IES Castelao

       O 24 de outubro celébrase o Día da Biblioteca, instituído en 1997. A data foi escollida en recordo da destrución* da biblioteca nacional e universitaria de Bosnia e Herzegovina, coñecida como a Biblioteca de Saraxevo, durante a guerra dos Balcáns.          

En 1992 o músico Vedran Smailovic tocou o violonchelo entre os cascallos da Biblioteca de Saraxevo

          Por unha desas curiosas casualidades da historia, na mesma data sucedera moito antes outro feito tráxico: tamén foi un 24 de outubro (do ano 79) cando a furia do Vesubio sepultou a cidade de Pompeia e outras localidades adxacentes nunha das erupcións máis mortíferas e catastróficas da historia de Europa. Esa zona é hoxe lugar inexcusable de visita no circuíto cultural europeo.

          Sexa como for, recordamos nesta data o importante papel das bibliotecas, onde gardamos ese extraordinario tesouro que son os libros.

          O escritor arxentino Jorge Luis Borges (1899-1968) escribiu:

De los diversos instrumentos del hombre, el más asombroso es, sin duda, el libro. Los demás son extensiones de su cuerpo. El microscopio y el telescopio son extensiones de su vista; el teléfono es extensión de la voz; luego tenemos el arado y la espada, extensiones de su brazo. Pero el libro es otra cosa: el libro es una extensión de la memoria y de la imaginación.

          En demasiadas ocasións, non lonxe no tempo nin no espazo por desgraza, os libros teñen sido censurados, prohibidos, queimados...

          Festexemos as palabras, os libros e as bibliotecas neste 24 de outubro de 2024, Día da Biblioteca.

* Podedes ler sobre a destrución da Biblioteca de Saraxevo o texto que se xunta.