Skip to Content

ELECCIÓNS PARA A RENOVACIÓN DE MEMBROS DO CONSELLO ESCOLAR

Este martes día 23 de novembro será a xornada de votacións para a renovación dos membros dos diversos sectores representados no Consello escolar. O horario das votacións de cada sector será o que sigue. As actas de cada mesa faranse públicas no taboleiro de información sobre as eleccións (entrada do centro, fronte a conserxería) ao día seguinte:

A. SECTOR FAMILIAS: desde as 16:30 ata as 18:00 horas

B. SECTOR ALUMNADO: desde as 08:30 ata as 12:00 horas

C. SECTOR PAS: desde as 14:00 horas ata as 14:15 horas

D. SECTOR DOCENTES: desde as 14:50 ata as 15:20 horas

SOLICITUDE DE MASCARILLAS PARA O ALUMNADO DE ESO

REPARTO DE MASCARILLAS AO ALUMNADO

     A Consellería de cultura, educación e universidade ven de publicar a Orde de 28 de outubro de 2021 segundo a cal proporcionará, a través dos centros de ensino, mascarillas a todo aquel alumnado cuxa renda per cápita familiar non supere os 6 000 €. Dado que esta é a cantidade que se utiliza como tope para a obtención do vale de material escolar do Fondolibros, todos aqueles aos que lles foi concedido o vale no mes de setembro (ou máis tarde no caso de formalización da matrícula por traslado) terán dereito de oficio ás mascarillas (NON PRECISAN SOLICITALAS).

     No resto dos casos, as familias deberán facer solicitude no prazo máximo de 10 días habiles a contar desde o 15 de novembro (seguinte día á publicación no DOG da Orde correspondente), é dicir, con data límite de 26 de novembro incluído. A tramitación deberá realizarse na SECRETARÍA do propio instituto aportando a documentación que se indica na Orde.

     Poden atopar os documentos necesarios e toda a información na Sede electrónica da Xunta de Galicia (PROCEDEMENTO ED330E) [Non se pode tramitar desde a sede electrónica. O enlace só é válido para a descarga dos anexos e como información].


DOCUMENTACIÓN NECESARIA
(salvo o ANEXO I, toda a documentación é a mesma que a do Fondo solidario de libros)

a) ANEXO I e ANEXO II (de comprobación de datos)

b) Copia do libro de familia ou documento equivalente, onde figuren o alumno e os demais membros computables da unidade familiar. En caso de separación ou divorcio, ademais deberán achegar a sentenza xudicial e/ou convenio regulador onde conste a atribución da custodia do/a menor. En casos excepcionais, permitirase un volante de convivencia como xustificante.

c) Certificado do grao de discapacidade do/da alumno/a ou calquera membro da familia recoñecido por un órgano que non pertenza á Xunta de Galicia.

d) Documentación xustificativa da situación de violencia de xénero no ámbito familiar, en calquera das formas que enumera o artigo 5 da Lei 11/2007, do 27 de xullo, galega para a prevención e o tratamento integral da violencia de xénero.

e) Resolución xudicial de incapacitación con patria potestade prorrogada ou rehabilitada.

f) Resolución administrativa ou xudicial acreditativa da situación de acollemento ou do certificado do centro de menores, para o alumnado en situación de tutela ou garda da Xunta de Galicia.

g) Certificado de convivencia, volante de convivencia ou informe dos servizos sociais ou do órgano equivalente do concello onde resida a familia, no caso de que o pai e a nai ou o titor ou titores carezan de DNI e NIE.

 

IMPORTANTE: ENTREGA DAS MASCARILLAS. En datas vindeiras informarase do procedemento de reparto das mascarillas entre o alumnado ao que lle correspondan.

ELECCIÓNS A MEMBROS DO CONSELLO ESCOLAR

PROMULGACIÓN DE CANDIDATURAS E SORTEO DE MESAS ELECTORAIS

Realizada a reunión da Xunta electoral para as eleccións de renovación do Consello escolar (2021), os seus membros deixan aprobadas as seguintes cuestións:

a. aprobación dos censos definitivos para as eleccións

b. promulgación de candidaturas presentadas entre o 7 e o 11 de novembro (faise a publicación das mesmas no taboleiro de anuncios das Eleccións do Consello escolar)

c. sorteo de membros titulares e suplentes das mesas electorais de familias e alumnado (faise publicación dos elixidos no taboleiro de anuncios das Eleccións do Consello Escolar)

ELECCIÓNS PARA A RENOVACIÓN DO CONSELLO ESCOLAR (II)

ELECCIÓNS PARA A RENOVACIÓN DOS
MEMBROS DO CONSELLO ESCOLAR (II)


Referencias legais que afectan ás eleccións
de membros do Consello escolar

a. Resolución do 20 de setembro de 2021, da Secretaría Xeral de Educación e Formación Profesional, pola que se establece o calendario para a celebración de eleccións de membros dos consellos escolares de centros docentes sostidos con fondos públicos [DOG do 29/09/2021]

b. Decreto 92/1988, do 28 de abril, polo que se regulan os órganos do goberno dos centros públicos de ensino non universitario [DOG do 29/04/1988]

c. Decreto 324/1996 do 26 de xullo, polo que se aproba o regulamento orgánico dos insitutos de educación secundaria [DOG do 9/28/1996]


Constitución da
Xunta electoral

No día 3 de novembro de 2021, dentro do prazo estipulado na normativa anterior, quedou constituída a Xunta electoral que supervisará o procedemento de eleccións de renovación do Consello Escolar do IES Plurilingüe Elviña. Da súa primeira reunión, sairon aprobados o calendario e os procedementos de participación.

