recoller os contidos do Módulo en diferentes formatos, así como todo aquel material de consulta que poidan precisar os participantes para a construción individual e colectiva do coñecemento para alcanzar a consecución dos obxectivos do curso (Páxina, Libro, Cartafol con documentos, páxina web con recursos dixitais, etc.)
A progresión na secuencia de contidos debe ser equilibrada e lóxica e os módulos deben ter unha distribución e duración compensada. Pensa sempre en que o curso poida adaptarse a diferentes niveis, para o cal axuda incluír conceptos previos, glosarios ou información de ampliación (do tipo “Para ampliar / Para saber máis”).
Débese lograr que a presentación de contidos sexa o máis interactiva e navegable posible e empregar linguaxes multimedia variadas (infografías, videotitoriais, glosarios, etc) Para a presentación dos contidos expositivos usaranse os recursos propios de Moodle (Páxina e Libro) ou ben outros soportes (eXelearning, obxectos multimedia, videotitoriais, etc.) Os arquivos fonte ou editables deste segundo tipo incluiranse no cartafol Arquivos fonte da zona de mantemento e coordinación. Non esquezas respectar sempre os dereitos de autor dos materiais empregados.
No Modelo de cursos:
Os módulos coas tarefas e contidos dos cursos teñen a mesma estrutura e aspecto.
Exemplo de módulo dun curso Platega:
Proxecto final e avaliación do curso
Proxecto final que integre as tarefas realizadas nun traballo global ou proxecto final que sexa transferible ás aulas / centros. Avaliación do curso.
- Especificacións ou características do proxecto final, se o houbera.
- Avaliación do curso (na que os participantes avalían o curso)
- Avaliación das subcompetencias e certificación da formación (para informar aos participantes da súa nota final)
- Foro de despedidas e peche do curso.
No Modelo:
Exemplo no curso "Crear cursos Platega":
Licenza do curso
Necesariamente CC BY-NC-SA
- Atribución da propiedade intelectual dos recursos empregados, propio e alleos. Nesta páxina farase a atribución da propiedade intelectual dos recursos empregados no curso, tales como as imaxes que se empreguen na páxina principal do curso para evitar ter que facelo no seu pé por razóns estéticas.
- Débese indicar a orixe do curso: se é un curso derivado doutro do INTEF ou se é de nova creación cunha licenza de formación de modalidade 5. De non ser ningún destes casos, un curso de nova creación por exemplo, deben eliminarse os textos referentes a isto.
No Modelo:
Licenza do curso Crear Plategas:
Nesta imaxe apréciase que a licenza do curso é CC BY-SA e non CC BY-NC-SA, como é obrigatorio actualmente, porque cando se creou ese curso a licenza establecida pola Consellería era esa.
Zona de coordinación e mantemento
5. Zona de coordinación e mantemento
- Cronograma, seguimento e asesoramento para a creación do curso.
- Ligazón aos espazos de apoio, para acceder a el en cun clic.
- Arquivos fonte. Cartafol no que se gardarán todos os arquivos fonte dos recursos de elaboración propia incorporados ao curso.
- Foro da coordinación e titorías. Medio habitual de comunicación entre a coordinación do curso e a titoría.
- Control de altas e baixas. Anotaranse aquí as baixas / altas que se produzan.
- Bitácora do curso. Historial das edicións do curso que recollerá datos básicos.
Debe permanecer completamente oculto aos participantes.
No Modelo atoparás:
Licenciado baixo a Licenza Creative Commons Recoñecemento Compartir igual 4.0