Esta semana estanse entregando os novos e modernos ordenadores do proxecto E-Dixgal ao alumnado de 1º e 2º de ESO, que substitúen aos ultraportátiles Abalar que estaban utilizando desde setembro. E-Dixgal é unha iniciativa que leva á aula unha contorna virtual de aprendizaxe que permite a profesorado e alumnado acceder a contidos dixitais.
Os novos equipos do alumnado poden ser empregados como portátil ou como tableta, son táctiles e levan integrados aplicacións educativas agrupadas por categorías como táboas periódicas, editores de moléculas, dicionarios e aplicacións de circuítos electrónicos, entre outros.
