IES Coruxo

O pasado martes 30 de xaneiro tivo lugar un obradoiro adicado a ciencia no patio central do Instituto e, aínda que os principais destinatarios era o alumnado de 3º ESO, o resto de alumnado puido desfrutar parcialmente dos obxectos que estaban no obradoiro, obxectos relacionados con descubrimentos que fixeron mulleres científicas.

No obradoiro fixeron diferentes probas co fin de “comprender o orixe e evolución da VIDA e do UNIVERSO, facendo un percorrido dende o máis pequeno, como son os VIRUS ata o máis grande, como O UNIVERSO; dende o máis sinxelo, coma o CARBÓN, ata o máis complexo, como o WIFI”.

Os obxectos estaban postos cun lema que era prohibido NON tocar, que o que animaba era a todo o contrario, a tocar, experimentar, manipular para aprender.

Con este tipo de obradoiros queremos potenciar nas nosas aulas metodoloxías de ensino onde o alumnado sexa o protagonista e aprenda a través da experimentación e da observación práctica.

Esta iniciativa está dentro do CP Innova, EDUexcelencia, onde o Instituto actúa como promotor da excelencia a través do afondamento de diferentes ámbitos de coñecemento.

Avanzar cara un modelo de convivencia inclusivo, amable e eficaz na xestión dos conflitos. Este é obxectivo que nos propuxemos como comunidade escolar para os vindeiros cursos: reflexionar sobre o modelo de convivencia e introducir melloras de cara aos próximos meses e anos.

Como primeiro paso, o profesorado do Instituto está implicado nun grupo de traballo que consiste en reflexionar sobre o noso modelo de convivencia, dotándonos das ferramentas necesarias para implementar os cambios e melloras no modelo.

Pero ademais do grupo de traballo do profesorado está prevista para os próximos meses a implantación do proxecto do alumnado axudante, coa coordinación da noso Equipo de Orientación.

Neste sentido, o pasado luns 15 de xaneiro tiveron lugar uns obradoiros para 1º ESO sobre conflito e convivencia, que se desenvolveron posteriormente co profesorado do Instituto. Nesta primeira toma de contacto tratouse de dotar ó alumnado das ferramentas necesarias para autoxestionar os conflitos da vida cotiá mellorando as súas relacións interpersoais e a súa autoestima, entendendo o conflito como unha oportunidade de aprendizaxe e mellora das relacións.

Esta actividade ten a súa continuidade na formación do alumnado axudante para os primeiros cursos da ESO e destinado tamén ao profesorado coordinador e participante no proxecto.

A mellora do modelo de convivencia tamén inclúe a creación dunha escola de nais e país de alumnos/as, entre outras actuacións previstas. Todas estas actuacións formarán parte dun novo Plan de Convivencia que integra a toda a comunidade educativa.

Parte de estas actuacións enmárcase dentro do programa Convive-T do CP Inclúe, programa que ten como obxectivo aproveitar as oportunidades de mellora na convivencia no IES Coruxo.

Descubrir a ciencia a través de obradoiros prácticos de “Ciencia brillante” relacionados coa luz e a cor …. o pasado 18 de decembro alumnado de 2º Bacharelato asistiu a unha demostración de ciencia brillante no Hospital Álvaro Cunqueiro de Vigo, acompañado polo seu profesorado de Física e Química.

Nesa demostración o noso alumnado puido experimentar coa luz e a fluorescencia e os seus efectos na vida cotiá, visualizar tecidos e estruturas celulares por microscopia de fluorescencia, coñecer, por exemplo, o poder das verduras na medición do PH ou facer simulacións sobre imaxes médicas.

Estes obradoiros estiveron dirixidos por persoal investigador e técnico do Instituto de Investigación Sanitaria Galicia Sur que se ubica no Hospital Álvaro Cunqueiro de Vigo e na que o alumnado de 2º Bacharelato puido desfrutar de forma gratuíta grazas as xestións do Departamento de Física e Química.

