Inventariar os principais recursos actuais e potenciais ligados á vitivinicultura en Sober foi o motivo do traballo de campo realizado polas alumnas e alumnos do CS de Guía, información e asistencia turísticas.

O xoves 23 de novembro desprazámonos a Sober para coñecer de primeira man algún dos atractivos da zona ligados ao viño e, buscando sinerxias de cara á creación de produto enoturístico, visitamos  tamén importantes elementos patrimoniais do territorio.

Haberá máis visitas e, sen dúbida, serán tan produtivas coma esta. Non podería ser doutro xeito tendo como cicerone a Paula Verao. Grazas, Paula.

O CS de Guía, información e asistencia turística acercámonos, o pasado 4 de novembro,  a  San Xoán de Tor para visitar unha das máis importantes mostras da arquitectura pacega galega, o Pazo de Tor.

Cedido á Deputación de Lugo pola última propietaria, María de la Paz Taboada de Andrés y Zúñiga, é museo, como foi a súa vontade, dende 2006.

A visita guiada polas dependencias do inmueble permitiunos  coñecer o modo de vida da nobreza na Galicia da Idade Moderna.

A actividade desenvolveuse con todas as medidas sanitarias aconselladas para garantir a nosa seguridade e, por suposto, coa profesionalidade e dedicación que caracteriza aos guías deste museo.

Alumnado e profesorado  do ciclo superior de Guías, información e asistencia turísticas cambiamos as saídas didácticas previstas para o terceiro trimestre por seminarios web e outras xornadas online, ademais de continuar as actividades lectivas co ensino telemático.

O derradeiro webinar, celebrado o 4 de maio, “Técnicas para o relato cultural e divulgativo” estaba organizado pola Consellería de Cultura e Turismo a través do CSHG, no marco do seu Plan de Formación Permanente do Sector.

O obxectivo do seminario que contou co relator Miguel Á. Cajigal –@elbarroquista-, era mellorar as competencias divulgativas presenciáis dos profesionais do Turismo Cultural de Galicia.

Resultou ser unha boa experiencia na que Cajigal aportou interesantes  pautas para abordar os relatos culturales ademais de repostar as dúbidas xurdidas durante a súa presentación.

Alumnado e profesorado do CS de Guías, Información e Asistencia Turística participaron, hai uns días,na xornada de divulgación: A importancia do Románico no Camiño de Inverno, que se celebrou no Parador Nacional de Monforte de Lemos.

 A organización do evento correu a cargo da Escola Galega da Paisaxe da Fundación Juana de Vega co patrocinio da Axencia de Turismo de Galicia.

  No encontro valorouse a importancia cultural e singular da elevada concentración de románico no destino Ribeira Sacra, promovéndose a incorporación de este territorio á rede Trasrománica ou Ruta Cultural Europea del Románico -The  Romanesque  Routes  of  European  Heritage-. 

Dunha intensa tarde de outono disfrutamos o grupo do Ciclo de Turismo na visita á Adega Algueira.O proxecto da empresa de apostar por unha viticultura identitaria do territorio conta co valor engadido dunha oferta complementaria como as visitas aos viñedos e á adega, a organización de catas, o servizo de restauración ou o paseo en barco polo Sil.Que doado resulta escoitar cando o narrador desborda tanta paixón!
Fernando, grazas por compartir xenerosamente o teu tempo e a túa historia connosco e, sobre todo, grazas por emocionarnos!!!

O CS de Guías, Información e Asistencia turísticas comezamos as saídas didácticas do curso 2019/20 cunha visita ao MUFERGA –Museo do Ferrocarril de Galicia-.

Na visita guiada puidemos coñecer os antigos  centros de mando ferroviarios,  contemplar a popular  locomotora a vapor Mikado ademais doutras locomotoras diesel, sorprendernos co luxoso coche-salón presidencial ZZ1 e co vagón do Lusitania Express  no que o rei Juan Carlos retornou do seu exilio en Portugal.

