IES Xesús Ferro Couselo

Alberto García Ferreiro, poeta de Barbadás

Enviado por profesor o Mar, 14/03/2023 - 20:26

Normalización lingüística

A Asociación Cultural Porta da Cadea , de Sobrado do Bispo, quere pór en valor a figura do poeta de Barbadás Alberto García Ferreiro, discípulo de Curros Enríquez, difundindo a súa obra co obxectivo de que a RAG o elixa para ser homenaxeado polo Día das Letras Galegas.

A Asociación pediunos que fixeramos algunha actividade arredor da obra do poetas e o EDLG con alumnos de 1º e 2º de Bacharelato elaborou este vídeo do poema Ergueuse coa aurora, da obra Chorimas (1890).

Foi visionado no evento público que tivo lugar en Sobrado do Bispo, Barbadás, o 12 de marzo deste ano no que andamos.

É a nosa pequena contribución á difusión da obra do poeta Alberto García Ferreiro.

https://youtu.be/yuupfd6K8dQ

TODO CIENCIA NO FERRO

Enviado por admin o Mar, 28/02/2023 - 13:18

Hoxe 24 de febreiro o alumnado de 3° de ESO do #IESFerroCouselo realizou a pé a ruta matemática "Ourense Histórico" con #MathCityMap . Matemáticas, arte e ciencia únense ao fomento de hábitos saudables. Noraboa ao Dpto. de Matemáticas e agradecementos a@Iriaffonte polo deseño da ruta.

Fotos da ruta

DÍA DA PAZ 2023

Enviado por admin o Sáb, 25/02/2023 - 20:25

Segundo a lenda, as relacións humanas estarían predestinadas por un fío vermello que os deuses atan ao dedo maimiño daqueles que teñen como obxecto atoparse na vida. A lenda é firme: se o destino ten preparado que che atopes cunha persoa en concreto, así será. A lenda afirma que aqueles que estean unidos polo fío vermello están destinados a converterse en almas xemelgas, e vivirán unha historia importante, e non importa canto tempo pase ou as circunstancias que se atopen na vida. O fío vermello pode enredarse, estirarse, tensarse ou desgastarse… pero nunca romper.

O fío vermello do Ferro

Reserva de praza para o curso 2023-2024

Enviado por admin o Xov, 02/02/2023 - 21:15

Todas as solicitudes de reserva presentadas para 1º ESO ou 1º Bacharelato foron admitidas.

PUBLICADA A ORDE POLA QUE SE REGULA O PROCEDEMENTO DE RESERVA DE PRAZA PARA ALUMNADO PROCEDENTE DE CENTROS ADSCRITOS PARA O CURSO 23/24.

Prazo: do 16 de xaneiro ao 6 de febreiro

Enlace para cubrir a solicitude: https://www.edu.xunta.gal/admisionalumnado/

NOTA; Esta solicitude deberase presentar no centro educativo de orixe ou en calquera dos lugares que establece a Lei 39/2015, do 1 de outubro, do Procedemento Administrativo Común, incluída a SEDE ELECTRÓNICA, para o que se precisará de Chave365 ou certificado dixital, sendo esta a canle preferible de presentación.

Instrucións xerais admisión para o curso 2023-2024

Calendario admisión alumnado 23-24

Admisión alumnado 23-24

Orde do 27 de decembro de 2022 de modificación da Orde do 20 de maio de 2022 pola que se aproba o calendario escolar para o curso 2022/23 nos centros docentes sostidos con fondos públicos na Comunidade Autónoma de Galicia

Enviado por admin o Mér, 01/02/2023 - 20:25

Ligazón

PROBAS DE NIVEL DE CERTIFICACIÓN DE COMPETENCIA LINGÜÍSTICA EN INGLÉS

Enviado por admin o Mér, 25/01/2023 - 12:51

Unha vez realizadas as probas de nivel para a certificación de competencia lingüística nos niveis B1 ou B2 do Marco Europeo de Referencia para as Linguas do Consello de Europa (MCERL), os 21 alumnos e alumnas de 2º de bacharelato matriculados nas mesmas obtiveron a súa certificación:

10 alumnos en nivel B1

11 alumnos en nivel B2

PARABÉNS A TODO O ALUMNADO

A Consellería financiou a proba con 2.000€, polo que foi de balde para alumnado e familias, cunha contía de 100€ por proba e alumno (20), para a realización das probas das destrezas orais e escritas e a certificación correspondente. Co obxecto de que todo o alumnado interesado tivera as mesmas posibilidades, pois foron 21 os alumnos interesados, o centro asumiu as taxas dun alumno.