Dende o IES Coruxo queremos felicitarlle as festas a toda a comunidade educativa con esta postal navideña deseñada pola alumna de 1º de Bacharelato Irene López Castellanos:

Ademáis, o alumnado de Expresión corporal de 2º ESO estivo preparando un Flasmob para felicitarnos o Nadal

Pulsar aquí para velo

“Sentir a música a través de mochilas vibratorias, porse na pel dunha persoa xorda e saber cómo poden sentir o ritmo a través das vibracións”….todo isto é o que experimentou o alumnado de 1º, 2º e 3º ESO nas xornadas de sensibilización sobre discapacidade auditiva, levadas a cabo entre o 30 de novembro e o 5 de decembro na aula de Ciencias do IES Coruxo.

Nesta actividade o alumnado puido experimentar cómo perciben a música as persoas xordas e con este fin probaron as mochilas vibratorias, mochilas que rexistran as frecuencias de son e as transforman en vibracións según o tipo de son, permitindo á persona portadora sentir a música a través da vibración.

O obxectivo da actividade era que o noso alumnado fose capaz de porse no lugar das persoas que teñen algún tipo de discapacidade (neste caso persoas con discapacidade auditiva) e que aprendan a valorar e afrontar de forma positiva ás dificultades que se presentan na vida.

Esta actividade, levada a cabo por unha intérprete en linguaxe de signos e que contou co préstamo gratuíto das mochilas vibratorias por parte do Concello de Nigrán, enmárcase dentro do programa Inclúe-T do CP Inclúe, programa que ten como obxectivo facer un IES Coruxo máis inclusivo.

Un grupo de alumnos e alumnas de 1º ESO e 2º ESO do Club de lectura, “asustados” polo alumnado voluntario de 1º Bacharelato e nais pasaron unha tarde de venres terrorífica na Biblioteca do IES Coruxo.

Nada mais comezar a tarde escoitamos unha serie de contos de terror contados polo mestre de cerimonias, D. Carlos e por alumnado monitor e por nais e pais voluntarios pero tamén polos rapaces e rapazas da ESO que animáronse a contar contos de medo....

A continuación visionamos unha curtametraxe de terror cunha terrorífica merenda mentres agradábamos o anoitecer para levar a cabo a gymkana terrorífica por todo o Instituto, no que alumnado tiña que buscar frases de obras de terror da literatura universal pero eso sí, con coidado de non atoparse as nosas fantásticas monitoras e monitores disfrazados para a ocasión en calquera dos corredoress do Instituto...

Tarde de medo no IES Coruxo...grazas a tod@s!!

A continuación detallamos os horarios dos autobuses dos luns pola tarde desde as cabeceiras, coas paradas intermedias que realiza. Pedimos que estén cunha antelación suficinte, antes de facer cada alumno/a os seus propios axustes horarios.

Os horarios da cabeceira dos autobuses de ida serían os seguintes:

• LIÑA 1. Travesía de Vigo, 97 - Gran Vía (15:50) - Castrelos - Florida  - Rúa Teixugueiras/o Limpiño - IES Coruxo
• LIÑA 2. García Barbón, 139 (15:25) - Praza da Industria  (16:00) - Avda Atlántida - Teixugueiras 29/38 - IES Coruxo
• LIÑA 3. Camelias, 40 (16:00) - Castelao - Teixugueiras, 22 - San Paio - IES Coruxo
• LIÑA 4. Estomada (16:00) - Gondufe - Orxás - Prado - Saiáns - Oia Cruce Mide - Gasolineira - Canido Estación -- IES Coruxo.
• LIÑA 5. Matamá Alvite (16:00) - San Andrés - IES Coruxo
• LIÑA 6. Chandebrito (16:10) - Fragoselo - IES Coruxo
• LIÑA 7. Oia-Cruceiro (16:00) – Hermida (Roteas) - Cruceiro San Miguel - Canido (praia) - IES Coruxo