Publicada a Instrución 1/2024 da Secretaría Xeral Técnica da Consellería de Educación, Ciencia, Universidades e Formación Profesional do 1 de xuño, sobre funcionamento dos comedores escolares de Xestión directa no curso escolar 2024-25, ábrese o prazo para que as familias que desexen solicitar servizo de comedor para o vindeiro curso presenten presencialmente ou por vía telemática (ao correo electrónico do centro) cuberto a solicitude e o anexo II que se achegan.

As persoas que non teñan posibilidade de imprimir na casa poden pasar a recoller os impresos en papel que estarán á súa disposición no vestíbulo do centro.

O mércores 19 de xuño celebramos no patio cuberto a I Edición de Mini FITUR Cerceda, unha pequena feira internacional de turismo na que o alumnado de ESO amosou a compañeiras e compañeiros de primaria e infantil aspectos representativos de moitos países do mundo: historia, cidades, edificios emblemáticos, gastronomía, bandeiras, mapas, lugares de interés turístico, linguas, tradicións... 

O pasado mes de abril 11 alumnos/as de 4º da ESO presentáronse ao Delf A2 da Alianza Francesa… e por fin acabamos de recibir os resultados.

Todos/as aprobaron… e con excelentes notas!  FÉLICITATIONS !!! 

Na semana do 27 ao 31 de maio de 2024 recibimos a visita de Frédéric Rousselle, director internacional do Groupe OEC Lille - Ozanam EPIL Campus en Francia, no marco da acreditación Erasmus+. Durante a súa estancia en Galicia mantivo reunións con profesorado, persoas coordinadoras e membros do equipo directivo do CPI Plurilingüe O Cruce en Cerceda, pero tivo tamén ocasión de visitar en Santiago de Compostela o Centro autonómico de formación e innovación (CAFI) e o Centro de innovación educativa e dixital CIEDIX).