O prazo para solicitar as axudas de material escolar e libros de texto remata o 22 de xuño (incluído).
Pode consultarse toda a información e documentación AQUÍ.
O alumnado matriculado na etapa da ESO no IES Plurilingüe Antón Losada Diéguez está excluído da participación do fondo solidario de libros de texto ao estar implantado no centro o proxecto E-DIXGAL na ESO. Non obstante, poderá solicitar a axuda para adquirir material escolar.
Foi publicada a resolución relativa á convocatoria da Dirección Xeral de Ordenación e Innovación Educativa de 21 de marzo de 2023, do V Concurso de Podcasts – Radio na biblio, destinado a centros públicos non universitarios de titularidade da Consellería de Cultura, Educación Formación Profesional e Universidades, en colaboración coa Radio Galega (CRTVG), no contexto do PLAN LÍA de Bibliotecas Escolares (Lectura, Información e Aprendizaxe).
Nesa resolución concedeuse o premio, dotado con 1000 euros, ao traballo presentado polo Losada baixo o título Lembranzas dun galeguista, centrado na figura de Francisco Fernández del Riego, motivo do concurso.
O podcast foi realizado por un grupo de alumnos e alumnas de 3º de ESO, coordinado polo docente do centro Esteban Folgar, responsable do proxecto “Radio Xoven” do Losada.
O alumnado de 3º ESO que participou na elaboración deste podcast foi:
- Dolores Porto Arca
- Iria Pérez Martínez
- Candela Rivas Neira
- Adrián Fraga Rodríguez
- Arón Durán Iglesias
- Pablo Cabaleiro Fernández
O podcast, titulado Lembranzas dun galeguista, constitúe unha ficción sonora que recrea a vida de Del Riego despois da súa morte, destacando os momento máis destacados da mesma (estudos universitarios en madrid, proceso de asunción do galeguismo, discurso en Lourenzá proclamando a Repúbilica, fundación da editorial Galaxia, creación do Día das Letras Galegas, etc)
Compre subliñar que non foi o único traballo presentado, pois outro grupo de alumnos deste mesmo curso presentou outro proxecto titulado A ARCA, tamén moi ben realizado aínda que finalmente non fose premiado.
A resolución pode consultarse AQUÍ
XA PODES ESOITAR O PODCAST GAÑADOR:
O IES Pl. Antón Losada Diéguez continúa coas actividades da Escola de Familias
A iniciativa da Escola de Familias naceu co obxectivo decrear un espazo e un tempo de formación conxunta entre as familias e a escola, no que poidamos aprender xuntos, identificar os puntos fortes e débiles das nosas actuacións como educadoras e educadores, e acompañar o desenvolvemento do noso alumno (e dos nosos fillos e fillas) do xeito máis óptimo posible. A primeira actividade será:
Impacto da tecnoloxía na adolescencia. Claves para educar na era dixital
Antonio Rial Boubeta – Doutor e Piscoloxía e profesor titular da USC.
Data: 18 de maio de 2023
Hora: 19.00
Lugar: Biblioteca do IES P. Antón Losada Diéguez
A actividade están convidadas as familias da comunidade educativa do Losada, así como as familias do alumnado de 6º curso do CEIP Figueiroa, centro adscrito ao Losada. O convite faise estensivo ao profesorado tamén.
Na iniciativa, contamos coa colaboración da ANPA do noso centro.
Antonio Rial Boubeta. Doutor en Psicoloxía e Profesor Titular da Universidade de Santiago de Compostela. Director técnico da Unidade de Psicoloxía do Consumidor e experto en metodoloxía de investigación en ciencias sociais e da saúde. Responsable de numerosos proxectos de investigación do eido da mocidade, dende o Uso problemático de Internet, as redes sociais o ciberbullying, ao consumo de alcohol. Dirixíu en 2019 un dos maiores estudios realizados en España sobre o problema do Xogo en menores. É coautor do libro “Adolescentes y Nuevas Tecnologías: una responsabilidad compartida”. Ven de dirixir o Estudio sobre o impacto da tecnoloxía na adolescencia, levado a cabo por UNICEF cunha mostra de mais de 50.000 estudantes de secundaria.
Despois de meses de preparación do proxecto, o grupo de alumnas e un alumno de 2º de ESO participou na final da Liga Maker Drone, na súa segunda edición, que se celebrou o pasado 5 de maio no Coliseum da Coruña. O equipo estaba formado por: Carla Álvarez, Antía Buela, Antía Campos, Lúa Fernández, Iria Requeijo, Julia Sinde, Vicky Tarrío, Alejandra Vega e Xián Torres, baixo a coordinación do profesor de Tecnoloxía, Emilio Villanueva.
