O pasado luns 9 de outubro Ricardo Figueroa, do Club AROMON e da man do Concello de Tui, ofreceu faladoiros a todo o noso alumnado da ESO co gallo da 1ª Proba de Orientación a Pé na Eurocidade Tui-Valença. Moitos xa coñecen este deporte e outros terán o seu primeiro contacto este domingo pero estamos seguros de que tanto o profesorado, o alumnado como as familias participantes pasarán un día divertido cun mapa na man buscando balizas pola fortaleza de Valença e polas rúas vellas de Tui.