Aproveitamos este 3 de decembro para reflexionar, concienciármonos e experimentarmos en propia carne o calvario que moitas veces aturan as persoas con algún tipo de discapacidade:

• teñen as instalacións do noso centro un óptimo grao de accesibilidade?
• dispomos dos recursos axeitados?
• satisfacemos de xeito pleno as demandas dos membros da comunidade educativa que, de xeito permanente ou puntual, viven situacións de discapacidade?,
• como actuamos para ser un instituto e unha biblioteca inclusiva?,
• somos quen de interpretar mensaxes pictográficas como estas?:

Ao longo da mañá, distintos grupos tentaron desentrañar eses pictogramas e cumprir as tarefas que se pedían en cada un deles, outros tentaron orientarse e cumprir misións a cegas ou deambular en cadeira de rodas e non faltaron os que follearon fondos da biblioteca ou leron textos relacionados co tema.

E como unha imaxe vale máis que mil palabras velaí un mínimo resumo en vídeo do vivido nesta xornada:

Moitas grazas a tod@s @s participantes nesta xornada desexando que tamén en todas as xornadas do ano tod@s sigamos acubillados baixo o mesmo paraugas.