Na edición de FORMAMOS 2024, o IES de Mos participou cun stand onde o alumnado de FP Básica explicou aos asistentes como é a nosa oferta educativa e a vida no noso centro. Ademais, fixemos dúas actividades distintas para que a xente coñeza como traballamos no centro.

• Por un lado, a rapazada de 2º ESO A (Fabiola, Sabela, Xoel, Alberto, Xiana, Kevin e Nuria), fixeron dúas entrevistas de radio á mulleres políticas da nosa contorna. Nidia Arévalo e Sara Samartín falaron sobre aspectos tan interesantes como o seu compromiso político ou o día a día dunha muller política nun concello como Mos. Non deixedes de escoitar estas interesantísimas entrevistas a Nidia e a Sara!

Por outro, as alumnas de 1º BACH (Ariadna, Uxía, Raquel, Icía e Noelia) fixeron en directo prácticas de disección, amosando algunha das tarefas feitas na materia de Anatomía Aplicada.

• • Moitas grazas á rapazada polo seu traballo, e a Nidia e Sara polo seu entusiasmo e gañas de colaborar.

Os vindeiros días 10 e 11 de abril terá lugar FormaMos, organizada polo concello de Mos.

Durante a semana do 29 de xaneiro, en concreto dende o día 30 ata o día 2, no IES DE MOS visitáronnos nove estudantes e dúas profesoras franceses. O obxectivo da actividade era traballar a inclusión dende distintos eixes e tamén fomentar lazos de unión entre o noso alumnado e os nosos compañeiros do proxecto Erasmus "Educando a nuestro futuro". Ao longo de toda a estadía, o noso grupo Erasmus (conformada case por 30 alumnos e alumnas) xunto con este grupo de estudantes estiveron a realizar distintas dinámicas para dar a coñecer o noso centro así como os distintos grupos internos de traballo como igualdade e sostibilidade.

Se queres saber máis, visita o noso blog.

Neste mes de marzo desenvolveremos a III Edición da Escola de familias do IES de Mos.

Adxuntamos o cartel cos horarios das charlas, invitando a toda a Comunidade Educativa de Mos. Agardamos de que sexa do voso interese.

Adxuntamos unha nova proposta para a viaxe Fin de curso do alumnado de 4º ESO. Veredes que é unha idea xenial e máis económica. A excursión sería a Asturias, onde o alumnado poderá vivir unha experiencia plena, practicar deporte, desfrutar da natureza e, por suposto, convivir cos seus compañeiros.

Dende o IES de Mos queremos informar de que as vacantes para o vindeiro curso 24-25 son as seguintes:

1º ESO: 44 prazas.

2º ESO: 25 prazas.

3º ESO: 11 prazas.

4º ESO: 27 prazas.

1º Bacharelato na opción de ciencias e tecnoloxía: 3 prazas.

1º Bacharelato na opción de humanidades e ciencias sociais: 3 prazas.

1º Bacharelato na opción de artes: 12 prazas.

2º Bacharelato na opción de ciencias en tecnoloxía: 10 prazas.

2º Bacharelato na opción de humanidades e ciencias sociais: 5 prazas.

2º Bacharelato na opción de artes: 10 prazas.

Lembrar que o proceso de admisión (solicitude de praza) está aberto dende o día 1 de marzo ata o vindiero  20 de marzo.

O luns 4 de marzo teremos un día de "portas abertas" ás 12:30 e ás 16:30.

Agardamos que esta información sexa do seu interés.

Azucena Matilde González.

Directora do IES de Mos