A iniciativa está promovida pola Fundación Barrié e o Instituto Tecnolóxico de Galicia (ITG) co obxectivo de fomentar as vocacións científico-tecnolóxicas entre as novas xeracións.
Foron 180 estudantes de segundo de Educación Secundaria Obrigatoria (ESO) de 18 centros escolares de toda Galician os que participaron nesta xornada de exhibición, na que probaron os seus traballos pensados para superar o reto desta edición: limpar os océanos con axuda dun sistema dron. Cómpre dicir que os equipos tiveron 6 meses para deseñar e construír un mecanismo de recollida de residuos, que debe ir instalado sobre o dron que lles facilitou a organización.
A Liga Maker Drone é unha iniciativa pioneira en España, xa que se trata da primeira liga autonómica escolar de drons na que os participantes deben construír un sistema encamiñado á solución dun problema social.
Un fallo no dron do equipo do Losada impediu o acceso aos premios, sen embargo o excelente traballo de preparación e de execución ata ese momento é digno de mención e felicitación.
Pode consultarse o resultado AQUÍ
REVISADO E ACTUALIZADO 12/05/2023
Podes consultar e descargar o calendario fin de curso de 2º BACHARELATO AQUÍ
TODA A INFORMACIÓN SOBRE AS RECLAMACIÓNS, PRAZOS, E MODELOS DAS MESMAS AQUÍ
Román Rodríguez, Conselleiro de Educación visitou no día de hoxe o IES Plurilingüe Antón Losada Diéguez para asinar un novo convenio co director de negocio da empresa Ozona Tecnologías de la Información, Vicente Saborido, a fin de impartir o ciclo de Formación Profesional Dual de Sistemas informáticos en rede no instituto IES Antón Losada Diéguez da Estrada, con formación práctica nesta compañía tecnolóxica.
No acto, celebrado na Biblioteca do Losada, participaron tamén a Directora Xeral de Formación Profesional, Eugenia Pérez, o alcalde da Estrada, José López e o director do centro, José Manuel Puente.
Máis iformación no Portal Educativo
Xa está publicado o calendario de exames do mes de maio da convocatoria extraordinaria do MÓDULO III da ESA presencial e semipresencial.
Pode consultarse e descargarse AQUÍ
O xurado do Concurso de logotipo do IES Plurilingüe Antón Losada Diéguez fixo público o veredicto do mesmo, resultando gañador o traballo presentado por Álvaro López-Pizarro Rodríguez, que cursa 2º do Ciclo superior de DAM. Tamén recibiron unha mención os traballos de Lara Rey Rosende e Candela Rivas Neira, de 3º ESO.
Poden verse fotos da entrega do premio do xurado AQUÍ
Aberto o prazo dende o 27 de marzo ao 17 de maio de 2023 para a solicitude das bolsas xerais do Ministerio de Educación e Formación Profesional.
As axudas están dirixidas ao alumnado de:
Resume da convocatoria AQUÍ
Podes ampliar información aquí ou poñerte en contacto co Departamento de Orientación do centro.
O martes 28 e o mércores 29 de marzo terá lugar, no pavillón 4 da Fundación de exposicións a II Mostra da orientación da Estrada, na que o IES Plurilingüe Antón Losada Diéguez participa como entidade organizadora.
O obxectivo do envento é achegar ao alumnado dos centros da contorna as diferentes posibilidades e ofertas eductivas do ensino profesional, universitario e outras opcións. Nese marco o noso centro achegará, a través de diferentes stands, a súa oferta de ciclos formativos das familias profesionais:
FAMILIA PROFESIONAL DE MADEIRA MOBLE E CORTIZA
FAMILIA PROFESIONAL DE INFORMÁTICA E COMUNICACIÓNS
FAMILIA PROFESIONAL DE TRANSPORTE E MANTEMENTO DE VEHÍCULOS
FAMILIA PROFESIONAL DE ADMINISTRACIÓN E XESTIÓN
Ademais, o alumnado do centro participará en diferentes actividades da PROGRAMACIÓN que se ofrece.
O IES Pl. Antón Losada Diéguez participa no programa ARCO 2021/22, operación cofinanciada pola Unión Europea
O IES Pl. Antón Losada Diéguez participa no procedemento de avaliación, recoñecemento e acreditación de competencias profesionais (ARA), inicialmente nas familias de Transporte e mantemento de vehículos e na de Madeira, moble e cortiza.
Xunta de Galicia - Consellería de Educación, 2013 | ||
