Skip to Content

Novas

Admisón de alumnado para o curso 2022-2023. Publicación de listaxes provisionais.

Mar, 19/04/2022 - 08:30
       

    Mañá, mércores 20 de marzo, publicaranse as listaxes provisionais de admitidos e non admitidos para o vindeiro curso 2022-23.

    As listaxes estarán expostas no panel da entrada do IES Sofía Casanova.

    Poderase interpoñer reclamación ás listaxes ante o Consello Escolar, no prazo de 5 días hábiles contados a partir do seguinte ao da súa publicación.

Admisón de alumnado para o curso 2022-2023. Entrega de documentación.

Mér, 23/03/2022 - 09:56
       

    Rematado o prazo de entrega de solicitudes para a escolarización do ano académico 2022-23, informamos que aquelas persoas que solicitaron praza para o 2º e 4º cursos de ESO e 1º de Bacharelato deberán entregar na Secretaría, ou enviar escaneada ó correo electrónico do centro, a documentación dos criterios alegados na solicitude para proceder á baremación, xa que se presentaron máis solicitudes que prazas se ofertan.
    É preciso aportar un certificado do padrón municipal actual, con todos os membros da unidade familiar, e de ser o caso, outra documentación alegada (certificado traballo,etc).

    Prazo: desde o 24 de marzo ata o 6 de abril.

    Nos restante cursos todo alumnado que solicitou praza está admitido.

Publicouse no BOE a nova convocatoria de bolsas de carácter xeral para o curso 2022/2023.

Lun, 21/03/2022 - 13:47
 

    Modifícanse os prazos e o procedemento de xestión das solicitudes.
O prazo para presentar as solicitudes é do 30 de marzo ao 12 de maio, inclusive.

    A presentación realízase a través da sede electrónica do Ministerio de Educación. Nunha 1ª Fase preténdese realizar as comprobacións económicas. As unidades de tramitación de bolsas revisarán os datos persoais e familiares necesarios para a comprobación da renda e patrimonio familiar e enviarán as solicitudes á Axencia Tributaria para o seu cálculo.

    Nunha 2ª fase informarase os solicitantes do resultado das comprobacións económicas anteriores, dándolles un prazo para formular alegacións se procede. Doutra banda, informarase tamén do procedemento e prazo para que poidan modificar a súa solicitude inicial, no relativo aos datos académicos.

Máis información. 

A convocatoria de axudas para alumnos con necesidades específicas de apoio educativo publicarase despois da convocatoria xeral, a partir do mes de maio.

Admisión de alumnado para o curso 2022-23. Proceso ordinario de admisión

Ven, 25/02/2022 - 12:30
       

   O prazo de presentación das solicitudes ordinarias de admisión abranguerá do día 1 ao 21 de marzo de 2022, ambos incluídos.

    A solicitude de admisión realizarase no modelo ED550B-anexo II e a comprobación dos membros da unidade familiar no anexo II bis.     Formulario

   As persoas solicitantes poderán: 
                 

 - Cubrir os formularios na aplicación admisionalumnado e presentalos por vía electrónica, a través da sede electrónica da Xunta de Galicia, sempre que se dispoñan de certificado dixital ou de Chave365. O anexo II-bis, unha vez cuberto, deberán imprimilo, asinalo e axuntalo coa solicitude (anexo II).

  - Descargar os formularios da aplicación admisionalumnado, da sede electrónica da Xunta de Galicia ou da páxina web da Consellería de Educación, para cubrilos manualmente e entregalos de forma presencial.

    Ver prazas vacantes

Axudas para a realización de actividades de formación en linguas estranxeiras no ano 2022

Xov, 03/02/2022 - 07:52
   

     A Consellería de Cultura, Educación e Universidade convoca 525 prazas para realizar actividades de formación en linguas estranxeiras no ano 2022.

   O prazo de solictude vai do 1 de FEBREIRO ata o 28 de FEBREIRO (incluído)

    Poderá solicitar estas axudas o alumnado de centros sostidos con fondos públicos da Comunidade Autónoma de Galicia dos cursos que aparecen nesta táboa.

    O inicio do procedemento de solicitude realizarase a partir da aplicación dispoñible na páxina web do programa  non sendo válidas as solicitudes que non procedan deste xeito.

Actualización medidas COVID

Lun, 17/01/2022 - 13:16
      No ficheiro adxunto pode verse a actualización, a xaneiro do 22, das medidas COVID

Admisión de alumnado para o curso 2022-23. Fase de reserva de prazas en centros de adscrición

Xov, 13/01/2022 - 05:53
       
   O 11 de xaneiro de 2022 iníciaronse os trámites do procedemento (código ED550A), coa reserva de praza nun centro de adscrición para alumnado que cambia de etapa.

   O prazo de solicitudes abranguerá do 11 de xaneiro ao 8 de febreiro de 2022, ambos incluídos.

   A consulta das listaxes de alumnado admitido, que se publicarán antes do día 28 de febreiro, debe realizarse no centro no que está matriculado no presente curso ou na aplicación admisionalumnado.

 

Eleccións ao Consello Escolar (III). SECTOR DE PAIS E NAIS DO ALUMNADO

Mér, 03/11/2021 - 12:27
 

    Corresponde elixir a 1 pai/nai, dun total de 3 que debe ter o Consello Escolar. Os outros dous continúan como consecuencia da súa elección anterior no ano 2018.
    Son electores todos os pais e nais incluídos no censo exposto no taboleiro de anuncios.
    Son elixibles pais e nais ou, se é o caso, os titores/as legais que formulen a súa candidatura oficial segundo o modelo que se facilitará na Secretaría do centro.
   As candidaturas poderán ser presentadas ata as 14:00 horas do citado día 11 de novembro.
    O sorteo dos membros da mesa electoral realizarase en acto público, entre os pais/nais que non se presenten como candidatos/as, o día 15 de novembro, ás 12:10 horas.
   A campaña electoral comprenderá dende o 11 ao 20 de novembro, ambos días inclusive.
    As votacións realizaranse neste IES o día 22 de novembro, de 16:30 a 18:30 horas.
    Na papeleta de votación cada elector/a fará constar un máximo de 1 nome dos candidatos presentados. 

                                                            Ver información completa. 

Distribuir contido


by Dr. Radut