ACTIVDADES EN LINGUA INGLESA: TARDES DOS LUNS

O vindeiro luns comezan as actividades plurilingües. Estas actividades son unha iniciativa destinada a practicar a lingua inglesa dunha maneira lúdica baixo a dirección de Francisco Amado Vilariño, docente de lingua inglesa do noso centro, e coa axuda da nosa querida auxiliar de conversa Janna Karatas, ben coñecida no IES Elviña, pois ven desenvolvendo esta actividade co cariño de todos os rapaces dende hai xa anos. Haberá dous grupos de actividades entre as 16:10 e as 17:50 todos os luns do curso ata o mes de xuño. Das solicitudes presentadas, os responsables do Departamento de lingua inglesa seleccionou ao alumnado para dous grupos de actividades, cadanseu a unha hora distinta do luns.

23 de SETEMBRO

DÍA DE PRESENTACIÓN

1º ESO, 2º ESO e 1º BACHARELATO

Para realizar a presentación do primeiro día se atenderá ao seguinte procedemento:

I. AVISOS DE SEGURIDADE

1. Na páxina web publicaremos hoxe as listaxes cos nomes codificados do alumnado de 1º ESO e 2º ESO para que se saiba que curso lle corresponde a cada rapaz

2. O alumnado DEBERÁ ACCEDER A PÉ E UNICAMENTE POLA CANCELA DA RÚA ALEXANDER VON HUMBOLDT (fronte ao Bar Paradiñas).

3. O acceso ao aparcadoiro das familias e dos vehículos alleos aos centros de ensino NON ESTARÁ PERMITIDO

4. O acceso pola porta central do aparcadoiro É EXCLUSIVO PARA ALUMNADO DE PRIMARIA DO CEIP ALBORADA E NON PODERÁ SER UTILIZADO EN NINGÚN CASO

II. ENTRADA DO ALUMNADO

1. Segundo sexa a hora de entrada correspondente a cada nivel convocado, abrirase a cancela de entrada para que os grupos vaian pasando ao porche do centro.

2. O alumnado entrará ordeadamente pola cancela da Rúa Alexander von Humboldt, unha vez que se abra, á zona do porche que lle estará reservada, colocándose en fila no espazo reservado para o seu grupo (as zonas estarán indicadas cun cartel e co/a profesor/a titor/a de cada grupo presente para controlar o espazo)

3. Unha vez que sexa a súa hora de entrada (2º ESO, 09:20/ 1º BACH, 10:00/ 1º ESO, 11:30), os grupos irán pasando por turno ao interior do edificio pola porta que lles estará asignada durante todo o curso:

a) 2º ESO: cancela lateral do edificio con acceso á porta do soto
b) 1º ESO: porta principal de cristal dereita
c) 1º Bacharelato: cancela lateral do edificio con acceso á porta do soto

3. IMPORTANTE: Por razóns de seguridade, a cancela de entrada pecharase ás 09:30 horas. O alumnado que chegue tarde, non poderá incorporarse á presentación.

4. O alumnado debe traer material de escritura (boli, libreta) e dúas mascarillas (unha posta e outra de reposto)

PARADAS DO TRANSPORTE ESCOLAR PARA O DÍA 23 DE SETEMBRO

LIÑAS E PARADAS DE TRANSPORTE
SERVIZO DE TRANSPORTE DA CONSELLERÍA

MOI IMPORTANTE:
O HORARIO DE SAÍDAS DAS PARADAS É APROXIMADO

CÓMPRE ESTAR CON ANTELACIÓN NAS PARADAS

1. O alumnado de Bacharelato non ten dereito a transporte escolar

2. O alumnado debe utilizar exclusivamente a parada que solicitou no momento de matricularse

*     *    *

GRUPO 1 (2º ESO, Entrada ás 09:20 horas)

GRUPO 2 (1º ESO, Entrada ás 11:30 horas)

ABERTO O PRAZO PARA A SOLICITUDE DAS BOLSAS MEC PARA ALUMNADO DE BACHARELATO

O Ministerio de Educación e Formación Profesional abre a convocatoria anual para solicitar, vía telemática a través da Sede electrónica do MEC, bolsas de axuda económica para alumnado de ensinos non obrigatorios (bacharelato e universidade). O prazo de presentación comeza o día 1 de agosto e rematará o 1 de Outubro. Toda a información sobre a convocatoria nos enlaces do Ministerio e no texto da norma legal (especialmente o Capítulo 7).

Marco legal da convocatoria

Resolución de la Secretaría de estado de educación y Formación Profesional, por la que se convocan becas de carácter general para el curso académico 2019-20 para estudiantes que cursen estudios postobligatorios