Secretaría

Coa intención de continuar a integrar as novas tecnoloxías no ámbito educativo, a Xunta de Galicia pon a disposición das familias e dos centros escolares galegos a aplicación abalarMóbil, a cal permite que vostedes consulten a información relativa aos seus fillos e fillas a través do teléfono móvil dende calquera lugar e dun xeito inmediato.

Esta aplicación é totalmente gratuíta e a súa descarga pode ser feita dende Apple Store (se o sistema operativo é IOS) ou dende Play Store (se o sistema operativo é Android).

Deben vostedes ter presente que o teléfono no que descarguen a aplicación ten que ser o móbil que indiquen no impreso de matrícula dos seus fillos ou fillas como número de contacto, mencionando, ademais, no momento de formalizar esta matrícula, que pretenden darse de alta na aplicación ou que xa a teñen habilitada nese mesmo número de teléfono.

As familias que descarguen abalarMóbil van poder dispoñer en calquera caso das seguintes informacións:

• Acceder aos datos persoais.
• Consultar as cualificacións.
• Consultar as faltas de asistencia e puntualidade.
• Consultar as faltas de conduta.
• Consultar os datos do centro educativo.
• Consultar os avisos ou notificacións enviadas polo centro educativo.

Dependendo de se o profesorado do alumno ou alumna está, a súa vez, dado de alta como docente no Espazo Abalar e das funcionalidades que desexe habilitar, as familias tamén poderán ter a súa disposición:

• Xustificar as faltas de asistencia e de puntualidade.
• Consultar os avisos ou notificacións do profesorado.
• Consultar as incidencias creadas polo profesorado.
• Solicitar unha entrevista cun profesor ou profesora.

 No seguinte vídeo explícanse dun xeito moi sinxelo os pasos que vostedes deben seguir para darse de alta na aplicación abalarMóbil e o modo de manexarse dentro dela. A continuación, aparece tamén unha ligazón á guía de abalarMóbil para as familias en formato PDF, que poden descargar, se así o desexan.

GUÍA abalarMóbil PARA AS FAMILIAS

Premendo sobre cada nivel, accédese á información relativa aos libros de texto correspondentes ao mesmo para o vindeiro curso académico 2016/2017.

O vindeiro luns 27 de Xuño de 2016, ás 10:00 horas, serán entregados os boletíns das cualificacións finais a todo o alumnado de ESO e 1º Bacharelato.

No caso de que exista algún desacordo coa cualficación final outorgada nalgunha materia, estas son as normas e os prazos a ter en conta para realizar algunha reclamación:

• Despois das aclaracións oportunas co/a profesor/a, se procede, o/a alumno/a (nos casos de maiores de 18 anos) ou o seu representante legal, pai/nai (nos casos de menores de 18 anos), poderán solicitar por escrito (existe un modelo de impreso nas oficinas do centro) a revisión da cualificación no prazo de 2 días lectivos a partir daquel no que se produciu a súa comunicación. Polo tanto, dita solicitude poderá ser presentada ata as 14:00 horas do día 29 de Xuño de 2016.

• O Departamento correspondente resolverá a reclamación nun prazo máximo de 2 días lectivos, sendo comunicada a resolución ao/á alumno/a ou á súa familia pola Xefatura de Estudos do centro.

• No caso de persistir o desacordo, o/a alumno/a (nos casos de maiores de 18 anos) ou o seu representante legal, pai/nai (nos casos de menores de 18 anos) poderán solicitar por escrito ao Director do centro (existe un modelo de impreso nas oficinas do centro), no prazo de 2 días lectivos a partir da última comunicación do centro, que eleve a reclamación á Xefatura Territorial.
  

• O tempo máximo para a resposta da Xefatura Territorial ás reclamacións de ESO e Bacharelato será de 15 días lectivos.

Para dar cumprimento á instrución 4/2016 de 30 de Maio de 2016 para a contratación do servizo de xestión e explotación de cafeterías en centros docentes non universitarios dependentes da Consellería de Cultura, Educación e Ordenación Universitaria, ábrese un prazo para que calquera persoa física ou xurídica, con capacidade de obrar, poida presentar as ofertas oportunas.

