Skip to Content

Encontro Multixogo

Lun, 2024-03-11 09:02 — secretaria

O xoves 7 de marzo o alumnado de 1º ciclo de Educación Primaria participou nun encontro multixogo, dentro do programa XOGADE, xunto a outros centros da contorna: CEIP Figueroa, CEIP Pérez Viondi, CEIP Villar Paramá, CEIP O Foxo, CEIP Cabada Vázquez, CEIPP de Oca, Colexio de Lourdes e CPI Santa Lucía.

O alumnado xogou ao longo de toda a xornada a diferentes propostas que tiñan como obxectivo o xogo como proposta didáctica. Esta actividade foi organizada pola Agrupación Deportiva de A Estrada que está conformada por docentes destes centros.

Tamén deixamos unha ligazón na que a prensa faise eco desta iniciativa.

 

Álbum: Curso 23-24 -> Encontro Multixogo

Excursión a Manzaneda

Xov, 2024-02-29 19:36 — secretaria

O pasado mércores 21 de febreiro, o alumnado de 2°ESO e 3°ESO saíu de excursión a Manzaneda. Por diante tiñamos 3 días para gozar dunha paisaxe de montaña única e novidosa para a rapazada. Logo dunha breve parada en Castro Caldelas para visitar o seu maxestuoso castelo e repoñer forzas, chegamos ao noso destino. Xa asentados no albergue, comezamos a probar as múltiples instalacións da Estación de Esquí de Manzaneda: probamos a nosa puntería co arco no polideportivo, escalamos árbores no parque multiaventuras, nadamos entre centos de burbullas no spa, saímos de ruta polos sendeiros da contorna, e bailamos ao ritmo da música na discoteca. A sorpresa chegou da man da neve. Ao segundo día da nosa aventura, as temperaturas comezaron a baixar e experimentamos, por primeira vez en moitos casos, a sensación da camiñar coas folerpas de neve batendo de cheo na nosa cara. O brillo dos ollos delataba a emoción do noso alumnado, que aproveitou a situación para seguir practicando puntería nunha divertida pero competitiva loita de bolas de neve. A aventura chegou ao seu fin o venres 23 de febreiro cando, despois dunha mañá chea de actividades coa neve, voltamos para o noso centro cheos de anécdotas que contar, fotos que compartir e días que riscar do calendario ata a nosa próxima viaxe!

Álbum: Curso 23-24 -> Excursión a Manzaneda

Xornada de portas abertas 2024

Lun, 2024-02-26 11:57 — secretaria

O xoves 29 de febreiro, a partir das 10:30 h., abriremos as portas do Centro para que as familias coñezan o sitio no que as súas crianzas comezarán a súa andaina escolar.

Día de Rosalía: Caldo de Gloria e Queremos ser... Rosalía)

Ven, 2024-02-23 18:03 — secretaria

Por mor do aniversario do nacemento de Rosalía de Castro celebramos no cole o día de Rosalía.

Houbo diversas actividades centradas na figura da poetisa.

Unha delas e, relacionada co tema transversal: Que quero ser?, chamámola: Quero ser... Rosalía, na que o alumnado da ESO participou no seguinte vídeo dando as razóns polas que lle gustaría ser a poetisa.

 

Outra delas foi a realización do Caldo de Gloria. Partindo do poema de Rosalía: "Miña casiña, meu lar" o alumnado de 5º de Educación Primaria elaborou este caldo seguindo a receita orixinal que marca o poema. Queremos agradecer a colaboración de Rubén Navia que nos visitou nesta xornada e dounos consellos moi valiosos de como elaborar este caldo.

Aquí vos deixamos unha pequena mostra fotográfica desta xornada.

Álbum: Curso 23-24 -> Día_de_Rosalía (Caldo de Gloria)

Procedementos de reserva, admisión e matrícula 2024-2025

Xov, 2024-02-22 22:50 — secretaria

 

Procedementos de reserva de praza, admisión e matrícula para o curso académico 2024-2025.

