Un vampiro, un doutor, unha invocadora de sol, un adolescente con TOC, unha física e un reloxeiro, un rei e un bufón, un paxaro de lume, un dinosauro en miniatura...todas estas personaxes acompañáronnos a semana pasada na nosa Hora de Ler. E tamén nos acompañou o tempo, así que puidemos desfrutar desta actividade ao aire libre, no fermoso parque que temos ao carón do instituto. Aquí nos tedes gozando da lectura!

O IES Monelos participa este curso 2021-2022 no programa TEI. Trátase  dun  proxecto  educativo  innovador  para  mellorar  a  integración  escolar,  a convivencia  entre  o  alumnado  e  evitar  o  acoso  escolar.   O  programa  TEI  (“titorización  entre  iguais”),  é  un  programa  baseado  no acompañamento  de  alumnos  de  3º  de  ESO  a  alumnos  de  1º  de  ESO  (novos  no  centro). Cada  alumno  e  alumna  de  1º  de  ESO  será  titorizado  por  un  compañeiro  ou  compañeira de  3º  de  ESO,  que  estará  preto  del  coa  finalidade  de  axudalo  na  súa  integración  no centro,    diminuír  a  súa  inseguridade,  mediar  nos  conflitos,  actuar  como  referente  para  a mellora  da  autoestima  e  diminuír  os  desequilibrios  de  forzas  que  orixinan  o  acoso escolar.   Na  aplicación  do  TEI,  sensibilizarase  ao  alumnado  contra  o  acoso  escolar    e  a favor  dun  modelo  de  relación  entre  compañeiros  baseado  no  respecto  mutuo,  na corresponsabilidade  e  na  solidariedade.     

Preme na imaxe para ver as fotos da presentación