O procedemento a seguir, as condicións esixidas e os criterios para a valoración das ofertas recibidas veñen reguladas na citada orde.

Prazo de presentación das ofertas:       DO 22 DE XUÑO AO 10 DE XULLO DE 2016

Lugar de presentación das ofertas:      OFICINA ADMINISTRATIVA DO IES GONZALO TORRENTE BALLESTER

Datos de contacto:

IES GONZALO TORRENTE BALLESTER. Rúa Herminia Fariña, s/n.- 36003. Pontevedra

Teléfono:   886159156

Correo electrónico:   ies.torrente.ballester@edu.xunta.es

Páxina web:   www.edu.xunta.gal/centros/iestorrenteballester

Para máis INFORMACIÓN, consultar os documentos que se xuntan a continuación:

• Prego de condicións do centro para a adxudicación da cafetería
• Instancia de solicitude
• Criterios de Baremación

Premendo nos 2 adxuntos, pódense consultar e descargar os seguintes documentos:

-O documento coa data de publicación das listaxes e o recurso a interpor no seu caso, firmado e selado.

- As listaxes definitivas do proceso de admisión para o curso 2016-17. Nas listaxes figuran tanto os admitidos coma os non admitidos.

Onte publicáronse na páxina  web do Ministerio os listados definitivos de bolseiros da convocatoria xeral do actual curso 2015/16. Pódese acceder dende o seguinte enlace: http://www.mecd.gob.es/servicios-al-ciudadano-mecd/catalogo/educacion/becas-ayudas-subvenciones/para-estudiar/bachillerato/becas-generales-no-universitarias.html

O  prazo para a presentación de recurso de reposición por parte do alumnado comeza o 10 de maio e finaliza o 9 de xunio de 2016.

Un PDF coas listaxes por centros pódese consultar e descargar premendo no adxunto

A Dirección Xeral de Educación, Formación Profesional e Inovación Educativa, ven de ditar unha circular pola que se establece o procedemento que compre seguir nas reclamacións das cualificacións outorgadas no segundo curso do bacharelato.

Esta circular pódese consultar e descargar premendo abaixo no adxunto.

Premendo nos arquivos adxuntos accédese aos Listaxes Provisionais do Proceso de Admisión para o curso 2016 -17

Solicitudes de admisión para 1º de E.S.O, 2º de E.S.O e para 1º de Bacharelato de Humanidades e Ciencias Sociais

Xa que o número de solicitudes é superior ao de prazas ofertadas, faise necesario presentar a documentació  que xustifique os criterios do baremo.

O prazo de presentación é do 1 ao 12 de abril, ámbos os dous inclusive

Solicitudes de admisión para 3º de E.S.O, 1º de Bacharelato de Ciencias e 2º de Bacharelato

Nestes casos, xa que o número de solicitudes é inferior ao de prazas ofertadas, todas as solicitudes están admitidas e non é necesaria a presentación da documentación acreditativa dos criterios do baremo

                                                     Pontevedra a 29 de marzo de 2016 

                                                                   O secretario

                                                             Francisco Pacios Álvarez

No vindeiro mes de Marzo comeza o proceso de admisión e matrícula do alumnado para o curso 2016-17.

Tanto no taboleiro do centro, como nos arquivos  que van xunto a esta entrada, podedes atopar os segunites documentos:

Proceso de Admisión e Matriculacion 2016-17.

Calendario Orientativo de Admisión e Matrícula.

Criterio de Baremación complementaria do Centro

PARA O ALUMNADO QUE NON PUIDESE ACOLLERSE ÁS AXUDAS DA 1ª CONVOCATORIA, E, PARA TODO AQUEL QUE, TÉNDOA SOLICITADO, RESULTASE EXCLUÍDO POR UNHA CAUSA ENMENDABLE, QUEDA ABERTO UN NOVO PRAZO DE PRESENTACIÓN DE SOLICITUDES DE 11-11-2015 A 21-11-2015. ENTÉNDASE BEN QUE ESTAS AXUDAS SON SÓ PARA OS QUE NON A CONSEGUIRAN NA 1º CONVOCATORIA.

