O EDNL organizou o pasado 29 de outubro un magosto cos alumnos e alumnas de 1º de BAC. Aínda que o tempo non acompañou, pasamos unha tarde agradable ó ritmo do lume que nos ía brindando o clásico churrasco seguido das inevitables castañas, todo delicioso grazas ó toque dun mestre das brasas, Casto.

A comida foi un bo pretexto para que os rapaces e rapazas, algúns xa veteráns no centro, outros,  acabados de chegar, se acaben de coñecer e collan folgos para a andaina académica que acaban de iniciar.