Charla coa escritora Eva Mejuto
Hoxe 27 de maio visítanos a escritora e xornalista Eva Mejuto Rial para dar unha charla ao alumnado de 2º de ESO sobre a obra A ladroa da biblioteca de Meirás.
A ladroa da biblioteca de Meirás (2022)
É unha fermosa historia sobre unha nena, Mariña, e os libros da biblioteca do Pazo de Meirás. Mariña coábase na mellor biblioteca do mundo porque ata que non puidese saír da aldea, ese era, sen dúbida, o seu único paraíso posible. Ás veces a felicidade era tal que esquecía onde estaba e o perigo que corría. Coller «prestados» os libros estaba mal? O perigo de ser vista, o medo de que desen con ela, formaba parte dun xogo do que Mariña estaba prendida.
A nosa convidada, a escritora e xornalista Eva Mejuto, plasma neste libro unha fermosa historia que nos reafirma a idea de que lendo podemos soñar e vivir mundos que nunca esperariamos.
Esa é a grandeza de ler e a grandeza dunha escritora que tan ben o sabe facer para que soñemos así.
Beni Vidal Tomé
Xefa do Departamento de Lingua Galega e Literatura
Versión para impresora
