Cances

"Escribir es agregar un cuarto a la casa de la vida" Adolfo Bioy Casares

Esta cita fainos pensar en :

Que pasaría se non houbese escritores de contos e libros?

Onde poderíamos encontrar historias que ler?

A onde poderíamos viaxar sen lecturas?

Como se reunirían as palabras?

E as letras?

Poderíamos seguir imaxinando aventuras?

A quen lle poderíamos contar historias?...

A través desta cita e estas cuestións facemos fincapé na importancia da literatura tanto escrita como oral, a súa relevancia dentro das aulas e nos fogares dos alumnos e alumnas, e por iso se nos ocurre facer partícipe a Alfredo Brañas escritor e ideólogo nado no concello de Carballo.

A maioría dos cativos e cativas da vila pasan cerca da súa escultura nunha das rúas máis concorridas de Carballo, a súa sorpresa foi ver a súa foto na escola:

-Eu toqueino o outro día

-Eu paso por alí moitas veces pero non sei como se chama

-É unha pedra moi fría...

Hoxe a través da figura de Alfredo Brañas, ao cal lle ensinamos a nosa escola e patio, empezamos a facer un percorrido por os conceptos de "aldea", "vila" e "cidade" ( contidos referentes ao currículo de educación Primaria pero que se poden adaptar á Etapa de Infantil dada a súa relevancia vivencial).

Decidimos versionar a "Marionetista" e convertelo en ALfredo Brañas para poder desprazalo e integralo nas nosas aprendizaxes.

Ata lle deixamos xogar no noso patio, da gusto ver como os cativos e cativas integran a historia nas súas vivenvias.

A partir de agora Alfredo Brañas será un referente na Escola de Cances, sobre todo para traballar contidos referidos ao eido social e natural.

Representación do bosque de Cances coa fauna e flora traballada na aula.

"Cidade luminosa" creada para traballar diferencias estructurais de vila e aldea.

ALFREDO BRAÑAS seguiremos amosandoche todo o que descubramos.

Asinado: Os nenos e nenas da Escola de Cances.

SAMAÍN 2018

Este ano as familias participaron coa creación de monstros terroríficos, aí van algunhas fotos dese día na escola.

Grazas pola colaboración!!

O venres pasado o alumnado de 6º de Educación Infantil e Primaria de Cances fomos a representar unha pequena obra de teatro a Radio Voz, elaborámola  entre todos e todas coa axuda da mestra.

Dita obra foi para participar no XVIII concurso escolar de teatro lido "Xosé Manuel Eirís".

O título da obra acordado por votación foi "LABREGOS DE SEMENTES", a través dela pretendemos poñer nas nosas voces e que se poidan escoitar a través dun medio de comunicación tan importante como é a radio, o noso gran de area para que poidamos coincienciar as persoas que nos escoiten o mundo no que queremos vivir.

Obra:

-Amencía o que parecía un día solleiro na vila de Cances e o galo xa cantaba no galiñeiro

-Bos días Julio que che parece se imos buscar os veciños e veciñas de Cances?

-Si, vamos ata as súas casas;

-Pum , pum, pódese pasar?;

-Quen é?;

-Bos días somos Anxo e Julio de Cances;

-Bos días, pasade, pasade;

-E logo non ides a feira de Carballo que hoxe é domingo?;

-Non hoxe non podemos;

-E logo, por que non podedes?;

-Porque temos que sementar as terras de Cances;

-E logo, que ides sementar?;

-Eu sementarei sementes de respeto, para que haxa ledicia en todos os fogares;

-Eu sementarei sementes de igualdade para todas as persoas da terra;

-Eu sementarei sementes de paz, para que ningunha persoa teña que abandoar os seus fogares e os seus países;

-Eu sementarei sementes de valentía, para facerlle fronte ao medo e poidamos vivir libres;

-E logo, por que ides plantar todo iso?

-Por que queremos que todas as persoas de todas as terras do mundo sexan felices e vivan sen ningún medo.

Fixemos varios ensaios na escola antes de ir á radio, aínda así na radio puxémonos un pouco nerviosos e nerviosas, xa que era a primeira vez que estábamos diante dun micrófono real.

Aínda así gustounos moito e volveremos a repetir, xa que foi unha experiencia moi enriquecedora.

Dar as grazas ás familias, por colaborar neste tipo de actividades voluntarias tan enriquecedoras para os cativos e cativas.