O CRA Ponte da Pedra

Durante o mes de agosto, estamos en contacto a través do correo electrónico:

cra.ponte.pedra@edu.xunta.gal

Lembrade deixar os datos de contacto: nome e número de teléfono.

Bo verán!

Durante a derradeira semana de abril, 4 mestras do centro realizamos unha viaxe de estudos a Helsinki. Visitamos diferentes escolas na cidade finesa, caracterizadas por traballar con metodoloxías activas, inclusivas e innovadoras na procura aprendizaxes significativas diferentes da escola tradicional.

Foi unha experiencia renovadora e inspiradora para a  transformación das nosas aulas.

Neste vídeo amosamos un resumo do que foi aquela semana.

O prazo para a formalización da matrícula do vindeiro curso abrangue desde o día 20 ata o 30 de xuño.

ATENCIÓN:

- O día 21 de xuño NON haberá secretaría: estamos de excursión.

- O 24 de xuño é festivo local polo que o centro estará pechado.

Deberá entregarse na sede do CRA, o formulario de matrícula (Anexo III) xunto coa documentación que se detalla a continuación:

- ANEXO III (documento formalización matrícula).

- Fotocopia da tarxeta sanitaria.

- Fotocopia de cartilla de vacinacións.

- Unha fotografía tamaño carnet.

- Impreso das autorizacións.

- Enquisa Galego Equipo de Dinamización Lingua Galega.

O horario de atención ao público é de 10 a 13h de luns a venres.