O vindeiro martes 15 de setembro terá lugar, no salón de actos, a presentación do alumnado. As quendas son as seguintes:

•   Ciclos formativos:   ás   12:00 
•   2º Bacharelato:      ás   12:15 
•   1º Bacharelato:      ás   12:30 
•   3º e 4º da ESO:     ás   12:45 
•   2º da ESO:            ás   13:00
•   1º da ESO:            ás   13:15    

Xa tendes acceso ao documento premendo no adxunto

Premendono no adxunto, tendes acceso ao documento 

Xa está á vosa disposición a Listaxe Provisional de Admitidos no Fondo Solidario de Libros de Texto , premendo aquí, a podedes  ver e descargar.

Por outra banda, se premedes aquí, poderedes  ver e descargar  as Existencias de Libros do devandito Fondo solidario dispoñibles no Instituto.

ATENCIÓN: A lista de ADMITIDOS é PROVISIONAL e, por problemas do programa informático, non se actualizará ata SETEMBRO. Os erros que podades ver nos documentos publicados, xa están emendados e non é necesario que pasedes polo centro ata SETEMBRO.

Facendo clic nos enlaces que tedes máis abaixo poderedes acceder ós libros de texto de cada curso para o ano académico 2015-2016. Fixádevos ben en que nalgunhas materias non se usará libro de texto, en que noutras haberá que agardar ata os primeiros días de clase para mercalo e en que noutras quizais volo poida prestar o centro.

1º ESO        2º ESO        3º ESO        4º ESO        1º BACH.        2º BACH.

Para dar cumprimento á INSTRUCIÓN 4/2015 de 1 de xuño de 2015, para a contratación do servizo de xestión e explotación da cafetería en centros docentes non universitarios dependentes da consellería, ábrese un prazo para que calquera persoa física ou xurídica, con capacidade de obrar, poida presentar as ofertas oportunas.

O procedemento a seguir, as condicións esixidas e os criterios para a valoración das ofertas veñen reguladas na citada orde.

Prazo de presentación das ofertas: DO 22 DE XUÑO Ó 10 DE XULLO DE 2015.

Lugar de presentación: OFICINA ADMINISTRATIVA DO IES GONZALO TORRENT BALLESTER

Datos de contacto:
IES GONZALO TORRENTE BALLESTER. Rúa Herminia Fariña, s/n – Pontevedra
Tlfo. 986 863 612
Correo electrónico:  ies.torrente.ballester@edu.xunta.es
Páxina web: http://www.edu.xunta.gal/centros/iestorrenteballester/

Para máis INFORMACIÓN, pódense consultar, facendo clic enriba deles, os arquivos que se achegan a continuación:

• Instrución 4/2015 de 1 de xuño de 2015.
• Especificacións técnicas.
• Prego de condicións do centro.
• Modelo de instancia de solicitude.

O luns 2 de marzo comezará o prazo de solicitude de prazas para o curso 2015-2016. Este proceso estará regulado pola Orde do 12 de marzo de 2013 (DOG do 15 de marzo de 2013). A través deste artigo poderanse seguir todas as novidades relacionadas co proceso de admisión e tamén se terá acceso a toda a información relativa a esta convocatoria. En todo caso, lémbrase a todos os interesados que o PRAZO DE PRESENTACIÓN DE SOLICITUDES ESTARÁ ABERTO DO 2 Ó 23 DE MARZO, ambos os dous días incluídos.

• Información xeral sobre o proceso de admisión (inclúe a oferta de prazas).
• Criterios complementarios e procedemento de acreditación.
• Impreso de solicitude de admisión (editable).
• Anexo A.
• Entrega de documentación xustificativa do baremo só para alumnos de 1º de ESO (25 de marzo ó 7 de abril).
• LISTA PROVISIONAL DE ALUMNOS ADMITIDOS E NON ADMITIDOS.
• NOVO!!! LISTA DEFINITIVA DE ALUMNOS ADMITIDOS.
• NOVO!!! LISTA DEFINITIVA DE ALUMNOS NON ADMITIDOS.
• NOVO!!! RECURSO QUE SE PODE INTERPOÑER CONTRA AS LISTAS DEFINITIVAS.