IES MARQUÉS DE SARGADELOS

Veñen de ser convocadas as prazas para os Centros Residencias Docentes das cidades da Coruña, Ourense e Vigo, dispoñibles para aquelas persoas que desexan estudar estudos postobrigatorios non universitarios fóra do seu concello  por non existir oferta próxima ao seu lugar de residencia.

As solicitudes presentaranse preferiblemente  por vía electrónica. Os prazos serán:

- Para o alumnado que curse bacharelato, ata o 19 de xullo.

- Para o alumnado de Ciclos Formativos, ata o 2 de agosto.

Para máis información consultar o documento adxunto ou contactar directamente co CRD  de interese.

Foron convocados os premios extraordinarios ao rendemento académico para o alumnado que finaliza os estudos de ESO no curso 2023-2024 cun resultado excelente, dotados con  20 premios de 1.000€.

Presentación de solicitudes:  prazo de 1 mes dende a publicación no DOG (6 xuño 2024)  mediante a aplicación "Premiosedu", sendo necesaria a súa presentación na Sede electrónica (a propia aplicación o indica chegado o momento).

Requisitos: Ter cursado e superado 4º ESO no presente curso, ter unha nota media nos catro cursos de minimo 9 puntos e superar unha proba sobre materias de 4º ESO.

Características da proba: o día 4 de setembro terá lugar a proba, que se estrutura en dúas partes:

•  A primeira parte (2 horas)constará de diversas cuestións referidas ás materias Lingua galega e literatura, Lingua castelá e literatura e Primeira lingua estranxeira.

• Na segunda parte (90 minutos) o alumnado dará resposta a diversas cuestións teóricas e prácticas de Xeografía e historia e  Matemáticas A ou B (a cursada).

Para máis información consultar a convocatoria que se achega como anexo a esta publicación.