Dende o Concello de Mos, solicitan difusión da seguinte información:

Dende o CIM de Mos organizamos, para o próximo venres 1 de decembro, unha charla coloquio da Pedagoga María Couso (Playfunlearning) para as familias, que consideramos que é de interese que a divulguedes entre as mesmas.

A charla será no auditorio do Centro Social de Guizán ás 18:00h.

O aforo é limitado, polo que é necesario inscribirse no formulario habilitado na páxina web https://www.mos.es/charla-coloquio-maria-couso-cerebro-e-pantallas/

Agardamos que sexa do seu interés.

Un saúdo e moitas grazas.

Equipo Directivo do IES de Mos

A penúltima semana do mes de outubro gozamos dunhas sesións prácticas de boxeo. Nesta ocasión as sesións foron dirixidas por compoñentes do club de Mos CKM (Juan e Laura). Os afortunados foron os alumnos/as de 3º e 4º da ESO.

No seguinte documento adxunto podedes consultar os exames previstos nesta 1ª avaliación para aqueles alumnos que teñan materias pendentes doutros cursos.

Estimadas familias,

O vindeiro 25 de setembro ás 18:15 os titores e titoras dos seus fillos/fillas e tutorandos agardaranvos nas súas aulas para compartir información e lograr que o proceso ensinanza-aprendizaxe sexa o mellor posible para cada un dos alumnos e alumnas que veñen ao noso centro.

Na porta principal do centro indicaremos os titores e titoras de cada grupo e en que aula están agardando. Haberá persoas que lles axuden a atopar as diferentes aulas.

Ese mesmo día procederase á entrega dos ordenadores do Proxecto Edixgal aos proxenitores ou titores/as legais (somentes eles poden asinar a entrega) do alumnado de 1º ESO.

Agardamos a súa asistencia.

Un saúdo.

Equipo Directivo do IES de Mos

Adxuntamos a convocatoria das axudas municipais para material escolar e libros

Estimadas familias,

O día 11  terá lugar no noso centro a xornada de acollida a todo o noso  alumnado.

O horario desa acollida será dende as 08:30 ata as 11:30 (o transporte escolar funcionará con este horario).

Estamos en obras, así que temos moitos condicionantes, pero todo o persoal do centro está a traballar para que non haxa problemas; pero o alumnado que teña alerxia ao polvo debería tomar precaucións (é recomendable que traian máscaras).

Indicar que:

- O alumnado de bacharelato esperará nas gradas ata que os titores/as os chamen.
- O alumnado de 4º ESO, 3º ESO e FP básica agardarán na porta dianteira ata que os titores/as os chamen.
- O alumnado de 1º ESO e 2º ESO agardarán na porta traseira ata que os chamen.

Agardamos que teñan moitas ganas de aprender!

Un saúdo.
Mª Azucena Matilde González.
Directora do IES de Mos

Os exames de cambio de modalidade realizaránse na aula 210 (Plástica, segundo andar).

Moito ánimo e moita sorte!

Adxuntamos o horario cos exames de cambio de modalidade de bacharelato (setembro 2023)

Estimada comunidade do IES de Mos:

 Chegou o momento de despedirse, pero só por un breve tempo. Estamos moi orgullosos de todos vós e do esforzo que mostrastes durante este curso académico. Grazas pola vosa dedicación e paixón por aprender.

Mentres, queremos informarvos de que o instituto está en proceso de melloras e reformas. Emocionante, non? Afortunadamente, está previsto que as obras estean rematadas antes de comezar as clases. 

 E o que nos enche de alegría é anunciar que xa está rematado un magnífico mural creado polos talentosos alumnos de Artes. É unha fermosa obra mostra da súa creatividade e talento!

Así que, mentres gozades das merecidas vacacións, convidámosvos a que volvades en setembro cunha ilusión renovada e coa mesma paixón por aprender que sempre vos caracterizou. Ata pronto!

 Con cariño,

O equipo do IES de Mos