IES O MOSTEIRÓN

No seguinte enlace podedes consultar a lista definitva de benficiarios de axudas para a escolarización convocadas polo Concello de Sada para o curso 17-18.

 LISTA DEFINITVA AXUDAS ESCOLARIZACIÓN (CONCELLO de SADA)

SAÍDA DIDÁCTICA A COSTA DE DEXO.

Os alumn@s de 1º ESO, fixerón este venres día 9 de marzo de 2018, unha saída a costa de Dexo, organ

izada polo departemento de Bioloxía e Xeoloxía, coa finalidade de ver no noso entorno próximo 

os contidos que estamos a estudar na materia de Bioloxía.

O ponente, Francisco Canosa Martínez, (http://rutasxeoloxicasdegalicia.blogspot.com.es/) explicounos a orixe das rochas que  atopamos, e a diferencialas. Mostrounos os pliegues que diferenciou das fallas. Poidemos ver no sitio unha fractura xeolóxica. Aproximounos o modelo xeolóxico de como estaría a nosa costa dentro de 120.000 anos. Explicounos a construcción do solo, e a ersión do litoral, coa formación de furnas e bufadoiros.

Hoxe, 5 de marzo, contamos na Esperela coa presenza do noso querido exalumno Pablo Díaz Bouza, xornalista graduado pola USC , que impartiu unha  charla sobre a súa profesión e a influencia das noticias e dos medios de comunicación. Foi interesantísimo e un pracer escoitalo. Moitas grazas, Pablo! 

O Luns estivo en Mosteirón a actriz e formadora Alba Bermúdez, para impartir un obradoiro de teatro ao alumnado de 3º de ESO. Logo duns exercicios de "quecemento", a rapazada comezou a facer improvisacións guiadas pola profe. Foi unha actividade na que todas e todos participaron e que pagou a pena. O ano vindeiro repetimos!

Pódense ver as fotos da actividade no blog da Biblioteca A Esperela

 Hoxe comezaron os APADRIÑAMENTOS LECTORES. Organizados desde a biblioteca A Esperela, consisten na visita dun grupo de alumnos/as de 4º de ESO  ás aulas de Educación Infantil para compartiren cos pequechos  a experiencia da lectura de contos. Trátase dunha actividade gratificante para todos, os pequeniños quedan admirados e contentos e os maiores volven todos cheos de satisfacción. Prodúcense ademais "conexións" entre eles que vale a pena presenciar.

Para ver todas as fotos visitade o BLOG DA BIBLIOTECA

Durante esta semana fixéronse varias actividades no instituto en relación coa violencia de xénero. Cómpre  combater este mal da nosa sociedade, con todos os medios ao noso alcance, e a educación , sen dúbida, é unha das ferramentas máis importantes que temos para transformar esta inxustiza.

As aulas e os espazos comúns enchéronse de imaxes desgarradoras: 52 esquelas de mulleres e nenos asasinados ao longo deste ano, siluetas no chan que representan os asasinatos, lemas contra o machismo no recibidor e en todas as portas das aulas, pegatinas e lazos para as camisetas, un acto de lectura de textos co alumnado de 3º e 4º... Todo sempre é pouco para intentar crear conciencia e corrixir actitudes.

Desde o mes de outubro, unha vez á semana, reúnense na biblioteca A Esperela os membros do club de lectura Atrapasoños. Este club de lectura nace coa intención de dar continuidade a moitas das actividades que xa se veñen realizando desde a nosa biblioteca. Pretendemos consolidar a existencia dun tempo de lecer  dedicado aos libros, e  materializalo no espazo físico da nosa biblioteca escolar  para convertela nun lugar de ocio alternativo a outros xa existentes no instituto.  O Atrapasoños é o distintivo do club, simbolizando os soños que as lecturas son capaces de facer realidade. Neste breve espazo de tempo xa levamos lidos oito relatos , sobre os cales o alumnado opinou e compartiu impresións. Para seguir a actividade do club podedes consultar o seu blogue