Complementarias

Con esta proposta achegamos contidos da xestión emocional ao alumnado do IES Val do Asma. No obradoiro daranse  pautas claras para xestionar as emocións e escoitaranse as súas necesidades.
Mediante  tarefas de reflexión guiada buscarase  co alumnado amose unha capacidade superior de entendemento emocional propio e alleo, o que suporá un desenvolvemento da súa intelixencia emocional e as súas habilidades comunicativas.

Relatoras: Verónica Ledo e Natalia González, fundadoras da cooperativa  de formación ecosocial Educalecrín.
Dirixido a: Alumnado de 1ºCB Informática de Oficina (9:35 a 11:15) e 1ºCB Mantemento de vehículos (12:35 a 14:15).
Lugar: Aula de referencia.
Organiza: Departamento de Orientación.

O Servizo de Educación e Apoio Familiar do Concello de Chantad, está a organizar un obradoiro "Educacion Emocional e Sexual na Familia" que impartirán dende o Centro Quérote + de Lugo. Este obradoiro que está dirixido a nais, pais, avós, avoas, tíos/as, educadores/as, etc., terá lugar o mércores, 19 de abril de 17:00 a 18:30 no Telecentro. Poderán ir acompañados/as das crianzas, xa que facilitarán un espazo de conciliación da man de Velaisca noutra aula do Telecentro.
Para participar as familias teñen que inscribirse enviando un correo electrónico a este enderezo (educacionfamiliar@concellodechantada.org), indicando nome completo e teléfono de contacto. As prazas son limitadas e cubriranse por orde de inscrición.

O alumnado de 4º ESO asistirá dende o 12 de abril acompañado da súa profesora de Educación Física, á piscina municipal de Chantada para practicar natación. O horario da actividade desenvolverase entre as 11:15 e as 13:25 horas todos os mércores ata final de curso.

Dirixido a: Alumnado de 4º ESO.
Lugar: Piscina Municipal de Chantada.
Organiza: Departamento de Educación Física.

A xornada, que inicialmente se ía desenvolver o 24 de febreiro, constará de dous eixos fundamentais, un sobre a elaboración do planisferio e o outro acerca da contaminación lumínica e será impartida polo divulgador científico Martín Pawley.

Dirixido a: Alumnado de 1º ESO.
Lugar: Salón de Actos IES Val do Asma.
Organiza: Departamento de Bioloxía.

O relator Roberto Ferreiro Eimil, coordinador do Centro de Día Oblatas “O´Mencer” de Ferrol dará unha charla sobre "A violencia tolerada: Mulleres como servizo e obxecto de consumo". Para máis información preme aquí.

Destinatarios/as: Alumnado de FP de Ciclos Básicos e Ciclos Medios.
Lugar: Salón de Actos do IES Val do Asma.
Organiza: Departamento de Orientación.