A semana pasada recibimos a visita de Damien Sheehy, da Editorial Burlington, que impartíu unhas clases sobre cultura británica para alumnos de 1º, 2º e 3º de ESO. Foron unhas sesións moi emocionantes nas que o alumnado puxo a proba os seus coñecementos e participou moi activamente. Grazas, Damien, por estas interesantes xornadas!

A nova entrada ao instituto para os peóns é a que se mostra nas imaxes adxuntas (premer sobre elas para velas máis grandes) así como os percorridos suxeridos para chegar a ela.

Todos os alumnos/as entrarán e sairán por esa porta así como os pais/nais que veñan facer algunha xestión ao centro.

O resto de portas quedarán de acceso exclusivo para os vehículos e as persoas con movilidade reducida (cadeiras de rodas, muletas, etc.)

O pasado venres 27 de maio, celebrouse a cerimonia de graduación dos nosos alumnos/as da promoción 2020-2022 no Centro Ágora presentada por Nerea Leis e Pablo Ponte. Tras unhas palabras de benvida de Claudia Molina e Sabela Mosquera, os alumnos Celtia Suárez e Carlos Pérez interpretaron coa guitarra Blowin in the wind de Bob Dylan e Proud Mary de Credence. A continuación, a nosa  ex-alumna Tamara Pazos fíxonos pasar un moi bo momento cos recordos do seu paso polo noso instituto. O profesor  Jaime  Dorrego  Lobón falou en representación do profesorado de Monelos para a continuación os alumnos/as Marcos Besteiro, Álvaro Devesa, Xoel García, Álex López e Carlota Segura deleitarnos coa súa interpretación de  Rolling  in  the  Deep de  Adele e  Love  on  the  brain de  Rihanna. Seguidamente pasáronse os vídeos de recordos e o  lipdub (enlace ao vídeo) desta promoción, para finalizar coa entrega de mencións ás Matrículas de Honra e as  orlas e becas ao resto do alumnado. Moitas felicidades a todos e todas.

O prazo para presentar as solicitudes é do 30 de marzo ao 12 de maio, inclusive.

A presentación realízase a través da sede electrónica do Ministerio de Educación.

Nunha 1ª Fase preténdese realizar as comprobacións económicas.
As unidades de tramitación de bolsas revisarán os datos persoais e familiares necesarios para a comprobación da renda e patrimonio familiar e enviarán as solicitudes á Axencia Tributaria para o seu cálculo.

Nunha 2ª fase informarase os solicitantes do resultado das comprobacións económicas anteriores, dándolles un prazo para formular alegacións se procede.
Doutra banda, informarase tamén do procedemento e prazo para que poidan modificar a súa solicitude inicial, no relativo aos datos académicos.

Máis información na seguinte ligazón:
https://www.becaseducacion.gob.es/portada.html

A convocatoria de axudas para alumnos con necesidades específicas de apoio educativo publicarase despois da convocatoria xeral, a partir do mes de maio.