Un ano máis o alumnado de 2° ESO desfrutou dun Obradoiro de Ecopercusión e o de 1° Bach de Linguaxe e Práctica Músical e Artes Escénicas dun Obradoiro de percusión corporal a cargo de Didier Diaz . Como sempre, unha experiencia fantástica!
O pasado venres 31 de Marzo celebrouse na biblioteca un Obradoiro de Voces Africanas organizado polo Departamento de Música.Botádelle un ollo ao vídeo everedes que resultado tan fermoso!
A Asociación O.R.A.L. de Galicia, financiada pola Deputación de Pontevedra, levou a cabo un obradoiro de regueifas no noso instituto os días 19 e 26 de outubro. Foi unha actividade coordinada entre o departamento de Música e o EDLG para o alumnado de 2ºESO. A monitora encargada deulles unhas mínimas bases teóricas para logo empezar a compoñer as súas regueifas. Primeiro usaron papel e lápiz e máis unhas certas indicacións, para logo terminar regueifando de cabeza e sen pista algunha.
O xoves 14 de xuño o alumnado de 3ºESO-B visitou a protectora de animais de Vilagarcia. Ademáis de percorrer as instalacións puideron disfrutar dun paseo xunto cos cans de canceira. Despois tocou ruta de sendeirismo ata o Merendeiro de Fonte Fría.
O pasado venres 27 de outubro, recibimos no instituto a Didier Díaz. Realizou un taller de ECOPERCUSIÓN co alumnado de 4ºESO, 1ºBTO e 2ºBTO que cursan as asignaturas de: música, linguaxe e práctica, análise e artes escénicas. Aprenderon ritmos básicos de batucada e conseguiron soar coma un grupo casi profesional. Bravo por eles e elas!!!
O alumnado de 3ºESO do noso centro tivo a oportunidade de participar no ciclo anual de Concertos Didácticos de Órgano na Igrexa de San Salvador de Celanova promovido polo Concello de Celanova e patrocinado pola Secretaría Xeral de Cultura. A actividade está perfectamente insertada no programa de 3ºESO no que se inclúe historia da música e este instrumento forma parte importantísima da mesma.
Marisol Mendive, profesora de órgano do Conservatorio de Ourense, foi a encargada de impartir este curso que mestura o coñecemento dun órgano histórico coa participación musical dos alumnado que interpretou cos seus propios instrumentos varias pezas musicais acompañados do órgano. Neste vídeo podemos ver un momento da participación do noso alumnado.
Por outra parte, o concello de Celanova invitou a todos os asistentes a realizar un circuito turístico polo concello de Celanova. O noso alumnado tivo oportunidade de facer visitas guiadas sobre os temas seguintes:
Baixa Idade Media (Vilanova dos Infantes)
A devoción mariana en Galicia (A Virxe do Cristal)
Desenvolvemento urbano das vilas galegas (Casco urbano)
Resumo en vídeo das actuacións do festival Athenea des ano académico. Para ampliar o vídeo despois de darlle a "play" fai clic no logo de youtube que aparecerá na esquina inferior dereita do vídeo.
Bibliomalveiras acolleu este mércores 8 de marzo de 2017 esta performance do alumnado de Música e Artes Escénicas a prol da muller e do seu legado en moitos casos menosprezado e case esquecido.
Testemuña desta homenaxe é a árbore chea de follas con reseñas da vida e obra de mulleres extraordinarias que todo o mundo pode ver e consultar en Bibliomalveiras.
Outra das iniciativas deste día foi a colocación nas escaleiras de fotocopias coas vidas de 100 mulleres galegas, unha publicación que a Xunta puxo á disposición de todo o mundo e que é un documento interesante para toda a sociedade galega.
Outra das catividades promovidas por Bibliomalveiras foi a participación de todo o alumnado nun concurso sobre mulleres excelentes en diferentes campos como a ciencia, as artes, a educación, a literatura, etc. O alumnado participou moi activamente no mesmo.
Ademais diso o noso centro educativo sumouse á iniciativa de gardar uns minutos de silencio polas 21 mulleres asasinadas a causa da violencia machista no que vai de ano. Unha alumna do centro leu un comunicado ao que todo o mundo pode expresar o seu acordo asinando nos taboleiros situados na entrada principal do instituto.
Por segunda vez en pouco tempo, o alumnado de Bacharelato Artístico escolleu a Biblioteca escolar como o lugar idóneo para unha fermosa actuación que deixou a todo o mundo sorprendido. Sen queredes podedes ver as performances que xa están no blog de Bibliomalveiras. Neste vídeo podedes ver a actuación do día 2 de decembro.