E, como non podía ser doutro xeito, subimos ao tren. A viaxe foi moi curta pero o desprazamento á rotonda coa praia de corenta vías enlazadas por unha ponte xiratoria resultou  moi interesante.

Esta visita resulta imprescindible para coñecer a historia e a trascendencia que tivo o ferrocarril para a cidade de Monforte de Lemos.

Os alumnos do Ciclo Superior de Turismo, sempre tan colaborativos, prestáronse voluntarios para ser guías da Exposición que, ata o mércores, podemos ver no Centro e que está aberta ó público en xeral de 17:30 a 19:30. Prepararon unha presentación dos paneis que se expoñen na Biblioteca: nalgún caso explican á premiada de modo teatralizado, como si dela mesma se tratara, e noutros sintetizan moi amenamente aspectos da súa biografía e do seu traballo.

Despois da inauguración pola Secretaria Xeral de Igualdade e de que todo o alumnado do centro a visitase e incluso participase nunha Xincana, relacionada tamén co traballo "Pegadas de muller" que elaboraron, temos a sorte de contar no centro cuns guías que se preparan activamente para desenrolar o seu traballo. Moitas grazas a todos! Foi un placer escoitarvos.

Charla sobre esgrafiados

O luns, 17 de decembro visitounos na aula de Turismo do IES Río Cabe, Carola Sánchez, restauradora de BB.CC.
A súa disertación versou sobre os revestimentos de cal, encintados e esgrafiados, na Ribeira Sacra.
Na presentación pudemos apreciar distintas decoracións nas edificacións e coñocer da man da restauradora funcións como a de protección ante condicións meteorolóxicas adversas ou as propriedades antibacterianas e antifúnxicas dos morteiros de cal, entre outras.

Respondeu às dúbidas do alumnado e ofreceuse para percorrer connosco as principais construcións coas fachadas decoradas con cal. Agradecemos a Carola a súa presenza nas nosas aulas e a mostra da súa interesante intervención na Ribeira Sacra.  

Por outra banda, para rematar as saídas do primeiro trimestre o CS de Guía, información e asistencia turísticas acercámonos ao Centro do Viño de Monforte de Lemos para asistir á presentación do II Anuario da Asociación Camiños a Santiago pola Ribeira Sacra, “Vía Jacobitana polo Camiño de Inverno”.

Aida Menéndez, presidenta da Asociación, indica que o obxectivo da publicación é poñer en valor o patrimonio material e inmaterial do Camiño de Inverno e dar a coñocer novas investigacións sobre esa ruta.

Nesta viaxe do CS de Guía, información e asistencia turísticas o destino foi Santiago de Compostela.
Comezamos cunha visita guiada ao Parlamento de Galicia que rematou cunha extensa charla sobre protocolo institucional a cargo de Maribel Cao, xefa de protocolo da Presidencia do Parlamento.

Para xantar desprazámonos ao CIFP Compostela onde o seu director, Ramiro Esparís, fixo de cicerone polas instalacións do Centro. Durante a comida Rosalía Carril, profesora experta na materia daríanos nocións sobre protocolo na mesa.

A tarde estivo adicada a percorrer o casco histórico guiados polo alumnado do CS de Guías do IES Rosalía de Castro acompañados da súa profesora, Esther Buide. Magnífico traballo o dos nosos compañeiros e compañeiras de Santiago mostrándonos a cidade!
E para rematar a xornada visitamos as instalacións dun convento franciscano do século XVIII hoxe convertido nun hotel de catro estrelas, o Hotel Monumento San Francisco.

O CS de Turismo participou o venres, 30 de novembro, no I Congreso Iberoamericano Cultura e Memoria que tivo lugar no centro cultural O Vello Cárcere de Lugo.

Os diferentes poñentes defenderon o uso cultural e turístico dos cemiterios expoñendo diferentes experiencias de xestión e difusión dos mesmos. A catedrática de historia do arte é directora do Centro de Estudos da cidade, Ana Goy Diz fixo de cicerone na visita guiada ao Cemiterio de San Froilán.

A xornada rematou coa escenificación da obra, Memorias do Alén, a cargo do grupo de teatro Achádego.