O pasado venres 16 de novembro celebramos o Magosto no noso instituto. Puidemos desenvolver diversas actividades ó aire libre nunha fermosa mañá solleira. Concursos de fotografía e de repostería, xogos de xadrez e populares, música en directo e, como non, castañas asadas!
No concurso de fotografía coa temática do outono, resultaron gañadoras Olivia Gutiérrez de 2º ESO B, e Stela Ivanova de 2º Bacharelato B, nas súas respectivas categorías, cunhas evocadoras imaxes paisaxísticas.
No concurso de repostería, o alumnado de 4º ESO luciuse cun biscoito de castaña elaborado por Ivana, Alejandro, Nerea e Patricia, que levou o 1º premio. Sofía Espiñeira preparou un brownie, acadando o 2º premio; para o 3º seleccionouse un biscoito glaseado que elaboraron Antía e Itahisa.
O profesor de Xadrez Xurxo coordinou as partidas que se desenvolveron polo patio durante toda a mañá, e os profesores Raúl e Roberto, de Educación Física, os xogos tradicionais celebrados tanto nos patios coma no pavillón; houbo xogos de aros, de petanca etc.
Alumnado de diferentes cursos de ESO e Bacharelato coordinados pola profesora de Música, Almudena, interpretaron algunhas pezas musicais mentras o noso antigo conserxe Graciano e a profesora Esther, entre outros, asaban as castañas. Soaron frautas, gaitas, pandeiretas, guitarras, voces e tambores.
Deixámosvos algunhas imaxes de tan fermosa xornada.
Invitáchesme ó magosto
por ver se me namorabas.
Aínda que ti non me gustas,
gústanme as túas castañas.
