O 22 de febreiro iniciamos esta actividade que se enmarca dentro do programa da Consellería de Sanidade que pretende que o alumnado se afiance no hábito de almorzar, que siga unha dieta equilibrada e con variedade de alimentos de cara a cubrir as súas necesidades nutricionais e xerar actitudes e motivacións cara o coidado persoal que lles permita un desenvolvemento axeitado. O alumno recibe unha charla formativa e motivacional que se complementa co consumo dun almorzo saudable.
Agradecemos a colaboración do Supermercado Froiz da peatonal (Urzáiz, 225), que nos subministra de balde os produtos que consumirá o alumnado participante, e a da empresa PymesVending, que nos facilita gratuítamente parte da intendencia.A organización corre a cargo do departamento de Educación Física, colaborando alumnado de 3ºESO, membros da ANPA e profesorado do IES.
O departamento de Educación Física organizou unha actividade de xogos populares na que participaron todos os cursos menos 2º de bacharelato. Os xogos foron cedidos polo Concello de O Grove. Aquí tedes dous vídeos da actividade:
Pica na imaxe para ver algunhas fotos da actividade de rafting polo río Miño con Arrepións que varios alumnos e alumnas do noso centro realizaron o 25 de maio. Percorreron un tramo de 9 km entre Crecente e Arbo.
Os días 15 e 16 de decembro varios grupos da ESO acudiron á pista de xeo instalada en Samil. Pica nesta ligazón ou na foto inferior para ver algunhas das imaxes da actividade.