Para os procedementos de reserva de praza, solicitude de admisión e matrícula no CPI Aurelio Marcelino Rey García terase en conta a nota informativa que se atopa neste enlace.

Tamén se pode atopar un extracto desta nota informativa neste enlace. 

 1. Normativa reguladora dos procedementos.

  • Decreto 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.
  • Orde do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (códigos de procedemento ED550A, ED550B e ED550C).

 

Anexos para o procedemento de admisión (do 1 ao 20 de marzo): Anexo II e Anexo II-bis

 

2. Outra lexislación relacionada con estes procedementos:

Lexislación relacionada co comedor escolar

Lexislación relacionada co transporte escolar

 

 

 

 

 

 

Vacantes para o curso 2024-2025

 

 

 

 

Entroido: Que Quero ser!

Mar, 2024-02-20 05:23 — secretaria

Por mor da climatoloxía este ano tivemos que celebrar o Entroido en dous actos. O primeiro acto tivo lugar o venres 9 de Febreiro onde degustamos as diferentes viandas aportadas polas familias.

O segundo acto acto foi o venres 16 onde levamosa cabo o desfile polas rúas de Cuntis e escenificamos as diferentes montaxes no patio do cole.

Este ano o tema transversal do PDI do centro é: Que Queremos ser!  polo que vimos unha variedade de disfraces como podían artistas circenses, deportistas, músicos e músicas, cociñeiras, superhéroes e superheroinas, youtubers, pintores e incluso algunha que outra xubilada.

Aquí vos deixamos unha pequena mostra da xornada.

Álbum: Curso 23-24 -> Entroido_Que_quero_ser

Quero ser... artista

Mar, 2024-02-06 16:34 — secretaria

O tema central do Salón do Libro Infantil e Xuvenil deste ano é a maxia, e como nos Clubs de Lectura da escola queremos ir, estamos a ler obra nas que a bruxaría teña importancia e presenza, para coñercermos mellor ese mundo.

E para completar o achegamento a ese mundo, decidimos convidar a Rebeca Lar (https://rebecalar.com/) a visitarnos no centro. Rebeca Lar é unha artista multidisciplinar que ten centrada boa parte da súa obra no imaxinario da bruxaría.

Estivo connosco o xoves pasado, 1 de febreiro, nun obradoiro extra que fixemos de tarde, no horario de apertura da biblio, de 16 a 18 horas.

Rebeca fixo un repaso para nós da imaxe das bruxas na arte e no audiovisual, trouxo traballos propios que compartiu connosco e o mellor de todo é que trouxo con ela un dos seus instrumentos de traballo: a máquina de escribir.

Como gozamos intervindo papeis con mundos bruxerís!!

Álbum: Curso 23-24 -> Quero ser artista!

Xa vén o Entroido!

Ven, 2024-02-02 05:30 — secretaria

Campo a través Provincial (XOGADE)

Ven, 2024-02-02 05:24 — secretaria

O 1 de febreiro tivo lugar en Portas o campionato provincial de Campo a Través pertencente ao programa de Deporte Escolar XOGADE organizado pola Secretaria Xeral do Deporte.

O alumnado de 6º e 3º de Educación Primaria tivo a posibilidade de disfrutar dunha xornada de convivencia con outros centros da provincia de Pontevedra onde practicaron deporte, xogaron e bailaron ao longo de toda a mañá.

Álbum: Curso 23-24 -> Campo a través provincial

Excursión aos museos científicos de A Coruña

Ven, 2024-02-02 05:03 — secretaria

O mércores 31 de xaneiro, o alumnado de 5° e 6° de primaria visitaron o Museo de Ciencias e a DOMUS en Coruña. Viviron diferentes experiencias relacionadas có corpo humano e a ciencia. tamén participaron nun obradoiro de disección. En relación co proxecto "Comer e rañar", visitaron a exposición interactiva "Bocados", coa que estimularon os seus sentidos na cociña.

Álbum: Curso 23-24 -> Visita aos museos científicos
Distribuir contido


by Dr. Radut