O martes, 16 de outubro, tivo lugar a terceira xornada de competición do II Campionato Galego de Formación Profesional, Galicia Skill 2012 co Skill Fresaxe. A competición realizouse no IES Politécnico de Vigo.

A proba consistíu na elaboración dunha peza para o que debían realizar:
• Peza en 3D.
• Programa de CNC.
• Preparación, posta a punto, simulación e execución do mecanizado.

Dispuxeron de 5 horas; cun descanso de 30 minutos, penalizando o xurado as que se presentasen fora de tempo.

Onte, 15 de outubro, segunda xornada de competición do II Campionato Galego de Formación Profesional, Galicia Skill 2012 co Skill Control Industrial. A competición realizouse no IES Urbano Lugrís, A Coruña.

A proba consistiu na execución dun Proxecto de Automatización proposto polo xurado. Os participantes dispuñan de 7 horas, cun descanso de 2 horas, penalizando o xurado, aos que se presentasen fóra de tempo.

A Consellería de Cultura, Educación e Ordenación Universitaria, en colaboración coa Comisión Nacional do Mercado de Valores (CNMV), o Banco de España e a Dirección Xeral de Seguros e Fondos de Pensións pon a disposición dos centros educativos de Galicia o programa de “Educación Financeira”.

Comezou o II Campionato Galego de Formación Profesional, Galicia Skill 2012 co Skill Sollado e azulexado. A competición realizouse no CIFP Porta da Auga, de Ribadeo.

A Consellería ven de asinar o convenio coa cooperativa Vitivinícola do Ribeiro polo que se impartirá o CM Aceites de oliva e viños na comarca do Ribeiro, no IES de Ribadavia. O alumnado deste ciclo recibirá parte da súa formación e as prácticas nas instalacións desta cooperativa.

A Consellería ven de asinar a addenda ao convenio coa Fundación Centro Oncolóxico Rexional de Galicia "José Antonio Quiroga y Piñeyro" polo que o alumnado do CS de radioterapia, do CIFP Anxel Casal da Coruña, recibirá parte da súa formación nas instalacións desta fundación.

A Consellería ven de asinar a addenda ao convenio coa Fundación de Exposicións e Congresos da Estrada polo que o alumnado do ciclo da familia de Madeira moble e cortiza, do IES Antón Losada Diéguez, recibirá parte destas ensinanzas nas instalacións desta fundación.

Stop Accidentes Galicia xunto coa Xefatura Provincial da Dirección Xeral de Tráfico invítate a participar no seu I Concurso de iniciativas de seguridade viaria por unha mobilidade segura.

Bases da convocatoria dos proxectos de formación para o curso 2012-2013.
Pódese consultar as persoas destinatarias,  a duración, a documentación a presentar, o lugar e o prazo de presentación de solicitudes, e máis información de interese.

 - Convocatoria proxectos de formación