IES Sánchez Cantón

O alumnado de Oratoria de 3º ESO visitou o CEP Campolongo o pasado mércores 31 de outubro, colexio ao que moitos se sinten vinculados pois foron alumnos e alumnas anos atrás e do que gardan moitos recordos.

A visita realizouse para representar os "Monólogos do máis alá" ante o alumnado de 6º de Primaria. Estes monólogos están baseados nos contos da obra de Emma Pedreira titulada "A parte dos Anxos". As historias terroríficas que relatou o alumnado de Oratoria, dirixido polas suás profesoras Salomé Díaz e Conchi Díaz, parece que gustaron e asustaron na mesma medida, xa que atenderon con todos os seus sentidos alerta... polo que puidera pasar.

Pica na foto para ver o álbum

Álbum: Curso 24/25 -> Monólogos do máis alá

 O alumnado de 1º ESO B e C, máis oito alumnos de Proxecto Competencial de 4º ESO, asistiron o pasado martes 29 de novembro ao obradoiro de Regueifa que impartiu Lupe Blanco, gañadora do festival regueifeiro "Espalla rimas" de Carballo.

Gústanos que o noso alumnado manteña o contacto co mundo da regueifa, pois "a regueifa é un arma de construción masiva, pois logra que a xente preste atención", coma di a propia Lupe Blanco.

Álbum: Curso 24/25 -> Obradoiro de regueifas con Lupe

O pasado luns, 28 de outubro, o alumnado de 1º de ESO, desfrutou dunha Xornada  de Convivencia na Illa das Esculturas, organizada polo Equipo de Convivencia de 1º de ESO, Orientación, profesorado e alumnado do TSEASD.

Tivemos moita sorte porque fixo un día precioso e o alumnado de 1º de TSEASD preparou actividades moi divertidas que todos os alumnos e alumnas de 1º de ESO levaron a cabo en equipos.

Pica na foto para ver o álbum

Álbum: Curso 24/25 -> Xornada de convivencia en 1º ESO