Rega

Rematamos un Proxecto e recordamos todo o que aprendemos. Só nos quedaba o broche final; vestirnos para viaxar ata a Antártida, aínda que como dicía algún mentras se vestía "Profe, esta roupa non chega para ir á Antártida" 

Despois de levar días buscando un poemario, apareceu nas miñas mans unha escolma de poemas de froitas chamado "Macedonia de versos" escrito e ilustrado por Concha Blanco e Lidia Nokonoko. Tras a lectura do seu primeiro poema adicado a unha cesta de vimbio preparamos unha macedonia con fresas, peras e laranxa que nos souberon requete ben. 

Todos os días, á volta do recreo, buscamos un lugar tranquilo na clase para relaxarnos e descansar un pouquiño. Normalmente eles elixen o seu espacio, a súa compañía, e as súas propias técnicas para relaxarse; nós só lle proporcionamos un ambiente cálido e unha música adecuada. Pero o venres creamos outro momento distinto de relaxación. Tal e como xa fixemos o ano pasado co libro "Beni e Bela meditan" practicamos na aula un pouquiño de mindfulness, esta vez co libro "Tranquilos e atentos como unha rana". 

Creamos o ambiente adecuado, luz e un espacio cómodo,  para escoitar e atender a historia guiada que nos ía a servir para estar un pouquiño máis tranquilos e seguir co noso traballo na aula.