ANPA
Charlas informativas para familias e profesorado
O equipo directivo do instituto e a ANPA El Pino estamos a organizar para as familias dos alumnos e o profesorado dúas charlas informativas que terán lugar a vindeira semana:
.- Martes 27 de xaneiro (de 20.15 a 21.30 horas): charla sobre a Lei 5/2000 de responsabilidade penal
dos menores. Será impartida por colaboradores da Asociación Arela de Vigo.
.- Xoves 29 de xaneiro (de 20.30 a 22.00 horas): charla sobre a comunicación cos fillos adolescentes.
Será impartida por un psicólogo colaborador de Cruz Vermella.
Estas actividades terán lugar na Aula 22 do instituto. Para que ambas charlas se poidan confirmar, é preciso contar cun mínimo de vinte ou vinte e cinco asistentes. Así, aquelas persoas que estean interesadas en participar nestas actividades poderán comunicárnolo a través do enderezo de correo electrónico do instituto: ies.torrente.ballester@edu.xunta.es. O último día para facelo será o luns 26 de xaneiro.
Asemblea Xeral Ordinaria da ANPA El Pino
Infórmase a todas as familias ás que poida resultar de interese que o vindeiro mércores 29 de outubro ás 20.30 horas terá lugar no Salón de Actos do instituto a reunión da Asemblea Xeral Ordinaria da ANPA El Pino. Dende a súa Xunta Directiva pídennos que lles deamos publicidade á convocatoria e a orde do día, que será a seguinte:
1.- Lectura e aprobación, se procede, da acta anterior.
2.- Balance económico.
3.- Renovación de cargos.
4.- Rogos e preguntas.
Exames da Universidade de Cambridge
A través da FANPA e da ANPA El Pino a empresa Global Project ofrece a todos os alumnos do instituto unha serie de cursos de inglés para preparar os certificados de recoñecemento internacional da universidade de Cambridge (distintos niveis). Facendo clic neste enlace poderase consultar toda a información relativa a estes cursos.
1ª Festa do ensino público
Co fin de reclamar e defender un ensino público de calidade, a FANPA e as asociacións de nais e pais de alumnos de Pontevedra organizaron unha xornada lúdica reivindicativa, á que se lle deu o nome de I FESTA DO ENSINO PÚBLICO. Este encontro terá lugar o vindeiro sábado 23 de febreiro a partir das 16:00 horas no mirador de Monte Porreiro. Os organizadores convidan a todos os sectores da comunidade educativa do ensino público: familias, profesores, alumnos e demais persoas interesadas. Facendo clic neste enlace poderase acceder á convocatoria feita dende a FANPA e ó programa de actividades do evento. Dende o equipo directivo do IES Gonzalo Torrente Ballester aproveitamos a ocasión para animar a todos os membros do noso centro a participar nesta xornada festiva.
CONFIRMADA - Charla sobre acoso escolar
Despois de que se conseguise reunir un grupo o suficientemente numeroso, podemos confirmar que o vindeiro mércores 6 de febreiro terá lugar a charla sobre acoso escolar para familias. Será impartida por persoal de Cruz Vermella e desenvolverase entre as 20:30 a as 21:30 horas. Terá lugar na aula 27, sempre e cando non se reciban máis confirmacións de asistencia e sexa preciso cambiala para o Salón de Actos. Dende o equipo directivo queremos animar a todas as familias de alumnos a participar neste interesante actividade.
Xornada de orientación universitaria e laboral
O Departamento de Orientación organizou unha serie de charlas de orientación universitaria e laboral dirixidas ós alumnos de primeiro e segundo curso de Bacharelato e Ciclos Formativos. Estas actividades desenvolveranse entre o venres 9 e o venres 16 de xaneiro. Nas charlas participarán representantes das universidades de Vigo e Santiago de Compostela, que ofrecerán información sobre aspectos como: a capacidade emprendedora, a aplicación NERTA, as bolsas de estudo, as titulacións coas que contan, as notas de corte, a estruturación dos estudos universitarios, os servizos que ofrecen os distintos campus, etc. Facendo clic neste enlace poderase acceder ó programa completo das charlas.
O equipo directivo quere aproveitar esta ocasión para convidar a todas as familias que teñan interese a asistir e participar nestas xornadas informativas, que se desenvolverán no Salón de Actos do noso centro.
Cartas á FANPA e á CEAPA
Despois da proposta feita por distintas familias na última reunión da ANPA, dende esta asociación decidimos enviar unha carta de protesta ó presidente da FANPA e outra ó presidente da CEAPA. Nelas manifestamos o noso malestar con estas dúas entidades, xa que consideramos que non cumpriron coas súas obrigas en relación coas folgas dos días 16, 17 e 18 outubro. Facendo clic nos seguintes enlaces poderanse consultar as dúas cartas remitidas: carta ó presidente da FANPA e carta ó presidente da CEAPA.
