O día 5 de xuño os alumnos/as de 4º, 5º e 6º partiron rumbo a Marín, onde tiñan unha visita na Escola Naval Militar. Alí fixeron un percorrido polas grandiosas instalacións a carón do mar. Subiron ó barco de salvamento da Garda Civil, fixeron uso da pista americana que teñen en dita escola, viron o campo de fútbol de céspede artificial, a piscina climatizada e o ximnasio. E tamén puideron votar unha pequena carreira pola pista de atletismo...
O sábado 7 de Xuño tivo lugar o Campionato Galego de Atletismo para as categorías benxamín, alevín e infantil, na que tomaron parte 7 atletas do noso club, que tiveron unha boa actuación en xeral.
O sábado 31 de Maio disputouse na cidade de A Coruña o Gran Premio Cantones de Marcha, valedoiro para a Challenge Mundial de Marcha, con presenza de atletas do club nas probas de menores. Boa actuación dos nosos atletas, que obtiveron dous meritorios podiums.
11 podiums, con vitorias de Aldara Ceide, David Fariñas, Cristian Santos e Cristian Montecelo
Felipe Barata
O pasado 31 de Maio disputouse en Ferreira de Pantón unha nova edición da carreira popular “Rota do Románico”, na cal tomaron parte cerca de 20 atletas do club, tendo unha destacada actuación, xa que se lograron un total de 11 podiums.
A última semana de maio, en sesións de venres e sábado, representouse a montaxe "Deixémonos de dindirindainas", que xa vai pola súa 5ª edición.
Este ano, por primeira vez, asistiu o alumnado de 5º e 6º de E. Primaria que riron como o que máis na representación.
O sábado, aínda que existían outras actividades nas que participaba o centro escolar, non tivemos queixa co público asistente, pois o día non animaba nada a meterse nun lugar pechado; aínda así cremos que lles fixemos pasar uns momentos divertidos.
Hai un dito en castelán que informa (adaptado por nós) que "nunca es tarde si la pizza es buena". Nesta ocasión a pizza era unha catro estacións exquisita.
Só queda agradecer a Lidia Argerey, María Silvera, Luís Varela e Estela Villarábide a súa dedicación e interese pola actividade.
O día 20 de maio a compañía de teatro “Face to face” estivo no noso centro. Realizaron dúas sesións: “Lost in Space”, para o alumnado de Educación Infantil e Primeiro Ciclo de Primaria e “Abracadabra” para o Segundo e Terceiro Ciclo de Primaria.
Os nenos/as do primeiro ciclo tivemos a visita dun apicultor e as súas abellas.
Usamos tódolos nosos sentidos. Oímos as abellas, observámolas , as súas larvas, a abella raíña, as obreiras; tocamos tódolos aparellos do apicultor; ulimos o mel, a cera da abella para facer as velas e, por último, degustamos o mel
2 ouros, 7 pratas e 8 bronces para os nosos atletas
Felipe Barata
O pasado día 25 de Maio disputouse nas pistas Gregorio Pérez Rivera de Lugo o Campionato Provincial de Atletismo para as categorías benxamín, alevín e infantil. Tomaron parte no mesmo 22 atletas do club, obtendo 17 podiums: 2 ouros, 7 pratas e 8 bronces. Ademais deste gran resultado, hai que salientar o gran comportamento de todos os participantes nas distintas disciplinas, mellorando as súas marcas e adquirindo hábitos de comportamento e respecto polo práctica atlética.
O venres, día 16 de maio, os alumnos de 5º e 6º de Primaria do noso cole e os do cole de Portomarín viaxamos a Celeiro (Viveiro) para participar no proxecto “Mariñeiros por un día”.
Nesta xornada ensináronnos a participar e coñecer de primeira man a profesión do home de mar e ó mesmo tempo saber valorala.