blogue de : teresa

O mércores 18 de decembro celebramos os aniversarios das nenas e nenos que cumpriron anos ao longo deste trimestre. Ademais convidáronnos a unha merenda de pan de ovo e zumes.

Moitas felicidades!!!

Tamén tivemos un agasallo moi fermoso de parte da familia de Leo e Noa.

Moitas gracias!!

Ao longo destas semanas estivemos avanzando no traballo sobre o proxecto da neve. Ademais de recoller e escribir a información dos libros que falan do tema, estivemos experimentando coa neve e as súas versións.

Aproveitamos nos días anteriores a observar detidamente o noso contorno: houbo días que sarabiou cando o tempo foi moi chuvioso ou días que xeou cando o tempo foi máis seco e as temperaturas baixas. Non é neve, pero si o máis parecido que podemos atopar na nosa localidade.

Noutra xornada pintamos con xeo de cores que adubaron con colorante alimentario; no que crearon as súas cores a través de mesturas.

Esta semana experimentamos cos tres estados da auga. Levamos xeo á aula, tocámolo e falamos das sensacións que nos producía. Falamos do proceso de transformación pensando en que elementos do contorno se deben modificar para que a transformación sexa posible. Cadaquén deu o seu parecer e todas as respostas tiveron cabida.

Aquí tedes as imaxes da sesión.

Para rematar, todas e todos xogaron co xeo e a auga.

Esta semana tivemos a visita dalguén moi especial: un can guía chamado Baloo.

Este programa ten como finalidade concienciar sobre os atrancos do alumnado con diversidade funcional; sensibilizarnos sobre a pluralidade e promover actitudes de respecto, solidariedade e tolerancia.

Foi unha experiencia moi enriquecedora!!!