IES Xoán Montes |

Premio extraordinario de educación secundaria

A Consellería de Cultura, Educación, Formación Profesional e Universidades, consciente da importancia de recoñecer e valorar publicamente os méritos excepcionais baseados no esforzo e no traballo do alumnado que cursou cun excelente resultado académico a educación secundaria obrigatoria na Comunidade Autónoma de Galicia, convoca os premios extraordinarios de educación secundaria obrigatoria ao rendemento académico.

Máis información na seguinte ligazon.

Programa YAM (Youth Aware of Mental Health)

O IES Xoán Montes foi seleccionado pola Consellería de Educación e o Servizo Galego de Saúde como centro piloto para participar no programa escolar de saúde mental denominado Youth Aware of Mental Health (YAM). Un grupo de 12 alumnos voluntarios de 3ESO participou o 16 de xuño en dito programa, consistente nunha formación teórica e xogos de roles e debates sobre situacións cotiás que lles poden supor estrés e malestar emocional.

YAM

Material do programa YAM

Visita ao MIHL

Un grupo de alumnado de 1ºBAC asistiu ao MIHL (Museo Interactivo da Historia de Lugo) para coñecer a exposición permanente acompañados pola profesora de Historia do Mundo Contemporáneo. Ademais, tivemos a ocasión de contempolar a exposición temporal do Culturban. Foi unha boa oportunidade para analizar distintas obras de arte e reflexionar sobre o seu significado e a mensaxe que tentan transmitir ao espectador.

Culturban

Exposición Culturban. Fotografía do MIHL

Leer máis

UN DÍA DE SURF

O alumnado de 4ºESO desfrutou dunha emocionante xornada de Surf en Esteiro na costa lucense organizada polo Departamento de Educación Física. Os profesores da Escola de surf de Viveiro impartiu as nocións básicas para poder surfear as ondas. Ademais, fixo un día marabilloso e as tormentas augantaron toda a xornada para aproveitar o día ao máximo.

surf

Un fermoso día de surf. Fotografía de Marta Saavedra.

Leer máis

Aquafish do Noroeste. Participación no Congreso Convivio de Xuvenciencia

O alumnado de Anatomía Aplicada de 1º de Bacharelato do IES Xoán Montes, participou no Congreso Convivio de Xuvenciencia co vídeo Aquafish do Noroeste. Con este vídeo sobre a necropsia de robaliza foron premiados con 3 plazas no Campus de Verano de Xuvenciencia. Noraboa polo traballo!

Aquafish do Noroeste. Alumnado de 1º BAC. CC BY-SA-NC

Enredando co galego

O alumnado de 3º de ESO participou na iniciativa "Enredando co galego" promovida pola Asociación de Escritores en Lingua Galega en colaboración co Concello de Lugo. O pasado venres 19 de maio celebrouse no Auditorio Gustavo Freire o festival para a entrega de premios e agasallos.

Resultaron premiados Juan Aguado Bellón e Lúa Muíño Rega de 3º ESO C; e Iria Alonso Abuín, Hugo Barreiro Vázquez e Nicolás López Lamela de 3º ESO A. Ademais, o alumnado asistente recibiu un agasallo tecnolóxico e sorteáronse entre eles lotes de libros e tamén unha tablet. No acto deron un concerto Fillas de Casandra, actuación moi do gusto da cativada; que desfrutou así dunha xornada moi leda e agradable.

enredando co galego

Enredando co galego. Manuel Veiga. CC BY-SA

Leer máis

Camiño de Santiago dende Lugo

Un aguerrido grupo de estudantes de 2º e 4º ESO, comandado polo incansable profesor de Tecnoloxía Gerardo, completou o Camiño de Santiago o pasado 14 de maio. Tamén participaron Marta Coria, profesora de Xeografía e Historia do centro, e Luis Camilo Fernández director do CPI de Meaño.

Foi todo un reto camiñar os 101 quilómetros que separan Lugo de Santiago polo Camiño Primitivo en dúas xornadas e media. Noraboa polo esforzo!

Velaquí algunhas imaxes da aventura:

camino

Chegada á Praza do Obradoiro

Leer máis

Uso seguro de redes sociais

O pasado 10 de maio o alumnado de 3ºC recibiu, nunha sesión de titoría, información sobre o uso seguro de internet. O obradoiro foi solicitado dentro do programa educativo da Consellería denominado Iniciación segura á pegada dixital e as redes sociais. A sesión impartida por un especialista de Amtega foi moi interactiva e resolveu moitas dúbidas do alumnado.

clase 3ºC

Obradoiro uso seguro redes sociais. Marta Coria. CC BY-SA

Visita ao Museo Provincial de Lugo

O alumnado de 1º BAC de Historia do Mundo Contemporáneo visitou no mes de maio o Museo Provincial de Lugo.

A sala do tesouro, cos torques e arracadas, foi a que máis lles sorprendeu. Tamén desfrutaron de distintos obxectos decimonónicos realizados en materiais exóticos: abanos, reloxos, útiles de fumar, etc.

Ademais, contemplamos obras de distintos autores destacados como Xulia Mingullón, Castelao, Maruja Mallo, Laxeiro ou Seoane. As esculturas de Francisco Asorey (Ofrenda a San Ramón e San Francisco) tamén chamaron a atención do alumnado.

MPL