 
Calendario electoral

O 3 de novembro procederase á constitución da Xunta electoral no IES Plurilingüe Elviña. Nese mesmo día, a Xunta acordará o calendario a seguir para os seguintes pasos dos comicios:

a. publicación dos censos electorais provisionais de pais/nais, alumnado, profesorado e persoal de administración e servizos (4 de novembro)
b. prazo de reclamación aos censos (ata o día 11 de novembro, incluído)
c. prazo de presentación de candidaturas na secretaría do centro (entre o día 4 e o 11 de novembro, incluídos)
d. resolución de reclamacións e elección dos membros das mesas electorais (12 de novembro), que estarán formadas por:

mesa das familias: director + 4 pais/nais escollidos por sorteo entre os non candidatos
mesa do alumnado: director do centro + 2 alumnos/as escollidos/as por sorteo entre os non candidatos
mesa do profesorado: director do centro + 2 profesores (maior e menor, vogal e secretario/a respectivamente)
mesa do persoal administrativo e de servizos: director do centro + secretario + 1 PAS (o de maior idade)

e. proclamación das candidaturas presentadas (12 de novembro), establecendo un prazo de reclamacións contra as candidaturas (ata o día 16 de novembro). En caso de reclamacións, a Xunta Electoral resolverá en reunión extraordinaria (16 de novembro).
f. campaña electoral (entre o día 12 e o 22 de novembro)
g. xornada das votacións (23 de novembro)
h. publicación das actas de resultados e envío das actas á Consellería (25 de novembro)


Procedementos (formularios dispoñibles
na secretaría do centro)

A. para reclamar as listas do censo: presentarase instancia escrita na secretaría do IES Elviña explicando o motivo da reclamación e as correccións solicitadas. A instancia irá dirixida á Presidencia da Xunta electoral para membros do Consello escolar.

B. para presentar candidaturas: presentarase instancia escrita na secretaría do IES Elviña facendo constar os datos persoais completos e a listaxe pola cal se quere presentar. A instancia irá dirixida á Presidencia da Xunta electoral para membros do Consello escolar.

C. para as votacións: as votacións realizaranse en urna nun espazo amplo do instituto. No caso dos pais/nais/titores o/a votante deberá acreditarse co DNI. No caso do alumnado, do profesorado e dos PAS, bastará coa súa identificación verbal. As votacións realizaranse preferentemente na mesma data en horario lectivo.

a. profesorado: en sesión de claustro extraordinario ás 15:00 horas do día 23 de novembro
b. alumnado: por niveis educativos ao longo da mañá (8:30-12:20) do 23 de novembro
c. persoal de administración e servizos: ás 13:30 horas do día 23 de novembro na secretaría do centro
d. familias: entre as 16:30 e as 18:00 horas do 23 de novembro


NOTA IMPORTANTE SOBRE A PUBLICACIÓN DOS CENSOS

Aínda que nestes casos, a Lei de Protección de Datos establece excepcións á publicación de datos persoais dos participantes nos comicios, en atención á especial sensibilidade destes datos, só estarán dispoñibles para todos os interesados no taboleiro do interior da Secretaría do centro no horario habitual de atención ao público.

ARTE E CIENCIAS: CONVERXENCIAS

VISITA DO ALUMNADO AO CENTRO ÁGORA: ESCHER E A XEOMETRÍA IMPOSIBLE

Ágora

 

Por fin, despois das restricións pandémicas pode o noso alumnado albiscar o exterior do centro. Tocoulle desta vez ao Centro Ágora, onde o Servizo Municipal de Educación do Concello organiza a actividade "Converxencias, arte e ciencia: Escher", en colaboración co IGACIENCIA (Instituto Galega da Ciencia).

Escher01Escher02Escher 03
Escher04Escher05Escher06

 

A exposición trata de acercar aos rapaces dun xeito lúdico a determinados fenómenos matemáticos a partir das xeometrías tridimensionais imposibles do artista plástico neerlandés Maurits Cornelis Escher (1898-1972). 

Escher foi un dos artistas contemporáneos máis recoñecido e encomiado pola comunidade científica internacional, que considera a súa obra como un símbolo da relación entre a arte e a ciencia. Unha icona universal apaixoada polo coñecemento que utilizou as matemáticas, a astronomía, a óptica, a  cristalografía e a xeometría nas súas creacións artísticas. Os mundos paralelos, a metamorfose espazo-tempo, a procura do infinito no plano, as construcións imposibles... iso e máis forma parte do universo de Escher que se mostra e que se ve reflectido nas súas propias verbas: "Debuxar é enganar.  O meu traballo é un xogo... Un xogo moi serio.  Só quen tente ao absurdo logrará o imposible…"

Artista do engano, pois, coma todos os artistas (diría Platón), Escher serviu de pretexto para unha chea de actividades interactivas destinadas á reflexión sobre a xeometría e a matemática na que participou o noso alumnado de ESO.

Pasárono ben, segundo parece. Que se repita...

Distribuir contido


by Dr. Radut