Son un conxunto de técnicas para planificar o estudo. As técnicas de estudo non son receitas máxicas, requiren un tempo de aprendizaxe e bastante práctica para obter resultados. Neste páxina mencionaremos só  as técnicas máis habituais. 

 Estudar require esforzo e concentración, e para poder facelo hai que estar en boas condicións físicas e psíquicas, é dicir, estar descansado, sen graves preocupacións e levando unha dieta equilibrada. Aconséllase que as horas mínimas que debe durmir toda persoa que estuda sexan oito, e que a súa alimentación sexa rica, variada e equilibrada, reforzando o almorzo e alixeirando a cea. O lugar no que se estuda debe reunir condicións para evitar distraccións e poder concentrarnos. Non debemos esquecer que estudar require un traballo sistemático, polo que tódolos días debes adicar un tempo mínimo fixo para o estudo.