IES Castelao

Xa temos nome e logo para a nosa radio escolar!

RADIOLAO

Tras unha difícil decisión do xurado, logo da masiva participación do alumnado no concurso de busca de nome e logotipo para a nosa radio escolar, temos gañadores. Si, si. Gañadores. O fallo do xurado foi ex aequo.

Benjamin Parriao Sauza (1º ESO A) e Iago Rodríguez Sotelino (1º ESO C) foron os agraciados dos galardóns. O primeiro é o deseñador do logo, un Castelao con cascos e micrófono, que representa as voces da radio. O segundo púxolle un enxeñoso nome (Radiolao) que, asemade, representa a forma do sombreiro tan característico de Castelao. O xurado concluíu que a combinación de ambas as dúas propostas é perfecta para representar o espírito do proxecto.

Parabéns, rapaces!