Skip to Content

Reserva de praza

Admisión a Formación Profesional 2024-2025

Ven, 28/06/2024 - 12:58

Aberto o proceso de admisión a Ciclos básicos (CB), Ciclos Medios (CM) e Ciclos Superiores (CS) de Formación Profesional. O prazo de presentación de solicitudes abrangue dende o 24 xuño ás 9:00 ao 4 xullo ás 13:00 horas para todos os ciclos e modalidades.

Entrega de solicitudes: O asistente informático da aplicación Ciclosadmisión será empregado para realizar as solicitudes e o seguimento dos procesos de admisión da oferta ordinaria (só 1º curso), oferta modular, FP dual intensiva e cursos de especialización. En FP básica a solicitude será realizada no centro, de orixe ou de destino segundo corresponda. O seguimento poderá realizarse na aplicación. Acceso ao asistente informático.

No IES Val do Asma, para o curso escolar 24-25, ofertaranse os seguintes ciclos de FP, dous de eles novos:

  • CB Informática de oficina
  • CB Mantemento de vehículos
  • CM Electromecánica de vehículos automóbiles
  • CM Xestión administrativa NOVIDADE 24-25!
  • CS Administración e finanzas
  • CS Desenvolvemento de aplicacións web (Dual intensiva)
  • CS Automoción (Dual intensiva) NOVIDADE 24-25!

Para máis información preme en:

 

Prazo de admisión na ESO e no BAC para o curso 23-24

Ven, 03/03/2023 - 10:53

O novo alumnado que queira cursar estudos de ESO e/ou BAC no IES Val do Asma no curso 2023-2024 deberá presentar en prazo a súa solicitude. Este prazo abrangue do 1 de marzo ao 20 de marzo de 2023 (ambos inclusive). Para máis información preme no Procedemento de admisión.

Admisión de alumnado para ESO e BAC curso 22-23

Xov, 03/03/2022 - 13:28

O alumnado, que non proceda de centros adscritos, poderá presentar a súa solicitude de admisión dende o 1 ao 21 de marzo de 2022, ambos incluídos. O prazo está aberto!

Procedemento de admisión de alumnado de ESO e BAC para o curso 2022/2023

Mér, 19/01/2022 - 13:01

O alumnado novo procedente de centros adscritos realizará a súa reserva de praza dende o 11 de xaneiro ao 8 de febreiro de 2022.

O resto do novo alumnado, que non proceda de centros adscritos, poderá presentar a súa solicitude de admisión dende o 1 ao 20 de marzo de 2022, ambos incluídos.

Acceso a toda a información sobre o procedemento de admisión de alumnado en centros docentes sostidos con fondos públicos para o curso 2022/2023.

Inicio do procedemento de admisión de alumnado en centros adscritos para o curso 2021/2022

Lun, 04/01/2021 - 11:02

Inicio do procedemento de admisión de alumnado en centros adscritos para o curso 2021/2022.

Prazo de solicitudes: do 11 de xaneiro ao 8 de febreiro.

Publicación de postos escolares vacantes: antes do 1 de marzo.

Presentación da solicitude de admisión: 1-20 de marzo.

ADMISIÓN CICLOS 2019/2020

Lun, 24/06/2019 - 11:45

A Dirección Xeral de Educación, Formación Profesional e Innovación Educativa, ven de publicar o calendario de admisión a ciclos formativos de formación profesional 2019-2020.

PRESENTACIÓN DE SOLICITUDES
A solicitude cubrirase a través de internet nos seguintes enlaces: Ciclos Medios, Ciclos Superiores e FP Dual.
A instancia que xera a aplicación informática débese imprimir e presentar, xunto coa documentación requerida, en calquera centro público de Galicia con oferta de formación profesional.
PRAZOS DE INSCRICIÓN:

  • O prazo ordinario será do 24 de xuño ao 2 de xullo ás 13:00 horas.
  • O prazo extraordinario abranguerá desde o día 3 ao 6 de setembro ás 13:00 horas.

Toda a información atópase nos documentos adxuntos.

FIN PRAZO ADMISIÓN ESO-BAC 19-20

Ven, 08/02/2019 - 10:10
20/03/2019 10:00
20/03/2019 13:00

Data de remate do prazo de admisión de novo alumnado para ESO e Bacharelato par o curso 2019-2020. Para máis información preme aquí.

RESERVA DE PRAZA E ADMISIÓN ESO E BACHARELATO CURSO 2019-20

Mér, 06/02/2019 - 13:34

O alumnado xa matriculado no IES Val do Asma no curso actual 18/19 e que pretenda seguir estudos no mesmo centro o vindeiro curso, así como aquel alumnado que proceda do CEIP Xosé Luis Taboada ten que realizar a reserva de praza dende o 1 ata o 15 de febreiro de 2019 presentando o formulario ED550A. Para máis información preme aquí.

O novo alumnado que desexe cursar ESO ou BAC no IES Val do Asma ten que realizar a solicitude de admisión dende o 1 ata o 20 de marzo de 2019 presentando o formulario ED550B na secretaría do instituto ou a través da aplicación "admisionalumnado" (https://www.edu.xunta.es/admisionalumnado). Como criterio complementario aprobouse o seguinte: Familiares de 1º grado (nai, pai, titora ou titor) e/ou de 2º grado (avós, netos, irmán/s) que fóran alumnos do IES Val do Asma. Valoración 1 punto. Circunstancia que se acreditará coa fotocopia do libro de familia ou documento similar e a certificación de matrícula do nai, pai, titora ou titor ou irmán/s.

ADMISIÓN FP DUAL 2018-2019

Mar, 26/06/2018 - 13:06

A Dirección Xeral de Educación, Formación Profesional e Innovación Educativa, ven de publicar as instrucións da convocatoria de xuño de admisión a ciclos formativos de formación profesional DUAL 2018-2019.
PRESENTACIÓN DE SOLICITUDES
As persoas interesadas presentarán unha única solicitude, que se entregará preferentemente no centro onde se oferte o ciclo para o que solicita admisión. A solicitude irá dirixida á dirección do centro educativo.
PRAZOS DE INSCRICIÓN:
O prazo ordinario será do 25 de xuño ao 3 de xullo ás 13:00 horas.
Para máis información consultar aquí.

ADMISIÓN CICLOS 2018-2019

Mar, 26/06/2018 - 09:20

A Dirección Xeral de Educación, Formación Profesional e Innovación Educativa, ven de publicar o calendario de admisión a ciclos formativos de formación profesional 2018-2019.
PRESENTACIÓN DE SOLICITUDES
A solicitude cubrirase a través de internet nos seguintes enlaces: Ciclos Medios e Ciclos Superiores.
A instancia que xera a aplicación informática débese imprimir e presentar, xunto coa documentación requerida, en calquera centro público de Galicia con oferta de formación profesional.
PRAZOS DE INSCRICIÓN:

  • O prazo ordinario será do 25 de xuño ao 3 de xullo ás 13:00 horas.
  • O prazo extraordinario abranguerá desde o día 3 ao 11 de setembro ás 13:00 horas.

Para máis información consultar aquí.

Distribuir contido


by Dr. Radut