|
||||||
|
Educa en dixital
Enviado por admin o Xov, 15/06/2023 - 12:35Recordatorio para o alumnado beneficiario do programa.
Como beneficiario do programa Educa en Dixital e/ou Fenda dixital, o/a seu fillo/a ten a súa disposición un ordenador portátil durante o presente curso 2022-2023.
No acordo de cesión asinado por vostedes, comprometéronse a usalo de forma responsable, para a realización de tarefas exclusivamente escolares, a mantelo baixo a súa responsabilidade e coidado, así como a cumprir coas medidas de seguridade apropiadas. Tamén asinaron o compromiso de devolvelo tal e como se lle entregou, na súa caixa orixinal e con todos os compoñentes en perfecto estado.
Devolución do equipo na conserxería segundo as indicacións previas:
ÚLTIMO DÍA LECTIVO AO CHEGAR AO CENTRO
Devolución dos libros de texto curso 2022-2023
Enviado por admin o Xov, 01/06/2023 - 13:27Aviso para o alumnado de 2º e 4º ESO do curso 22-23: Non é necesario facer a devolución dos libros.
No curso 2023-2024, en 2º e 4º da ESO vanse substituir os libros de texto para a súa adaptación aos currículos que establece a Lei orgánica 3/2020, do 29 de decembro, de modificación da Lei orgánica de educación (LOMLOE).
Un Camiño de Santiago cheo de vida, cultura, natureza e ecoloxía
Enviado por admin o Ven, 17/03/2023 - 11:41
O traballo avanza e o alumnado de 1º e 2º ESO que está participando no Proxecto Agrupacións de Centros Escolares desenvolveu ao longo de xaneiro e febreiro, diversos traballos de investigación dende as materias de Xeografía e Historia, Lingua Galega e Literatura, Bioloxía e Xeoloxía, Física e Química sobre a parte do Camiño de Santiago que pasa pola cidade de Ourense, a Vía da Plata, Camiño Mozárabe, no tramo que vai dende Portela de A Canda ata Vilar de Barrio, pasando por Laza e por Verín.
Mais información na ligazón
La Entrevista de Hoy en Telemiño: Luz Blanco Fernández 23 03 23: ligazón
Faro de Vigo, edición Ourense: ligazón
Diario de Avisos: el preriódico de Tenerife: ligazón
Facebook: ligazón
La Región: ligazón
8M IES Ferro Couselo
Enviado por profesor o Mér, 15/03/2023 - 21:29O 8 de marzo, Día Internacional da Muller, tivo lugar no IES Ferro Couselo un pequeno acto para marcar este día no noso calendario.
Consistiu nunhas breves palabras da Directora, Ana María Gómez, que quixo pór en valor o traballo non remunerado das mulleres na casa. Para facer visible este traballo varias profesoras e algunha alumna puxemos o mandil.
A música correu a cargo de Nicolás Montero, de 4º ESO B.
O centro vestiuse con exposicións elaboradas polos diferentes departamentos (EDLG, Matemáticas, Física, Educación Física e Música) sobre mulleres que destacaron nos diferentes ámbitos.
Todas estas actividades son unha forma de sensibilizar ao noso alumnado e de apostar por unha educación en igualdade.
Adxunto fotos e un vídeo de Nicolás Montero ao piano: https://www.youtube.com/shorts/tV6KtRbd8y4
Grazas aos que vos implicastes nas diferentes actividades.
Alberto García Ferreiro, poeta de Barbadás
Enviado por profesor o Mar, 14/03/2023 - 21:26A Asociación Cultural Porta da Cadea , de Sobrado do Bispo, quere pór en valor a figura do poeta de Barbadás Alberto García Ferreiro, discípulo de Curros Enríquez, difundindo a súa obra co obxectivo de que a RAG o elixa para ser homenaxeado polo Día das Letras Galegas.
A Asociación pediunos que fixeramos algunha actividade arredor da obra do poetas e o EDLG con alumnos de 1º e 2º de Bacharelato elaborou este vídeo do poema Ergueuse coa aurora, da obra Chorimas (1890).
Foi visionado no evento público que tivo lugar en Sobrado do Bispo, Barbadás, o 12 de marzo deste ano no que andamos.
É a nosa pequena contribución á difusión da obra do poeta Alberto García Ferreiro.
TODO CIENCIA NO FERRO
Enviado por admin o Mar, 28/02/2023 - 14:18
DÍA DA PAZ 2023
Enviado por admin o Sáb, 25/02/2023 - 21:25Segundo a lenda, as relacións humanas estarían predestinadas por un fío vermello que os deuses atan ao dedo maimiño daqueles que teñen como obxecto atoparse na vida. A lenda é firme: se o destino ten preparado que che atopes cunha persoa en concreto, así será. A lenda afirma que aqueles que estean unidos polo fío vermello están destinados a converterse en almas xemelgas, e vivirán unha historia importante, e non importa canto tempo pase ou as circunstancias que se atopen na vida. O fío vermello pode enredarse, estirarse, tensarse ou desgastarse… pero nunca romper.
Reserva de praza para o curso 2023-2024
Enviado por admin o Xov, 02/02/2023 - 22:15Todas as solicitudes de reserva presentadas para 1º ESO ou 1º Bacharelato foron admitidas.
PUBLICADA A ORDE POLA QUE SE REGULA O PROCEDEMENTO DE RESERVA DE PRAZA PARA ALUMNADO PROCEDENTE DE CENTROS ADSCRITOS PARA O CURSO 23/24.
Prazo: do 16 de xaneiro ao 6 de febreiro
Enlace para cubrir a solicitude: https://www.edu.xunta.gal/admisionalumnado/
NOTA; Esta solicitude deberase presentar no centro educativo de orixe ou en calquera dos lugares que establece a Lei 39/2015, do 1 de outubro, do Procedemento Administrativo Común, incluída a SEDE ELECTRÓNICA, para o que se precisará de Chave365 ou certificado dixital, sendo esta a canle preferible de presentación.
Instrucións xerais admisión para o curso 2023-2024
Orde do 27 de decembro de 2022 de modificación da Orde do 20 de maio de 2022 pola que se aproba o calendario escolar para o curso 2022/23 nos centros docentes sostidos con fondos públicos na Comunidade Autónoma de Galicia
Enviado por admin o Mér, 01/02/2023 - 21:25PROBAS DE NIVEL DE CERTIFICACIÓN DE COMPETENCIA LINGÜÍSTICA EN INGLÉS
Enviado por admin o Mér, 25/01/2023 - 13:51Unha vez realizadas as probas de nivel para a certificación de competencia lingüística nos niveis B1 ou B2 do Marco Europeo de Referencia para as Linguas do Consello de Europa (MCERL), os 21 alumnos e alumnas de 2º de bacharelato matriculados nas mesmas obtiveron a súa certificación:
10 alumnos en nivel B1
11 alumnos en nivel B2
PARABÉNS A TODO O ALUMNADO
A Consellería financiou a proba con 2.000€, polo que foi de balde para alumnado e familias, cunha contía de 100€ por proba e alumno (20), para a realización das probas das destrezas orais e escritas e a certificación correspondente. Co obxecto de que todo o alumnado interesado tivera as mesmas posibilidades, pois foron 21 os alumnos interesados, o centro asumiu as taxas dun alumno.
- « primeira
- ‹ anterior
- …
- 2
- 3
- 4
- 5
- 6
- 7
- 8
- 9
- 10
- …
- seguinte ›
- última »